Iwomo 20
20
Ɔpɔlu A Zɛ Mu Omasedoniya Mbala Akaiya
1Kwuye ungwu bɔkɔ ovyo e gbomo ndii, akwɛyi Ɔpɔlu a lɔ la enzu wa mbwalu, kɔ mba ɛnwu ma akwɛyi e wo mbo ungbo, akwɛyi a lu mba afyima a ka mu Omasedoniya. 2A kpɛvyɛ mu ɛzhi ɛnyi mu enzu wa mbwalu iso isomo gyɔɔ iyi ɛnwɛkɔ nzhii ba a kama mu ɛzhi iyi Akaya, 3a nɔma mɔmɔ evya ɛla. Kwuye ungwu bɔkɔ e yi mu egbo ibyima iyi te e to ɔgwuzɛ uwu Osiriya, akwɛyi a dama te Azhu o yi mu anya wu iwomo iyi o ngbɛ wu ma, akwɛyi a ka mu egbo wu a gbala kembo a zɛ mu ɔgwuzɛ uwu Omasedoniya. 4Enzu umba o fye wu mo gba akwu: Osopata umɛ uwu Opiruyu uwu a wɔ mu Oberiya, Arisitaku mbala Osekundu uwu a wɔ mu Otesalonika, Ɔgayɔ uwu a wɔ mu Ɔdɛbi, Otimoti tete, mbala Otakiku mbala Otirofimu uwu a wɔ mu ɛzhi iyi Ashiya. 5Enzu mbɔlɛ o to keyi la nzu o ko rigbo nzu mu Oturowa. 6kwuye ungwu bɔkɔ ki mbwa odumudumu uwu Kwoburedi ungwu kwu yi otutu mo, ki lafya la Ofilipayi ki fye mu kwoda ungwu embyi ki zɛma iyi afyi ɛlɔ akwɛyi ki ka mu Oturowa, mɔmɔ ki ŋɔ afyi erewo.
Isomo Iyi Ɔpɔlu Mu Oturowa Imbwambwa
7Ɔnuwu kwɔfyi ungwu ɛnwu igbomo ki bo kaa la ki ri kiya ingyirimo ingyi ilolomo iyi Ɔkwu. Ɔpɔlu e so wa mbwalu rɛnu ingyi Ukpo iso ba a kpakpɛɛ mu iso wu isomo nzhii ba utu uwɔkɔɔ kwuwongu bɔkɔ e yi egbo iyi ifulomo mu eyi ilama. 8Lɔmbu undu ɔyi guruguru lu yi mu ugu uwoshi mbaa bɔkɔ ki kpala ɛlu awu. 9Ulugbaga uwufo uwu o ya wu te Ɔyutikɔ a ŋɔ mu owindo uwu ugu uwoshi, bɔkɔ Ɔpɔlu eyi mu iso isomo awu akwɛyi ondo u to wumo gyɔɔ. Tabɔkɔ ondo u to wu mo iyɛkɔkɔ awu, akwɛyi a kalama mu ugu uwola uwoshi a ta mɛzhi, akwɛyi o ko du wu ukpɛzhi. 10Akwɛyi Ɔpɔlu a kalama e bo mɛzhi, a ka kpa ukpɛzhi ele midu akwɛyi a mawa gbamu. A zɔ te, <<La lu wo idu giri mo, e ye la reyi!>> 11Akwɛyi Ɔpɔlu a gba la iyama mu ugu uwoshi awu, akwɛyi a mu koburedi ma akwɛyi e ri mbala mba. E siso mbala mba nzhii ba eyi ilama, akwɛyi e fulomo. 12Enzu mbɔlɛ o to ulugbaga ele ma o ka wu mogba la reyi, akwɛyi idu i gbo mbo mo totoo.
Ɔpɔlu A Lafya Laa Otorowasi A Ka Mu Omiletusi
13Ki to keyi ki ka mbaa kwoda ungwu embyi akwɛyi ki to ɔgwuzɛ uwu Asɔsu, kaa ki to Ɔpɔlu ma mɔmɔ. Uwu gba e so le, ba a gyi te la zɛ malɛ. 14kwuyengwu bɔkɔ e du nzu mu Asosu, ki to wu mo mu kwoda akwɛyi ki ka mu Omitilene. 15Eyi ilama ki fye mu kwoda ungwu embyi ki lafya la mɔmɔ akwɛyi ki ka mu Ɔkiyɔ. Eyi ilama ki sama ki ka mu Osamosu, akwɛyi eyi ilama ki ka mu ɔmilɛtu.. 16Ɔpɔlu a ka amasa mu egbo wu te e fye mu kwoda ungwu embyi ungwu kwu la mu Ɛfɛsɔ mo kwuwongu e yi egbo te e wo afyi gyɔɔ mu ɛzhi iyi Eshiya mo, mo e yi mu igyakpɔɔ te le so mu Ɔzhɛrusalɛ, ishi ba i wo wumo, uwu la ba mɔmɔ ɔnuwu Ɔpɛtakɔ.
Ɔpɔlu E Wo Enzu Umbakɔ Umba Ɛfɛsɔ Ungbo
17Ɔpɔlu e yi mu ɔmilɛtu. akwɛyi a lɔ la enzu umbakɔ umba ɔshɔshi uwu Ɛfɛsɔ te lo bo. 18kwuyengwu bɔkɔ o bomo, a za mba te: <<Lunyi lu yitu ewo iyi bɔkɔ mi wo mbala kwuyengu mi ngbɛ lɛɛbi mbala yi, i ye mu kwɔfyi ungwonze bɔkɔ mi bo mu ɛzhi iyi Eshiya awu. 19Mi gyi ɛmi ma, mi wo ɛduma la Ɔkwu la ɛnyɛ meyi.Imi ba Azhu o lo mi inyashi gyɔɔ. 20Lunyi lu yitu te mi nvye kiya ingyinangyina ingyi ki mbwa yi ma mo. Mi zɔ yi iso iyi Ukpo mu agba mu agba mbala kwudu. 21Mi lo Azhu mbala Agiriki ilutu mu alu te mega lo kwu ira ɔsu, lo gbama mbaa Ukpo ba lo kwudifulo mu Ɔkwu nzu Ɔzhizɔsi.
22<<Kekelele, imi mi sheyimo mu Ɔzhɛrusalɛ kwongwu imi mi lomo laa kwundu Ɔkɛrikɛri, ingyi ki bi du mi mɔmɔ mo. 23Imi mi yitu te mu kwuse ungwunanguna Kwundu uwu Ukpo e ye mi ilutu ilomo mu alu te ugu ugyi mbala inyashi imama i rigbo mi. 24Tetete, mi to kwunyɔ mi te akwu kiya kyinyinyi mo, iyami akwu te mi mbwa ɛduma mi ma. Inyi gba akwu ɛduma iyi anu itama iyi iso iyi Ukpo le.
25<<Mi fulama munyi yi mu anu itama iyi irɛsu iyi Ukpo, kekelele mi yitu te kpɛkpɛyi umba bɔkɔ mi ta yi anu iyi Ukpo awu, lu gba lu ma mi fo. 26Kwuwo kwɔlɛ, mi so yi te, ɛnzhi umba onzonzu ɛnyi te o yi mu reshi mi fo, 27mo mi ta yi anu iyi rɛnu ingyi Ukpo lɛɛbi-a. 28La lu gbo ɛnwu yi ma mbala uzhi lɛɛbi uwu bɔkɔ Kwundu uwu Ukpo e shi lu kwu wa to keyi awu. La lu kwu wa bɔ eyi mu Ɔshɔshi uwu Ukpo, uwu bɔkɔ a ya mu ɛnzhi wu. 29Mi yitu te mizhikembo mi, lugbonga ndura lu fye mekeka yi ba o ma eyembembyi iyi uzhi uwu ilɔ mo. 30Enzu mekeka yi o wɔ o nyɔ mba ongbulolo ata ilama kaa lo gyi enzu lɛmba. 31Kwuwongwu ɔlɛ la lu gbo ɛnwu yi ma! La lu lolo te lɔri lola utu la ɔnu mi koko mi yi malu la eyi iyi ɛnyɛ .
32<<Kekelele mi lu yi afyima mu ewo iyi Ukpo mbala esheshi wu, iyi bɔkɔ i shi yi kaa lu kwu idu yi la lu fulo kaa lu yi esheshi iyɔkpɔɔ iyi bɔkɔ Ukpo a nɔngɔ yi ma kwongwu enzu umba bɔkɔ o yi ɛnwu ma kaa lo mbwalu wu awu. 33Imi mi na onzu Osiliva naa Ogolu naa okpayi mo. 34Lunyi mu afyi yi lu yitu te ewo mi ɛlɛ i ka mi la iyi ugɔ mi a gyi mbala iyi enzu umba bɔkɔ o wo ɛduma mbala mi. 35Mu ingyinangyina bɔkɔ mi wo, Mi zɔ yi te, mu ɛduma iwomo ɛlɛ te gba ki mbwa umba bɔkɔ o yi ekpasu mo le, la ki lolo mba iso iyi Ɔkwu Ɔzhizɔsi e so mu afyi wu te: <Ishimo iyi ɔnyɛ i ka inama.> >> 36Tabɔkɔ Ɔpɔlu a mbwa iso ɛlɛ isomo, uwu mbala mba lɛɛbi o kumo akwɛyi o lɛ Ukpo. 37Enzu lɛɛbi mba o mu ɛnyɛ akwɛyi o kpa Ɔpɔlu idu akwɛyi a kama. 38Iyi bɔkɔ i shimbo ubugyi gyɔɔ gba akwu iso iyi bɔkɔ Ɔpɔlu a za mba te o ma wu gbee fo awu. Akwɛyi o fye wu mo o kawa mba kwoda ungwu embyi.
Currently Selected:
Iwomo 20: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
