ESTER KƏ TA GƏREK 6
6
Əndān̄ gúu dɔ Haman tə́ kadə̄ rɔȳ Mardose
1Ndɔ̄ɔ́ ndɔ̄ ngeé ń nuū tə́ ní, Kɔ́ɔ̄ɓē un ɓīī kum mban̄g tə́ kɔ̄ɔ́, adə̄ mban̄g əda nge ndang makətūbə̄ yān kadə̄ reē kə makətūbə̄ yá̰a̰ gə̄ ń a rāān̄ yá̰a̰ kə dɔ ɓāl̄ gə̄ ní, ba kə tə́da kadə̄ n-oō. 2Ni ənge najə̄ kə́ dɔ Mardose tə́ ń ndangən̄ ní, adə̄ i lo teē ń Mardose teē kə gíŕ áji mbang kə́ ndogó mbangaá gə̄ jōó dɔɔ́ ní. Dan ń ta ngɔ̄m̄ lo i dɔdə́ tə́ anī, nin̄ sāān̄ tɔ̄l̄ mban̄g Artajerses. 3Anī mban̄g dəje najə̄ əda na: j-əndāī nja Mardose aláa jə-rāāī kem majə seneé i kə rí? Ngé kəla yān gə̄ tél ədanən̄ na: Ḭ̄ ī-rāā yá̰á̰ kógə̄ḿ tām̄ yān tə́ alé.
4Dan ń mban̄g a dəje najə̄ kə́ dɔ kəla kə́ majə gə̄ ń Mardose rāā tə́ ní anī, Haman reē ra ndágə loó. Lo ń nuū tə́ mban̄g əda na: I náā n ra ndágə loó nuū? Haman reē i dəje mban̄g tə́ kadə̄ n-ənī kəlā míndə Mardose tə́ ba kə n dṵṵ̄n dɔɔ́ tū kāgə̄ ń n-udə tə́ ní. 5Ngé kəla gə̄ yā mban̄g ədan̄ na: I Haman n ra ndágə loó nuū. Anī mban̄g əda na: Ī-ɓāríin̄ ādə̄ reē. 6Gō tə́ anī mban̄g dəje Haman na: Deē ń m̄-gḛy rɔȳn ní m-ā m̄-rāā i rí seneé? Anī Haman əda kə̄ kemən tə́ na: Deē ń mban̄g sāā rɔȳn ní i mā ngóy aĺ a? 7Lo ń nuū tə́ ni tūr̄ əda mban̄g na: Deē kə́ mban̄g sāā rɔȳn a? 8Ādə̄ ngé kəla gə̄ yā mban̄g reēn̄ kə kūbə̄ lḛ́ḛ́ ń mban̄g a ɓír̄ rɔ̄n tə́ ní ō, sə́ndá ń mban̄g a ndi gidə tə́ ní ō. 9Mban̄g a téləń yā kadə̄ madə̄ tan kə́ ndi lo kə́ bo tə́ kadə̄ əla rɔ̄ deē ń mban̄g ndigən ní tə́. Madə̄ ta mban̄g a əndā deē ní dɔ sə́ndá tə́, ba a ənī mbēr̄ non tə́ kum róbə kɔsə kə́ bo kə́ kem ɓēé tə́ a əda na: De gə̄ malang ń mban̄g sāā rɔȳdə́ ní, i yá̰á̰ ń toō n ni a rāā sedə́ ní!
10Anī mban̄g əda Haman na: Najə̄ ń ə́dá ní majə. Ī-rāā tītə̄ ń nuū kə Mardose, Jipə ń ra a rāā kəla ndágə loó ndogó mbangaá ní. Yá̰á̰ ń ɔ́jə́ ní, ī-rāā kógə̄ḿ kə njaí jingling alé! 11Haman un kūbə̄ ō, əhɔ sə́nda ō. Ni əla kūbə̄ rɔ̄ Mardose tə́, ba əndān dɔ sə́ndá tə́. Gō tə́ anī, njə̄rā seneé kum róbə kɔsə kə́ kem ɓēé tə́ ba ənī mbēr̄ non tə́ əda na: De gə̄ malang ń mban̄g sāā rɔȳdə́ ní, i yá̰á̰ ń toō n ni a rāā sedə́ ní!
12Mardose tél aw̄ gogə́ ndogó mbangaá, banī Haman tél aw̄ ɓēé. Tɔ́gən ur̄ wak kɔ̄ɔ́ ō, əla i dɔn nang tə́ ō. 13Haman ɔjə nə̄yá̰n Josara ō, madə̄ tan gə̄ ō, gotə yá̰á̰ ń rāan ní. Anī nin̄ ədanən̄ na: Ré Mardose i de kə́ gír kaan i Jipə anī, rɔ̄sɔl̄ ń ə́nge ta kumən tə́ toō i nge kə́ ta kəga dɔ. Ā ə̄sō i mbée kum kə́ kété kété rɔ̄kum. Ā ásə mbəren kə̄ gogə́ aĺ bátə́, tɔdɔ̄ Nə́ɓā kógə̄ḿ kə́ ndi kə kumneé i naā tə́ seneé.
14Nin̄ a ɔrə̄n̄ najə̄ kə̄ tadə́ tə́ ɓáý anī, áji mbang gə̄ reēn̄. Nin̄ ran̄ kə Haman ta kaw̄ lo yá̰a̰ kəsa kə́ ngá̰ý ń Ester rāā tə́ ní.
Currently Selected:
ESTER KƏ TA GƏREK 6: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
ESTER KƏ TA GƏREK 6
6
Əndān̄ gúu dɔ Haman tə́ kadə̄ rɔȳ Mardose
1Ndɔ̄ɔ́ ndɔ̄ ngeé ń nuū tə́ ní, Kɔ́ɔ̄ɓē un ɓīī kum mban̄g tə́ kɔ̄ɔ́, adə̄ mban̄g əda nge ndang makətūbə̄ yān kadə̄ reē kə makətūbə̄ yá̰a̰ gə̄ ń a rāān̄ yá̰a̰ kə dɔ ɓāl̄ gə̄ ní, ba kə tə́da kadə̄ n-oō. 2Ni ənge najə̄ kə́ dɔ Mardose tə́ ń ndangən̄ ní, adə̄ i lo teē ń Mardose teē kə gíŕ áji mbang kə́ ndogó mbangaá gə̄ jōó dɔɔ́ ní. Dan ń ta ngɔ̄m̄ lo i dɔdə́ tə́ anī, nin̄ sāān̄ tɔ̄l̄ mban̄g Artajerses. 3Anī mban̄g dəje najə̄ əda na: j-əndāī nja Mardose aláa jə-rāāī kem majə seneé i kə rí? Ngé kəla yān gə̄ tél ədanən̄ na: Ḭ̄ ī-rāā yá̰á̰ kógə̄ḿ tām̄ yān tə́ alé.
4Dan ń mban̄g a dəje najə̄ kə́ dɔ kəla kə́ majə gə̄ ń Mardose rāā tə́ ní anī, Haman reē ra ndágə loó. Lo ń nuū tə́ mban̄g əda na: I náā n ra ndágə loó nuū? Haman reē i dəje mban̄g tə́ kadə̄ n-ənī kəlā míndə Mardose tə́ ba kə n dṵṵ̄n dɔɔ́ tū kāgə̄ ń n-udə tə́ ní. 5Ngé kəla gə̄ yā mban̄g ədan̄ na: I Haman n ra ndágə loó nuū. Anī mban̄g əda na: Ī-ɓāríin̄ ādə̄ reē. 6Gō tə́ anī mban̄g dəje Haman na: Deē ń m̄-gḛy rɔȳn ní m-ā m̄-rāā i rí seneé? Anī Haman əda kə̄ kemən tə́ na: Deē ń mban̄g sāā rɔȳn ní i mā ngóy aĺ a? 7Lo ń nuū tə́ ni tūr̄ əda mban̄g na: Deē kə́ mban̄g sāā rɔȳn a? 8Ādə̄ ngé kəla gə̄ yā mban̄g reēn̄ kə kūbə̄ lḛ́ḛ́ ń mban̄g a ɓír̄ rɔ̄n tə́ ní ō, sə́ndá ń mban̄g a ndi gidə tə́ ní ō. 9Mban̄g a téləń yā kadə̄ madə̄ tan kə́ ndi lo kə́ bo tə́ kadə̄ əla rɔ̄ deē ń mban̄g ndigən ní tə́. Madə̄ ta mban̄g a əndā deē ní dɔ sə́ndá tə́, ba a ənī mbēr̄ non tə́ kum róbə kɔsə kə́ bo kə́ kem ɓēé tə́ a əda na: De gə̄ malang ń mban̄g sāā rɔȳdə́ ní, i yá̰á̰ ń toō n ni a rāā sedə́ ní!
10Anī mban̄g əda Haman na: Najə̄ ń ə́dá ní majə. Ī-rāā tītə̄ ń nuū kə Mardose, Jipə ń ra a rāā kəla ndágə loó ndogó mbangaá ní. Yá̰á̰ ń ɔ́jə́ ní, ī-rāā kógə̄ḿ kə njaí jingling alé! 11Haman un kūbə̄ ō, əhɔ sə́nda ō. Ni əla kūbə̄ rɔ̄ Mardose tə́, ba əndān dɔ sə́ndá tə́. Gō tə́ anī, njə̄rā seneé kum róbə kɔsə kə́ kem ɓēé tə́ ba ənī mbēr̄ non tə́ əda na: De gə̄ malang ń mban̄g sāā rɔȳdə́ ní, i yá̰á̰ ń toō n ni a rāā sedə́ ní!
12Mardose tél aw̄ gogə́ ndogó mbangaá, banī Haman tél aw̄ ɓēé. Tɔ́gən ur̄ wak kɔ̄ɔ́ ō, əla i dɔn nang tə́ ō. 13Haman ɔjə nə̄yá̰n Josara ō, madə̄ tan gə̄ ō, gotə yá̰á̰ ń rāan ní. Anī nin̄ ədanən̄ na: Ré Mardose i de kə́ gír kaan i Jipə anī, rɔ̄sɔl̄ ń ə́nge ta kumən tə́ toō i nge kə́ ta kəga dɔ. Ā ə̄sō i mbée kum kə́ kété kété rɔ̄kum. Ā ásə mbəren kə̄ gogə́ aĺ bátə́, tɔdɔ̄ Nə́ɓā kógə̄ḿ kə́ ndi kə kumneé i naā tə́ seneé.
14Nin̄ a ɔrə̄n̄ najə̄ kə̄ tadə́ tə́ ɓáý anī, áji mbang gə̄ reēn̄. Nin̄ ran̄ kə Haman ta kaw̄ lo yá̰a̰ kəsa kə́ ngá̰ý ń Ester rāā tə́ ní.
Bibəl ta Sar̄ © L'Alliance Biblique du Tchad, 2006, 2010.