Dadatika Maxaafa 7
7
1Duuchchi Woddik Gootti Nohi'i hiyyee qici, «Konne baro'ni hedheeke manni duuchchinaa'n qullichchake kadde'naa afennexxee ati manjo atika duuchcha adhdhite Lumoxxe Hobolo giddi'a e'yi. 2Batto'ebaake#7:2: Batto'ebaake: Batto'ebaake hitaaxxi hiyya adhdhendeek indaakenna Magenokee'e tolchakee shiqaake horenna biniinchi'aten horenna biniinchuwwa duuchchanaa'ni labbakenaa'ni torbaane meyyakenaa'ni torbaane, 3Batto'eeke#7:3 Bato'eeke hiyyendeexxi hiyya adhdhendeeke indabaakenna Magenoke tolchakee shiqabaake hori'aanna biniinchi'aaten hore biniinchi duuchchinaa'ni kinni labbakenaa'ni lame meyyakenaa'ni lame e'yaashsha assi; tennee assitaatteelchi gosa gosanaa'n horikinna biniichii iittanni ci'atinnaa hedhoti gattaashshannaa buttate'n sanne saxxaashshaten. 4Torbaane barraa uduma shoole tomme barranna shoole tomme hashsha xeena buttate'n gansiisannon; dadeennexxa lubbo affeexxa dada duuchchanna buttatenaa'n birannon.» 5Nohinna duuchchiinxa Duuchchi Woddik Gootti isoo ajajeexxa duuchcha asse.
6Balleessatiki wodi'i buttate'n dagee wodda Nohi 600 woggake manjomman. 7Nohinna are isixxi, oose isixxinna oose isixxixxi aruwwa balleessatike wode'enaa'ni ganto'a eettene Lumoxxe Hobolo giddi'a e'yine.#Mat. 24:38-39; Luq. 17:27. 8Batto'ebaakennaa batto'eeke gosa gosake horenaa'ninna biniinchuwwinaa'ni, iittanni ci'atenaa'ninnaa buttate'ni godobiki me'aachchixxe dada duuchchinaa'n, 9mitti labbakinnaa mitte meyyaxxa Mageni Nohi'i ajajemmashshanni Lomoxxe Hobolo giddi'a e'ye. 10Torbaane barra uduma butta balleessaaki wodi'i dage.
11Nohi ileme 600 woggannaa lame agenjonnaa tommennaa torbaane barra'n buttini hundixxi baari iimi'a dhoote; wodi'iinxi muummenna iimii'n butti'a banende.#2 Phex. 3:6. 12Xeenikinna shoole tomme barrannaa shoole tomme hashsha buttate'ni gane. 13Eettene barra'ni Nohinna isixxi are, oose isixxi Seemi, Kaami, Yaafeetinnaa insa'neexxi melaalle Lumoxxe Hobolo giddi'a e'yine. 14Gosa gosashshanni biniinchakenaa'ni, gosa gosashshanni horekenaa'n, gosa gosashshanni godobik me'aachchuwwinaa'n, gosa gosashshanni ci'atenaa'ninnaa keela afeechchi duuchchi insa'nen welti e'ye. 15Konne qicinni gosa gosashshanni lubbo afeechcho duuchchinaa'n mitti mitti labbakinnaa meyyak Nohinni welti Lumoxxe Hobolo giddi'a e'ye. 16Labbakinnaa meyyaki dada duuchchinaa'ni markabi giddi'a e'yeemma qici Mageni Nohii ajajemmashshaten; ookkoneechchi udumi'a Mageni Lumoxxe Hoboloxxa hula cufe.
17Balleessatike wodi'i buttate'ni cita belo shoole tomme barra duuchcha gane; wodi'ikinna iimi'a bira sa'a'ni me'eexxe qixxe'n hobolotanna butti'n iimi'a shikki shikki asse. 18Wodi'i buttate'ni lumooshsha wo'ma'ninna hunna lephpha'ni me'eexxe qixxe'n lumoxxi hobolonna wodi'i hana shelellisa'eman. 19Wodi'ikinna buttate'ni lumooshsha wo'me; iimati butti'a hexxeexxa duuchiinxa lumolla koobuwwanna midde gattebaangi buqe. 20Wodi'i koobuwwa buqeexxi iimi'a tommenna onde ciqile wo'me. 21Buttate'n lubbo afeechchi duuchchi ci'a, hor, biniinchuwwi, buttate'n lubbo afe le'maachchi duuchchi manjikinna reye mude. 22Buttate'n lubbo afeechchi woddi'i gadhi darre hedheechchi duuchchi reye. 23Buttate'ni lubbo afeechcho duuchcha manji, hori, biniinchuwwi, ci'annaa godobiki me'aachchuwwi mude; ba'netenaa'ni gateek Nohinna Nohik mini haddonna isinni welti Lumoxxe Hobolo giddo e'yemmake lubbo afeechchuwwamman. 24Wodi'i dhibbanna onde tomme barra qico'ni buttuatenaan xe'yeemmaba'a.
Currently Selected:
Dadatika Maxaafa 7: gdo
Highlight
Share
Compare
Copy
Want to have your highlights saved across all your devices? Sign up or sign in
The Word for the World International, The Word for the World Ethiopia
