Rom Takïdøt
Takïdøt
Lon Pol ndang maktub ad ngétaata lo Krist kï þebot kï Rom ye, tølta kaw mbah lon kïkõmïta. Ndig kaw mbã tee þebot kï Rom kïta Pol tee kamþet kï Romt al þaitø. Kamla ndah kamïnt kï n'aw mbã'n tee døning Espayt kad n'la mber Hoita kïmaj (15: 22 teen 24). Maktub'n Pol ndang i kïtakad n'ðan go ðob kawïn dandt ho, kï n'øjïnd nyandoog'n þet n'a n'ndoo ngékawna kï Romt lon n'a 'nten kudt.
Maktub'n Pol ndang ad ngékï Romt ye, i nyandoo kï kasïnatap kïta ngékawna. Kam taa tube laten: Luwah ørr ta dø degt ad'd telïn deg kïdenesew, lon adïn ne kamd Jeju. I kïtakul kadkam koon na kïtakul nya mad al (1. 17).
Pol elta dø nyagt mïta kam maktubt lon:
Ðob nina 1 teen 8: Elta dø telrogo mberkïndat lo Moij ho kadkam Luwah kïtakul Krist Jeju ho. Ngékawnag kï Romt, Juipg kï deg'n în Juipg al în kamdt. Na Juipg bãin ngãi kamþet kï Rom, ad kïmadg telïn ngétaata lo Krist. Na îg'n non ndï telïn rod girr nyabelþet lo Juipg þaitø. Ye kad girrdeg'n în Juipg al ye maj kad telïn rod girr nyabelþet lo Juipg ho oo? Ta 'nten ad kam ngékawnag kï kij tube sokïber al. Pol ndood kam maktubt lon an: deg tube în ngéðamajal, Juipg kï deg'n în Juipg al tube în ngéðamajal. Kïtø mberkïnda mad kï asï taa de nya dõ ta majal goto. Na deg tube asï ngahn kaj kïtakul Ndil kï Kunjðang kïta Krist ndï ørrd kïro Luwaht.
Ðob nina 9 teen 11: Elta øj dø Israel, girrdeg'n Luwah køtd, kï ngétaata lo Krist. Tit'n ngïra kag în girr døningt ye, kadkam Krist ngïra i kam nyandoot lo Moij, ke neni girrdeg kï Israelt mbetïn kadkamd Krist. Pol el an Luwah ndï tar girrdeg lon ho, ndï kuna kï ront. Ndø mad a ðe nõ, nat kï girrdeg kïdangdang tube, Israel a ger kamkë lo Luwah'n øj'j kam Krist Jejut.
Ðob nina 12 teen 15: Elta dø ðobt kï titbãi j'asï kad kï ndïn kï døj dõ kam ngékawnat lo Krist. Pol ørr girr ðob kï titbãi j'a kï ðan kïla ndub Luwah kï jeje ho, titbãi j'a kï ndïn kï lapia kï deg. Pol ndamber kad ngétaata lo Krist, în ngangïn kam kadkam Krist't kï ðan kï îgïn ha în tõ kam kadkamt lod. Luwah ndï ørr deg tube girr tøg majalt kï koi. Tajigla ngétaata lo Krist asïn ða namna kï na ho, ða namna kï Krist tø, kïtakul Ndil kï Kunjðang.
Maktub'n Pol ndang ad Romag tøltan kï lapia'n Pol ða deg (16). Tø dekïdïngãg kï dekïdëg ngãibe i tit. Maktub lo Romag ða ad ngétaata lo Krist kï maði în nderrbe kï ngétaata lo Krist kï kaglot kï þone.
Currently Selected:
Rom Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.