Tit 2
2
Ta dø nyandoot kïjaraw
(Oo 1 Tim 2:9,15; 1 Pie 3:1 teen 6; Psom 119:9)
1Na î, el nyag'n sumba kad i ndoo deg kam nyandoot kïjaraw. 2El ngahtøgg kad iren rod njirrirr dø nyagt kïmajal tube, kï în deg kï asïn ta køsïgon, kï în ngéhal kïmaj, kï ðanbijir kam kadkam Krist't, kï kam tart, kï kam høtøgbát. 3El dekïdëg, kï ngahtøgg titbe tø, kad nyaðad i kï sumba lo deg kïjaþat, kad în ngélata kø degt al, kï în þerg lo kasï kï kãi al. Sumba kad în ngéndoo deg nya kïmaj. 4Kad ndoon dekïdë kïdødug kad tarïn ngawdg kï ngandg. 5Sumba kad în ngéhal kïmaj, kï în kï ro kïjanjoi, kad în ngéhø ta þe lod sem, kï în dekïdëg kïro, ngételrod go tat lo ngawdg kad deg elïn takïmal dø tat lo Luwah al. 6Øj basag kad în deg kï ngékumtøg. 7Kam nyagt tube i ndï i daroi nyandajt kam kïlaðaigt kïmaj. Kam nyandoot'n i ndï i ndoo, a i da deg hal kïjaþat kï asï ta køsïgon. 8Kï takeli i kïjaraw kï de asï høi kï ta døt al kïtakad ro madngétaig søldïn, kad oon nya mad kïmajal kï a eljïn ne ta al.
9Øj þerg kad lan død girr tøgt lo ngédg, kad în ngéða nya kï neld kam kïlaðadgt tube, kad în ngémájd ta al, 10ke ngékød nya lemlem, na i soot kad în deg kïmaj, kï asïn kad ngédg þan kuld. Kï ðan nyaðakïro kanj nyà ta kïtakad lan ne køsïgon dø nyandoot lo Luwah Ngekaj'j kam nyagt tube.
11Kïtø Luwah tee kï kamkë lon kï tïga wakïsï kïtakad deg tube ajïn ne. 12Kamkë lo Luwah'n non ndï ndooj, kad kï nyàgo nyaða kïgo lo Luwaht al, kï nyurkõg kï duniat kø, kïtakad kï ndïn kï døj dõ kam kaglot'n ðan, kï hal kï søl kï nyaða kïdenesew kïgo lo Luwaht. 13Titbe la kamkë lo Luwah'n non ndï ndooj kad kï ngoon ndø ronel'n kï ndï kï ndah kamj døt, ad i ndø'n Luwah loj kïþe Ngekaj'j Jeju Krist a tee høi kam kunjt kïðangereng. 14Jeju Krist ad ron koi kïtatøj kïtakad ban døj kam majalt kï ða tube, ndig kad jî girrdeg kï kar, girrdeg lon, kad kï ðan kïlag kïmaj kï ndøgbe.
15Nyag 'nten ye, maj kad i ndáng deg døt kï tøgi, kad awïn kï ketekete kam kadkam Krist't, kad de mad kidi al.
Currently Selected:
Tit 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.