ESTER KƏ TA GƏREK 5
5
17 Lo ń nuū tə́ mban̄g əda Ester na: Ester, ī-gḛy i rí? Yá̰á̰ ń ī-dəje ní i rí? Ká i núsə lo kə́ kem ɓē kṵ yāḿ tə́ gə̄gē anī, m-ā m-ādī.#5.17 Kem makətūbə̄ kə́ kə ta Gərek ní, kəlān kə́ kógə̄ḿ ō jōó ō gətóo tū tə́. 18 Banī Ester dalən əda na: Ɓōólaā i ndɔ̄ kə́ bo ngá̰ý tām̄ yāḿ tə́. Ré mban̄g ndigə anī, ādə̄ reē kə Haman lo yá̰a̰ kəsa kə́ ngá̰ý ń m-ā m̄-rāā ɓōólaā tə́ ní. 19 Anī mban̄g əda na: ī-raī kə Haman ādə̄ rāā rɔ̄n láẃ kadə̄ j-aw̄ j-oō ɓār̄ yā Ester! Gō tə́ anī nin̄ jōó mbak aw̄n̄ lo yá̰a̰ kəsa ń Ester ɓāŕdə́ tū tə́ ní tə́. 20 Ta tɔ̄l̄ ta yá̰a̰ kəsa tə́ anī, mban̄g əda Ester na: Ester, mban̄g kə́ dəyá̰, i rí n rāā yá̰a̰? Yá̰á̰ malang ń ā ī-dəje ní, ā ənge. 21 Ester dalən əda na: Yá̰á̰ ń m̄-rāā ɓɔ́ najə̄n tə́ ní a? Yá̰á̰ ń m̄-dəje ní a? 22 Ré mban̄g rāā kem majə seḿ anī, ādə̄ mban̄g reē bírí ɓáý tṵ nin̄ kə Haman, lo yá̰a̰ kəsa kə́ ngá̰ý ń m-ā m̄-rāā tām̄ yādə́ tə́ ní ō, m-ā m̄-rāā yá̰a̰ kəsa ní i tītə̄ nge kə́ ɓōólaā ō.
Haman udə kāgə̄ tɔ̄l̄ Mardose dɔɔ́
23 Haman teē ɓē mbangá i kə rɔ̄nelé ō, dɔ kumən nelə̄n ngá̰ý ō. Ba dan ń a̰a̰ Mardose ń i Jipə ní ndágə loó anī, wūn̄g asən nák. 24 Ni ugə̄ ɓēé anī, ɓāŕ madə̄ tan gə̄ ō, nə̄yá̰n Josara ō, 25 ba ɔjədə́ yá̰a̰ kənge yān ō, kɔsə ń mban̄g ɔsə go̰nən ní ō, kəndā ń mban̄g əndān dɔ lo kəla kə́ bo kə́ tɔȳ gotə lo kəla gə̄ malang tə́ ní ō, kəndā ń mban̄g əndān dɔ ɓē kṵ tə́ kadə̄ i ni n i nge kṵ ɓē ní ō. 26 Gō tə́ anī Haman əda ɓáý tṵ na: Mban̄g kə́ dəyá̰ ɓārə́m̄ i mā ngóy kadə̄ m-āw̄ kə mbangá lo kəsa yá̰á̰ tə́. Tá ɓārə́m̄ kadə̄ m-āw̄ lo kəsa yá̰á̰ kə́ bírí tə́ ɓáý tṵ. 27 Ba kə dɔ ka̰a̰ gə̄ ń m-ā m-á̰a̰ń Mardose kə́ Jipə ndágə loó mbangaá ní, yá̰á̰ ń nuū nelə̄m̄ alé. 28 Anī nə̄yá̰n Josara ō, madə̄ tan gə̄ ō, ədanən̄ na: Ādə̄ tə́gān̄ kāgə̄ ba górīyōn̄ ɓōdən kə́ deē udə dɔɔ́ anī ngālən kə́ kə̄ dɔɔ́ asə métər kutə jōó gidə i mí adīn̄. Ba bírí dəloí anī, ə́da mban̄g ādə̄ ənīn̄ kəlā míndə Mardose tə́ ba dṵṵ̄nən̄ dɔɔ́ tū kāgə̄ tɔ̄l̄ deē ní tə́. Ba ḭ̄ ɓáa āw̄ lo kəsa yá̰á̰ tə́ kə mbangá ō, ī-kógə̄ naā majə ō! Najə̄ ní nel̄ Haman, adə̄ ni adə̄ udən̄ kāgə̄ tɔ̄l̄ deē ní dɔɔ́.
Currently Selected:
ESTER KƏ TA GƏREK 5: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
ESTER KƏ TA GƏREK 5
5
17 Lo ń nuū tə́ mban̄g əda Ester na: Ester, ī-gḛy i rí? Yá̰á̰ ń ī-dəje ní i rí? Ká i núsə lo kə́ kem ɓē kṵ yāḿ tə́ gə̄gē anī, m-ā m-ādī.#5.17 Kem makətūbə̄ kə́ kə ta Gərek ní, kəlān kə́ kógə̄ḿ ō jōó ō gətóo tū tə́. 18 Banī Ester dalən əda na: Ɓōólaā i ndɔ̄ kə́ bo ngá̰ý tām̄ yāḿ tə́. Ré mban̄g ndigə anī, ādə̄ reē kə Haman lo yá̰a̰ kəsa kə́ ngá̰ý ń m-ā m̄-rāā ɓōólaā tə́ ní. 19 Anī mban̄g əda na: ī-raī kə Haman ādə̄ rāā rɔ̄n láẃ kadə̄ j-aw̄ j-oō ɓār̄ yā Ester! Gō tə́ anī nin̄ jōó mbak aw̄n̄ lo yá̰a̰ kəsa ń Ester ɓāŕdə́ tū tə́ ní tə́. 20 Ta tɔ̄l̄ ta yá̰a̰ kəsa tə́ anī, mban̄g əda Ester na: Ester, mban̄g kə́ dəyá̰, i rí n rāā yá̰a̰? Yá̰á̰ malang ń ā ī-dəje ní, ā ənge. 21 Ester dalən əda na: Yá̰á̰ ń m̄-rāā ɓɔ́ najə̄n tə́ ní a? Yá̰á̰ ń m̄-dəje ní a? 22 Ré mban̄g rāā kem majə seḿ anī, ādə̄ mban̄g reē bírí ɓáý tṵ nin̄ kə Haman, lo yá̰a̰ kəsa kə́ ngá̰ý ń m-ā m̄-rāā tām̄ yādə́ tə́ ní ō, m-ā m̄-rāā yá̰a̰ kəsa ní i tītə̄ nge kə́ ɓōólaā ō.
Haman udə kāgə̄ tɔ̄l̄ Mardose dɔɔ́
23 Haman teē ɓē mbangá i kə rɔ̄nelé ō, dɔ kumən nelə̄n ngá̰ý ō. Ba dan ń a̰a̰ Mardose ń i Jipə ní ndágə loó anī, wūn̄g asən nák. 24 Ni ugə̄ ɓēé anī, ɓāŕ madə̄ tan gə̄ ō, nə̄yá̰n Josara ō, 25 ba ɔjədə́ yá̰a̰ kənge yān ō, kɔsə ń mban̄g ɔsə go̰nən ní ō, kəndā ń mban̄g əndān dɔ lo kəla kə́ bo kə́ tɔȳ gotə lo kəla gə̄ malang tə́ ní ō, kəndā ń mban̄g əndān dɔ ɓē kṵ tə́ kadə̄ i ni n i nge kṵ ɓē ní ō. 26 Gō tə́ anī Haman əda ɓáý tṵ na: Mban̄g kə́ dəyá̰ ɓārə́m̄ i mā ngóy kadə̄ m-āw̄ kə mbangá lo kəsa yá̰á̰ tə́. Tá ɓārə́m̄ kadə̄ m-āw̄ lo kəsa yá̰á̰ kə́ bírí tə́ ɓáý tṵ. 27 Ba kə dɔ ka̰a̰ gə̄ ń m-ā m-á̰a̰ń Mardose kə́ Jipə ndágə loó mbangaá ní, yá̰á̰ ń nuū nelə̄m̄ alé. 28 Anī nə̄yá̰n Josara ō, madə̄ tan gə̄ ō, ədanən̄ na: Ādə̄ tə́gān̄ kāgə̄ ba górīyōn̄ ɓōdən kə́ deē udə dɔɔ́ anī ngālən kə́ kə̄ dɔɔ́ asə métər kutə jōó gidə i mí adīn̄. Ba bírí dəloí anī, ə́da mban̄g ādə̄ ənīn̄ kəlā míndə Mardose tə́ ba dṵṵ̄nən̄ dɔɔ́ tū kāgə̄ tɔ̄l̄ deē ní tə́. Ba ḭ̄ ɓáa āw̄ lo kəsa yá̰á̰ tə́ kə mbangá ō, ī-kógə̄ naā majə ō! Najə̄ ní nel̄ Haman, adə̄ ni adə̄ udən̄ kāgə̄ tɔ̄l̄ deē ní dɔɔ́.
Bibəl ta Sar̄ © L'Alliance Biblique du Tchad, 2006, 2010.