2 YÁ̰A̰ GƏ̄ 17
17
Ko̰o̰ ɓē yā Josapat: Háĺ kə́ gōtə́ ń ni-rāā kə Nə́ɓāá ní
1Ngōnən Josapat o̰o̰ ɓē gotən tə́. Ni-ndi dɔ rɔ̄n tə́ majə yā rɔ̄ɔń Israel. 2Ni tə́ndā ɓūtə̄ áskar gə̄ kə̄ kem ɓē kə́ ngan̄g ngan̄g gə̄ kə́ dɔ nang kə́ Juda tə́ ō, tə́ndā ngé ko̰o̰ ɓē gə̄ dɔ nang kə́ Juda tə́ ō, kem ɓē gə̄ yā Epəraim ń bɔbə̄n Asa taā tə́ ní ō.
3Kɔ́ɔ̄ɓē i naā tə́ kə Josapat, tɔdɔ̄ ni un hál kaan Dabid ta kəla gír ko̰o̰ ɓē yān tə́. Ni sāā nja ɓesə̄ Baal gə̄ alé. 4Banī sāā i nja Kɔ́ɔ̄ɓē Nə́ɓā yā kaan gə̄. Ni-rāā i gō míndə gə̄ ń Kɔ́ɔ̄ɓē Nə́ɓā yā kaan gə̄ əda kadə̄ yā rāā ní, banī ni-rāā yá̰a̰ gə̄ ń a rāān̄ Israel tə́ ní alé. 5Kɔ́ɔ̄ɓē mbūsə̄ gír ko̰o̰ ɓē kə́ jīn tə́ adə̄ ra ngan̄g ō, Juda gə̄ malang reēn̄ kə yá̰a̰ ndējə̄ gēé adə̄nən̄ ō. Adə̄ ni-ənge yá̰á̰ ngá̰ý ō, ənge kɔsə gɔn ngá̰ý ō. 6Kemən ndigə njə̄rā dɔ róbə gə̄ yā Kɔ́ɔ̄ɓē tə́ kum kə̄ kété kété, adə̄ ni-rāā adə̄ loo ndɔ̄ȳ gə̄ ō, kāgə̄ ɓesə̄ kə́ yā ɓōĺ gidə gə̄ ō, gətóon̄ kɔ̄ɔ́ dɔ nang kə́ Juda tə́. 7Kem ɓāl̄ ko̰o̰ ɓē yān kə́ nge ko̰ mətá tə́ anī, əla de kə́ bo yān gə̄ ndóō de gə̄ yá̰á̰ tə́ kem ɓē gə̄ kə́ Juda tə́. De gə̄ ní i Ben Hail ō, Obadia ō, Jakari ō, Netanel ō, Mikaya ō. 8Ngán Lebi gə̄ i sedə́ naā tə́. Ngán Lebi gə̄ ní i Semaya ō, Netania ō, Jebadia ō, Asael ō, Semiramot ō, Yonatan ō, Adonia ō, Tobia ō, Tob Adonia ō. Ngé tun̄ yá̰a̰ gə̄ i Elisama ō, Yoram ō. 9Nin̄ aw̄n̄ kə makətūbə̄ ndū najə̄ yā Kɔ́ɔ̄ɓēé jīdə́ tə́. Nin̄ ɔrə̄n̄ gō ɓē gə̄ kə́ Juda tə́ malang, ndóōnneé de gə̄ yá̰a̰.
Tɔ́gə Josapat
10Ɓē ko̰o̰ gə̄ malang ń ndin̄ gīrə̄n̄ gidə ɓē kə́ Juda ní ɓōlə́n̄ Kɔ́ɔ̄ɓē kɔ̄ɔ́, adə̄ deē kógə̄ḿ kə́ ənī Josapat rɔ̄ɔ̄ gətóo. 11De gə̄ ḭḭn̄ kə kadə̄ karī gə̄ ō, nar ō, dɔ yá̰á̰ kə́ tīr̄ gə̄ ō, ɓē Pilistin gēé reēn̄neé adə̄n̄ Josapat. Arabə gə̄ reēn̄ kə yá̰a̰ kul̄ gēé adə̄nən̄ ō, adə̄nən̄ bal batə̄ gə̄ dūbú sīrí kə ɓú mí ō, bal bə̄yā̰ gə̄ dūbú sīrí kə ɓú sīrí ō.
12Tɔ́gə Josapat aw̄ i kum kə̄ kété kété. Ni-rāā loo kə́ ngan̄g ngá̰ý gə̄ dɔ nang kə́ Juda tə́ ō, ɓē gə̄ kə́ yā kán̄ yá̰a̰ kemeé gə̄ ō. 13Yá̰a̰ gə̄ kə́ ni kán̄də́ əndādə́ kon̄ tə́ gə̄ i ngá̰ý kem ɓē gə̄ kə́ Juda tə́ ō, aw̄ kə ngé rɔ̄ɔ̄ kə́ ngan̄g ngan̄g gə̄ kə́ nin̄ i go̰ rɔ̄ɔ̄ gə̄ kem ɓē kə́ Jerusalem tə́ ō. 14Ɔsən̄ dɔ ngé rɔ̄ɔ̄ gə̄ ngeé ń toō naā tə́ i kə gō gír kojə yādə́ gēé. Rī ngol ngé rɔ̄ɔ̄ gə̄ kə́ dɔ de kə́ dūbú gə̄ tə́ kə́ Juda tə́ n toó: Adəna, ni i ngol de kə́ dūbú ɓú mətá gə̄. Nin̄ malang i go̰ rɔ̄ɔ̄ gə̄. 15De kə́ kadə Adəna tə́ i Yohanan. Ni i ngol de kə́ dūbú ɓú jōó kə dūbú kutə sɔ́sɔ́ gə̄. 16De kə́ rang i Amasia kə́ ngōn̄ Jikəri. Ni-adə̄ rɔ̄n kə gō kem ndigə yānneé yā rāań kəla yā Kɔ́ɔ̄ɓē. Ni i ngol de kə́ dūbú ɓú jōó gə̄. Nin̄ malang i go̰ rɔ̄ɔ̄ gə̄. 17Rī ngol ngé rɔ̄ɔ̄ gə̄ kə́ gír ɓē yā Benjamḛ tə́ gə̄ n toó: Eliada, ni i go̰ rɔ̄ɔ̄ ō, ngol de kə́ dūbú ɓú jōó gə̄ ō. Yá̰a̰ rɔ̄ɔ̄ yādə́ i ga̰ gəra ō, der ō. 18De kə́ kadən tə́ i Yehojabad. Ni i ngol de kə́ dūbú ɓú kə dūbú kutə sɔ́sɔ́ gə̄. Nin̄ malang ní adə̄n̄də́ yá̰a̰ rɔ̄ɔ̄ gə̄ kə́ yā rɔ̄ɔń. 19Kutə ngé rāā kəla yā mban̄g gə̄ n noō kanjə̄ kadə̄ deē tə́dá ngé gə̄ ń ni ɓōkə́də́ kə̄ kem ɓē kə́ ngan̄g gə̄ kə́ dɔ nang kə́ Juda tə́ ní.
Currently Selected:
2 YÁ̰A̰ GƏ̄ 17: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 YÁ̰A̰ GƏ̄ 17
17
Ko̰o̰ ɓē yā Josapat: Háĺ kə́ gōtə́ ń ni-rāā kə Nə́ɓāá ní
1Ngōnən Josapat o̰o̰ ɓē gotən tə́. Ni-ndi dɔ rɔ̄n tə́ majə yā rɔ̄ɔń Israel. 2Ni tə́ndā ɓūtə̄ áskar gə̄ kə̄ kem ɓē kə́ ngan̄g ngan̄g gə̄ kə́ dɔ nang kə́ Juda tə́ ō, tə́ndā ngé ko̰o̰ ɓē gə̄ dɔ nang kə́ Juda tə́ ō, kem ɓē gə̄ yā Epəraim ń bɔbə̄n Asa taā tə́ ní ō.
3Kɔ́ɔ̄ɓē i naā tə́ kə Josapat, tɔdɔ̄ ni un hál kaan Dabid ta kəla gír ko̰o̰ ɓē yān tə́. Ni sāā nja ɓesə̄ Baal gə̄ alé. 4Banī sāā i nja Kɔ́ɔ̄ɓē Nə́ɓā yā kaan gə̄. Ni-rāā i gō míndə gə̄ ń Kɔ́ɔ̄ɓē Nə́ɓā yā kaan gə̄ əda kadə̄ yā rāā ní, banī ni-rāā yá̰a̰ gə̄ ń a rāān̄ Israel tə́ ní alé. 5Kɔ́ɔ̄ɓē mbūsə̄ gír ko̰o̰ ɓē kə́ jīn tə́ adə̄ ra ngan̄g ō, Juda gə̄ malang reēn̄ kə yá̰a̰ ndējə̄ gēé adə̄nən̄ ō. Adə̄ ni-ənge yá̰á̰ ngá̰ý ō, ənge kɔsə gɔn ngá̰ý ō. 6Kemən ndigə njə̄rā dɔ róbə gə̄ yā Kɔ́ɔ̄ɓē tə́ kum kə̄ kété kété, adə̄ ni-rāā adə̄ loo ndɔ̄ȳ gə̄ ō, kāgə̄ ɓesə̄ kə́ yā ɓōĺ gidə gə̄ ō, gətóon̄ kɔ̄ɔ́ dɔ nang kə́ Juda tə́. 7Kem ɓāl̄ ko̰o̰ ɓē yān kə́ nge ko̰ mətá tə́ anī, əla de kə́ bo yān gə̄ ndóō de gə̄ yá̰á̰ tə́ kem ɓē gə̄ kə́ Juda tə́. De gə̄ ní i Ben Hail ō, Obadia ō, Jakari ō, Netanel ō, Mikaya ō. 8Ngán Lebi gə̄ i sedə́ naā tə́. Ngán Lebi gə̄ ní i Semaya ō, Netania ō, Jebadia ō, Asael ō, Semiramot ō, Yonatan ō, Adonia ō, Tobia ō, Tob Adonia ō. Ngé tun̄ yá̰a̰ gə̄ i Elisama ō, Yoram ō. 9Nin̄ aw̄n̄ kə makətūbə̄ ndū najə̄ yā Kɔ́ɔ̄ɓēé jīdə́ tə́. Nin̄ ɔrə̄n̄ gō ɓē gə̄ kə́ Juda tə́ malang, ndóōnneé de gə̄ yá̰a̰.
Tɔ́gə Josapat
10Ɓē ko̰o̰ gə̄ malang ń ndin̄ gīrə̄n̄ gidə ɓē kə́ Juda ní ɓōlə́n̄ Kɔ́ɔ̄ɓē kɔ̄ɔ́, adə̄ deē kógə̄ḿ kə́ ənī Josapat rɔ̄ɔ̄ gətóo. 11De gə̄ ḭḭn̄ kə kadə̄ karī gə̄ ō, nar ō, dɔ yá̰á̰ kə́ tīr̄ gə̄ ō, ɓē Pilistin gēé reēn̄neé adə̄n̄ Josapat. Arabə gə̄ reēn̄ kə yá̰a̰ kul̄ gēé adə̄nən̄ ō, adə̄nən̄ bal batə̄ gə̄ dūbú sīrí kə ɓú mí ō, bal bə̄yā̰ gə̄ dūbú sīrí kə ɓú sīrí ō.
12Tɔ́gə Josapat aw̄ i kum kə̄ kété kété. Ni-rāā loo kə́ ngan̄g ngá̰ý gə̄ dɔ nang kə́ Juda tə́ ō, ɓē gə̄ kə́ yā kán̄ yá̰a̰ kemeé gə̄ ō. 13Yá̰a̰ gə̄ kə́ ni kán̄də́ əndādə́ kon̄ tə́ gə̄ i ngá̰ý kem ɓē gə̄ kə́ Juda tə́ ō, aw̄ kə ngé rɔ̄ɔ̄ kə́ ngan̄g ngan̄g gə̄ kə́ nin̄ i go̰ rɔ̄ɔ̄ gə̄ kem ɓē kə́ Jerusalem tə́ ō. 14Ɔsən̄ dɔ ngé rɔ̄ɔ̄ gə̄ ngeé ń toō naā tə́ i kə gō gír kojə yādə́ gēé. Rī ngol ngé rɔ̄ɔ̄ gə̄ kə́ dɔ de kə́ dūbú gə̄ tə́ kə́ Juda tə́ n toó: Adəna, ni i ngol de kə́ dūbú ɓú mətá gə̄. Nin̄ malang i go̰ rɔ̄ɔ̄ gə̄. 15De kə́ kadə Adəna tə́ i Yohanan. Ni i ngol de kə́ dūbú ɓú jōó kə dūbú kutə sɔ́sɔ́ gə̄. 16De kə́ rang i Amasia kə́ ngōn̄ Jikəri. Ni-adə̄ rɔ̄n kə gō kem ndigə yānneé yā rāań kəla yā Kɔ́ɔ̄ɓē. Ni i ngol de kə́ dūbú ɓú jōó gə̄. Nin̄ malang i go̰ rɔ̄ɔ̄ gə̄. 17Rī ngol ngé rɔ̄ɔ̄ gə̄ kə́ gír ɓē yā Benjamḛ tə́ gə̄ n toó: Eliada, ni i go̰ rɔ̄ɔ̄ ō, ngol de kə́ dūbú ɓú jōó gə̄ ō. Yá̰a̰ rɔ̄ɔ̄ yādə́ i ga̰ gəra ō, der ō. 18De kə́ kadən tə́ i Yehojabad. Ni i ngol de kə́ dūbú ɓú kə dūbú kutə sɔ́sɔ́ gə̄. Nin̄ malang ní adə̄n̄də́ yá̰a̰ rɔ̄ɔ̄ gə̄ kə́ yā rɔ̄ɔń. 19Kutə ngé rāā kəla yā mban̄g gə̄ n noō kanjə̄ kadə̄ deē tə́dá ngé gə̄ ń ni ɓōkə́də́ kə̄ kem ɓē kə́ ngan̄g gə̄ kə́ dɔ nang kə́ Juda tə́ ní.
Bibəl ta Sar̄ © L'Alliance Biblique du Tchad, 2006, 2010.