JOJUE 15
15
Dɔ nang kə́ tām̄ yā Juda gə̄ tə́
1Dɔ nang ń adə̄n̄ de gə̄ kə́ gír ɓē yā Juda tə́ gə̄ kə gō gír kaadə́ gēé ní, to ta kaw̄ kə̄ dɔ nin̄ dɔ nang kə́ Edom tə́, dəla loo kə́ Təsin tə́, gō nang kə́ Negeb tə́, ta ngóý mbɔ́r ɓē ké geleé tə́. 2-4Dɔ ninə̄n kə́ dām̄ mbɔ́r ɓē kə́ geleé tə́ gír i ta ngóy bā katə̄ tə́, əla gír i loo ń bā katə̄ əla so̰ō̰ tū tə́ á ra sɔɔ̄n̄ ta naā kə dɔ nang kə́ Negeb ní tə́, dɔ ninə̄n ní əta tan Akrabim aw̄ kum kə̄ dām̄ mbɔ́r ɓē kə́ geleé tə́ aw̄ teē Təsin gō tə́ anī əya̰ Kades Barnea kə̄ dām̄ mbɔ́r ɓē kə́ ko̰ó̰ tə́ ba teē dām̄ mbɔ́r ɓē kə́ geleé tə́ gān̄g Hesəron, ra tū tə́ noō aw̄ Adar ń i loo kə́ kḭḭ kə̄ dɔɔ́ tə́ ní, ba tūr̄ rɔ̄n Karka aw̄ Asmon, ḭḭ Asmon aw̄ bátə́ ugə̄ man̄ ń a ɓārə́n̄ na i man̄ kə́ Ejiptə tə́ ní, ḭḭ noó aw̄ bátə́ ugə̄ bā bo tə́. Loo ń dɔ nin̄ dɔ nang yādə́ kə́ dām̄ mbɔ́r ɓē kə́ geleé tə́ teē tū tə́ ní n noó.
5Dɔ nin̄ dɔ nang yādə́ kə́ dām̄ kə́ gír ɓē tə́ i bā katə̄, ḭḭ noó aw̄ bátə́ ugə̄ loo ń bā Jurdḛ əsō kum bā katə̄ tə́ tū tə́ ní.
Dɔ ninə̄n kə́ dām̄ mbɔ́r ɓē kə́ ko̰ó̰ tə́ əla gír i loo ń noō tə́ ō. 6Dɔ ninə̄n ní əta tan kum kə̄ dɔɔ́, aw̄ Bet Hogəla, ra noó əya̰ Bet Araba kə̄ dām̄ mbɔ́r ɓē kə́ geleé tə́ ba teē dām̄ mbɔ́r ɓē kə́ ko̰ó̰ tə́, aw̄ bátə́ ugə̄ mbal̄ yā Bohan kə́ ngōn̄ Ruben tə́, 7ra noó teē wól loo kə́ Akor tə́ aw̄ Debir, gō tə́ anī ra dām̄ mbɔ́r ɓē kə́ ko̰ó̰ tə́ tūr̄ rɔ̄n aw̄ kum kə̄ Gilgal, loo ń ra sɔɔ̄n ta naā kə loo kə́ kḭḭ kə̄ dɔɔ́ kə́ Adumim tə́ ní, ré deē ra kum wóĺ tə́ anī, i kə̄ dām̄ mbɔ́r ɓē kə́ geleé tə́. Dɔ nin̄ ní teē kadə kəɓa man̄ gə̄ kə́ En Semes tə́, ba aw̄ ugə̄ En Rogel. 8Tél un gō wól loo kə́ Ben Hinom kə gō kadə mbal̄ yā Yebus gə̄ kə́ dām̄ mbɔ́r ɓē kə́ geleé tə́ ń ɓē kə́ Jerusalem i tū tə́ ní, gō tə́ anī teē dɔ mbal̄ ń deē ra wól loo kə́ Hinom tə́ anī i kə̄ dām̄ kə́ no ɓē tə́ ō, deē ra wól loo yā Repay gə̄ tə́ anī, i ta ngóy wól loo yā Repay gə̄ tə́ kə̄ dām̄ mbɔ́r ɓē kə́ ko̰ó̰ tə́ ō ní. 9Ra loo ń noō tə́ tūr̄ rɔ̄n aw̄ kum ká ta kəɓa man̄ gə̄ kə́ Nepətoa tə́, aw̄ ugə̄ ɓē gə̄ ń ran̄ kadə mbal̄ Epəron tə́ ní, pá tá aw̄ kum kə̄ Baala ń a ɓārə́n̄ na i Kiryat Yearim ní tə́. 10Ré deē ra Baala anī, dɔ nin̄ ní tūr̄ rɔ̄n no ɓē tə́ ba aw̄ kum kə̄ mbal̄ Seir tə́, aw̄ teē kadə mbal̄ ń a ɓārə́n̄ na ii mbal̄ ku kāgə̄ gə̄ ní tə́ adə̄ i Kesalon, teē i kadən kə́ dām̄ mbɔ́r ɓē kə́ ko̰ó̰ tə́. Dɔ nin̄ ní risə aw̄ Bet Semes ba aw̄ Timna. 11ḬḬ noó aw̄ teē kadə Ekəron kə́ dām̄ mbɔ́r ɓē kə́ ko̰ó̰ tə́, rugə rɔ̄n aw̄ Sikaron, man̄ mbal̄ Baala ba aw̄ bátə́ teē Yabəneel, ḭḭ Yabəneel aw̄ ugə̄ bā bo tə́.
12Dɔ nin̄ kə́ no ɓē tə́ i bā bo.
Dɔ nin̄ dɔ nang ń Juda gə̄ əngen̄ kə gír kaadə́ gēé ní n noó.
13Gāngə̄n̄ dɔ nang adə̄n Kaleb ngōn̄ Yepune dan Juda gə̄ tə́, tītə̄ ń Kɔ́ɔ̄ɓē ədań Jojue ní. I ɓē ń rīn na i Kiryat Arba á i ɓē yā Arba ní n adə̄n̄ Kaleb ní. Arba i rī bɔbə̄ Anak. 14Gír kojə yā Sesay ō, Ahiman ō, Talmai ō n nin̄ i ngán kaa Anak gə̄ ní, ndin̄ kem ɓē ní tə́, banī Kaleb tə̄ɓādə́ kɔ̄ɔ́ ba taāń ɓē. 15Ni-ḭḭ noó aw̄ rɔ̄ɔ̄ de kə́ Debir gə̄, kété ní rī ɓē kə́ Debir na i Kiryat Seper. 16Kaleb əda na deē ń rɔ̄ɔ̄ ɓē kə́ Kiryat Seper ba tətən rɔ̄ɔ̄ anī, n-a n-adə̄ kɔ̄ɔ́ ngōnən kə́ dəyá̰ ń rīn na i Aksa ní kadə̄ taā. 17Anī Otəniel ngōn̄ Kenas kə́ ngōkó̰o̰ Kaleb rɔ̄ɔ̄ ɓē kə́ Kiryat Seper rɔ̄ɔ̄ tetən, adə̄ Kaleb adə̄n ngōnən kə́ dəyá̰ ní. 18Dan ń Aksa ugə̄ jī Otəniel tə́ anī ra kə Otəniel ta dəje bɔbə̄n Kaleb loo ndɔr̄. Aksa risə dɔ kərō yān tə́ anī Kaleb dəjen yá̰á̰ ń kemən gḛy ní. 19Anī ni tūr̄ ədan na: Ī-rāā majə seḿ ādə̄m̄ ta kəɓa man̄ gə̄ tə́ tām̄ dɔ nang kə́ Negeb ń ādə̄m̄ ní man̄ gətóo tū tə́. Anī Kaleb adə̄n ta kəɓa man̄ gə̄ kə́ loo kə́ kḭḭ kə̄ dɔɔ́ tə́ ō, kə́ loo kə́ tél kə̄ nang tə́ tə́ ō.
20Dɔ nang ń de kə́ gír ɓē yā Juda tə́ gə̄ əngen̄ kə gír kaadə́ gēé ní n nuú.
21Ɓē gə̄ kə́ dɔ nang yā Juda tə́ ń ndin̄ dām̄ mbɔ́r ɓē kə́ geleé tə́ kadə dɔ nin̄ dɔ nang kə́ Edom tə́ ní rīdə́ na i Kabəseel ō, Eder ō, Yagur ō, 22Kina ō, Dimona ō, Adeada ō, 23Kedes ō, Hasor ō, Itənan ō, 24Jip ō, Telem ō, Bealot ō, 25Hasor Hadata ō, Keriot Hesəron ń a ɓārə́n̄ na i Hasor ní ō, 26Amam ō, Sema ō, Molada ō, 27Haser Gada ō, Hesəmon ō, Bet Pelet ō, 28Hasar Sual ō, Beer Seba ō, ngán ɓē gə̄ ń ndin̄ kə gō gidií ní ō, 29Baala ō, Iyim ō, Esem ō, 30Eltolad ō, Kesil ō, Horma ō, 31Sikəlag ō, Madəmana ō, Sansana ō, 32Lebaot ō, Silim ō, Ain ō, Rimon ō. Adə̄ ɓē i kutə jōó gidə i ndōhó naā tə́ kə ngán ɓē gə̄ ń ndin̄ kə gō gidií ní ō.
33Ɓē kə́ dɔ nang kə́ mbal̄ bo gətóo tū tə́ tə́ ní i Esətaol ō, Sora ō, Asəna ō, 34Janoa ō, En Ganim ō, Tapua ō, Enam ō, 35Yarmut ō, Adulam ō, Soko ō, Ajeka ō, 36Saraim ō, Aditaim ō, Gedera ō, Gederotaim ō. Adə̄ ɓē i kutə gidə i sɔ́ naā tə́ kə ngán ɓē gə̄ ń ndin̄ kə gō gidí ní ō. 37Ɓē kə́ rang gə̄ i Senan ō, Hadasa ō, Migədal Gad ō, 38Dila ō, Misəpe ō, Yokəteel ō, 39Lakis ō, Boskat ō, Egəlon ō, 40Kabon ō, Lahemas ō, Kitəlis ō, 41Gederot ō, Bet Dagon ō, Naama ō, Makeda ō. Adə̄ ɓē i kutə gidə i mehḛ́ naā tə́ kə ngán ɓē gə̄ ń kə gō gidií ní ō. 42Ɓē kə́ rang gə̄ i Libəna ō, Eter ō, Asan ō, 43Ipəta ō, Asəna ō, Nesib ō, 44Keila ō, Akjib ō, Maresa ō. Adə̄ ɓē i ndōhó naā tə́ kə ngán ɓē gə̄ kə́ kə gō gidií gə̄. 45Ɓē kə́ rang gə̄ i Ekəron ō, ɓē gə̄ ń kə́ Ekəron o̰o̰ ɓē dɔdə́ tə́ ní ō, naā tə́ kə ngán ɓē gə̄ ń ndin̄ kə gō gidií ní ō, 46ɓē bo gə̄ malang kə ngán ɓē gə̄ malang ń ndin̄ kə gō gidə ɓē kə́ Asdod dɔ dán ɓē kə́ Ekəron tə́ kə bā boó ní ō, 47ɓē kə́ Asdod ō, ɓē gə̄ ń Asdod o̰o̰ ɓē dɔ tə́ ní ō, ngán ɓē gə̄ ń ndin̄ kə gō gidií ní ō, ɓē kə́ Gaja ō, ɓē gə̄ ń ɓē kə́ Gaja o̰o̰ ɓē dɔ tə́ ni ō, ngán ɓē gə̄ ń ndin̄ kə gō gidií ní ō, bátə́ ugə̄ń man̄ kə́ Ejiptə tə́ ō, bā bo tə́ ō.
48Ɓē gə̄ ń ndin̄ gō nang kə́ mbalá tə́ ní i Samir ō, Yatir ō, Soko ō, 49Dana ō, Kiryat Sana ń a ɓāŕnən̄ na i Debir ní ō, 50Anab ō, Esətemoa ō, Anim ō, 51Gosen ō, Holon ō, Gilo ō, adə̄ ɓē i kutə gidə i kógə̄ḿ naā tə́ kə ngán ɓē gə̄ ń ndin̄ kə gō gidií ní. 52Ɓē kə́ rang gə̄ i Araba ō, Duma ō, Esan ō, 53Yanum ō, Bet Tapua ō, Apeka ō, 54Humeta ō, Kiryat Arba ń a ɓārə́n̄ na i Hebron ní ō, Sior ō, adə̄ ɓē i ndōhó naā tə́ kə ngán ɓē gə̄ ń ndin̄ kə gō gidií ní. 55Ɓē kə́ rang gə̄ i Maon ō, Karmel ō, Jip ō, Yuta ō, 56Jisreel ō, Yokədeam ō, Janoa ō, 57Kain ō, Gibea ō, Timna ō, adə̄ ɓē i kutə naā tə́ kə ngán ɓē gə̄ ń ndin̄ kə gō gidií ní. 58Ɓē kə́ rang gə̄ i Halul ō, Bet Sur ō, Gedor ō, 59Maarat ō, Bet Anot ō, Eltekon ō, adə̄ ɓē i mehḛ́ naā tə́ kə ngán ɓē gə̄ ń ndin̄ kə́ gō gidií ní. 60Ɓē kə́ rang gə̄ i Kiryat Baal ń a ɓārə́n̄ na i Kiryat Yearim ní ō, Raba ō, adə̄ ɓē gə̄ i jōó naā tə́ kə ngán ɓē gə̄ ń ndin̄ kə gō gidií ní.
61Ɓē gə̄ kə́ dəla loo tə́ i Bet Araba ō, Midin ō, Sekaka ō, 62Nibəsan ō, Ir Mela ō, En Gedi ō, adə̄ ɓē i mehḛ́ naā tə́ kə ngán ɓē gə̄ ń ndin̄ kə gō gidií ní.
63Yebus gə̄ ń ndin̄ Jerusalem ní, Juda gə̄ asən̄ tə́ɓādə́ alé, adə̄ nin̄ kem ɓē kə́ Jerusalem tə́ kə Juda gēé bátə́ ɓōólaā.
Currently Selected:
JOJUE 15: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
