1 YÁ̰A̰ GƏ̄ 7

De kə́ gír kojə yā Isakar tə́ gə̄

1Ngán Isakar gə̄ i sɔ́, rīdə́ n toó: Tola ō, Puba ō, Yasub ō, Simron ō. 2Rī ngán Tola gə̄ na i Uji ō, Repaya ō, Yeriel ō, Yamai ō, Ibəsam ō, Semuel ō. Nin̄ i de kə́ dɔ de kə́ gír kojə yā Tola tə́ gə̄ ō, nin̄ i go̰ rɔ̄ɔ̄ gə̄ ō. Ɓāl̄ yā Dabid tə́ ní, nin̄ i deē dūbú kutə jōó gidə i jōó kə kə́ ɓú mehḛ́. 3Rī ngōn̄ Uji na i Yijəraya. Rī ngán Yijəraya gə̄ na i Mikael ō, Obadia ō, Yoel ō, Isia ō. Nin̄ malang i deē mí ō, nin̄ i ngār gə̄ ō. 4Nin̄ aw̄n̄ kə ngé rɔ̄ɔ̄ gə̄ dūbú kutə mətá gidə i mehḛ́ kə́ ɔyən̄ yá̰a̰ rɔ̄ɔ̄ gēé jīdə́ tə́. Tá kem kojə yādə́ gə̄ tə́ ní, dəyá̰ gə̄ ō, ngán gə̄ ō i ngá̰ý. 5Ngákó̰ó̰də́ gə̄ malang kə́ gír kaa yā Isakar tə́ gə̄ i deē 87 000. Nin̄ i go̰ rɔ̄ɔ̄ gə̄ ō, ndangən̄ rīdə́ malang kem makətūbūú ō.

De kə́ gḭ́r kojə yā Benjamḛ tə́ gə̄ ō, Nepətali tə́ gə̄ ō

6Ngán Benjamḛ gə̄ i mətá, rīdə́ n toó: Bela ō, Beker ō, Yediael ō. 7Rī ngán Bela gə̄ na i Esəbon ō, Uji ō, Ujiel ō, Yerimot ō, Iri ō. Nin̄ i deē mí. Nin̄ malang i go̰ rɔ̄ɔ̄ gə̄ ō, de kə́ gə̄ dɔ kojə yādə́ gə̄ tə́ ō. Ndangən̄ rī de kə́ kem kojə yādə́ gə̄ tə́ makətūbūú. Kutədə́ malang i deē 22 034. 8Rī ngán Beker gə̄ na i Jemira ō, Yoas ō, Eliejer ō, Eliohenai ō, Omri ō, Yeremot ō, Abia ō, Anatot ō, Alemet ō. Rī ngán Beker gə̄ malang n noó. 9De gə̄ ń noō malang nin̄ i de kə́ dɔ kojə yādə́ gə̄ tə́. Ndangən̄ rī de kə́ kem kojə yādə́ gə̄ tə́ makətūbūú anī, kutədə́ malang i deē 20 200. 10Rī ngōn̄ Yediael na i Bilan. Rī ngán Bilan gə̄ na i Yeus ō, Benjamḛ ō, Ehud ō, Kenana ō, Jetan ō, Tarsis ō, Ahisahar ō. 11Deē yā Yediael gə̄ malang n noó. Nin̄ i go̰ rɔ̄ɔ̄ gə̄ ō, de kə́ dɔ gír kojə yādə́ gə̄ tə́ ō. De gə̄ yādə́ gə̄ kə́ asən̄ kaw̄ ta rɔ̄ɔ̄ tə́ gə̄ i deē 17 200. 12Supim nin̄ kə Hupim i ngán Hir gə̄. Husim i ngōn̄ Aher. 13Rī ngán Nepətali gə̄ na i Yasiel ō, Guni ō, Yeser ō, Salum ō. Nin̄ i ngán Bila gə̄.

De kə́ gír kojə yā Manase tə́ gə̄ kə́ gidə bā Jurdḛ kə́ dām̄ kə́ gír ɓē tə́

14De kə́ gír kojə yā Manase tə́ gə̄ i Asriel ō, Makir ō. Manase ojədə́ i kə dəyá̰ gidə ndogə̄ yān kə́ Aram. Makir i bɔbə̄ Galaad. 15Makir taā dəyá̰ adə̄ Hupim ō, Supim ō. Rī ngōkó̰o̰n kə́ dəyá̰ na i Maaka. Rī ngōnən kə́ ko̰ jōó na i Selopad. Ba Selopad ojə i ngán kə́ dəyá̰ gə̄ ngóy. 16Nə̄yá̰ Makir ń rīn na i Maaka ní ojə ngōn̄ kə́ dəngam adə̄ Makir ba əndā rīn na i Peres. Gō tə́ anī ojə kə́ rang ba əndā rīn na i Seresə. Seresə i bɔbə̄ Ulam nin̄ kə Rekem, 17ba Ulam i bɔbə̄ Bedan. Ngán Galaad gə̄ n noó. Galaad i ngōn̄ Makir kə́ ngōn̄ Manase. 18Ngōkó̰o̰ Galaad kə́ dəyá̰ ń rīn na i Hamoleket ní ojə Isod ō, Abiejer ō, Mala ō. 19Rī ngán Semida gə̄ na i Ahian ō, Sekem ō, Leki ō, Aniam ō.

De kə́ gír kojə yā Epəraim tə́ gə̄

20Rī de kə́ gír kojə yā Epəraim tə́ gə̄ n toó: Sutela, Bered, Tahat, Elada, Tahat, 21Jabad, Sutela. Ngán Epəraim kə́ rang gə̄ ń i Ejer ō, Elad ō ní nāān̄ ɓogə yá̰a̰ kul̄ yā de kə́ Gat gə̄, banī de kə́ Gat gə̄ tɔ̄lə̄n̄də́. 22Bɔbə̄də́ Epəraim rāā ndoōdə́ ndɔ̄ ngá̰ý, banī ngéén kə́ ngɔr ngá̰ý gə̄ reē sɔlə̄n̄ kemən. 23Gō tə́ Epəraim ɓīī kə nə̄yá̰neé anī nə̄yá̰n ndān̄ ngōn̄, ba ojə ngōn̄ kə́ dəngam. Ni-əndā rīn na i Beria, tɔdɔ̄ yá̰á̰ kə́ to kum kaȳ aĺ əsō dɔ de kə́ kem kújə yān tə́ gə̄ tə́. 24Epəraim ojə ngōn̄ kə́ dəyá̰ ō, rīn na i Sera. I ni n əndā ɓē kə́ Bet Horon kə́ gírí nang tə́ ō, kə́ dɔɔ́ ō, ɓē kə́ Ujen Sera ō ní. 25De kə́ gír kojə yā Beria tə́ gə̄ i Repa ō, Resep ō, Tela ō, Tahan ō, 26Ladan ō, Amihud ō, Elisama ō, 27Nun ō, Jojue ō.

28Loo ń adə̄n̄ de kə́ gír kojə yā Epəraim tə́ gə̄ kadə̄ ndin̄ tū tə́ ní, əga ɓē kə́ Betel ō, ɓē kə́ Naaran dām̄ kə́ gír ɓē tə́ ō, Gejer dām̄ kə́ no ɓē tə́ ō, loo kə́ dɔ dán Sisem nin̄ kə Aya tə́ ō, náā tə́ kə ngán ɓē gə̄ ń i gír tɔgə yā ɓē gə̄ ń noō kemeé. 29De kə́ gír kojə yā Manase tə́ gə̄ taān̄ ɓē kə́ Bet Sean ō, Tanak ō, Megido ō, Dor ō, naā tə́ kə ngán ɓē gə̄ ń i gír tɔgə yā ɓē gə̄ ń noō ō. De kə́ gír kojə yā Jəjep kə́ ngōn̄ Jakob tə́ gə̄ ndin̄ i kem ɓē gə̄ ń noō tə́.

De kə́ gír kojə yā Aser tə́ gə̄

30Rī ngán Aser gə̄ na i Iməna ō, Isəba ō, Isəbi ō, Beria ō, Sera ń i ngōkó̰ó̰də́ kə́ dəyá̰ ní ō. 31Rī ngán Beria gə̄ na i Heber ō, Malkiel ō. Malkiel i nge kəndā gír ɓē kə́ Birjait. 32Heber ojə Yapəlet ō, Semer ō, Hotam ō, Sua ń i ngōkó̰ó̰də́ kə́ dəyá̰ ní ō. 33Rī ngán Yapəlet gə̄ na i Pasak ō, Bimal ō, Asəwat ō. Rī ngán Yapəlet gə̄ n noó. 34Rī ngán Semer gə̄ na i Ahi ō, Roga ō, Yehuba ō, Aram ō. 35Ngōkó̰o̰n ń rīn na i Helem ní rī ngánən gə̄ na i Sopa ō, Iməna ō, Selesə ō, Amal ō. 36Rī ngán Sopa gə̄ na i Sua ō, Harneper ō, Sual ō, Beri ō, Yimri ō, 37Beser ō, Hod ō, Sama ō, Silsa ō, Itəran ō, Beera ō. 38Rī ngán Yeter gə̄ na i Yepune ō, Pisəpa ō, Ara ō, 39Rī ngán Ula gə̄ na i Ara ō, Haniyel ō, Risia ō. 40De kə́ gír kojə yā Aser tə́ gə̄ malang n noó. Nin̄ i de kə́ dɔ kojə yādə́ gə̄ tə́ ō, nin̄ i de gə̄ kə́ kété no madə̄də́ gə̄ tə́ tū yá̰a̰ gə̄ tə́ malang ō, i gó̰ rɔ̄ɔ̄ gə̄ ō, i ngār gə̄ kə́ dɔ ngán ngār gə̄ tə́ ō. Kutə de yādə́ gə̄ kə́ asən̄ kaw̄ ta rɔ̄ɔ̄ tə́ ń ndangən̄ rīdə́ makətūbūú ní i deē 26 000.

Currently Selected:

1 YÁ̰A̰ GƏ̄ 7: SARDC

Highlight

Copy

Compare