Rom 6

Jî kï koi dø majalt kad kï ndï kumkajir kam Krist't

(Oo Kol 3:1 teen 10)

1Kïtø 'nten, ka j'an ði ta? J'a kï ndï kï kam majalt kad kamkë lo Luwah ton mbujmbuj a? 2Ãã i titbe al. Jî deg kï koi dø majalt, j'asï ndï kï døj dõ kam majalt gog al ta. 3Kamsï oi dø kad jî tube'n ðajïn baptem kam Krist't ye, i kam koiat hã ðajïn baptem ale? 4Kïtø 'nten dubjïn nat sia kïtakul baptem kam koiat, kïtakad kï ndia kam kumkajirt kï kij, tit'n Krist þain ku ngékoit, kïtakul tøg kï tøitøi lo Bøw. 5Na îla jî sia kam dãrot kïkïða a ne, jî kï koi nat sia, titbe Luwah a adj kï þai lo koit nat sia ho. 6Ad kï ger nya 'nten maj, lon Krist oi kagdosït, Luwah ga konde loj kagdosït nat sia, kad kïðaþer lo majal gog al ta. 7Kïtø de'n oi dø majalt ye, majal aw kï tøg døat al. 8Na îla j'oi nat kï Krist a ne, kï ger køikøi, j'a kï ndï kumkajir nat sia ho. 9Kï ger Luwah ad Krist þai ku ngékoit, Krist asï koi gog al ta. 10Koi'n Krist oi nõ, oi kïtø majal lo deg nja kïðabedo, tajigne ndia kumkajir, i kïta Luwah la ndïn ye. 11Titbe tø în, kï oon rosï tit deg kï koi dø majalt, na kï oon rosï degt kï ndïn kï dø dõ kïta Luwah nat kï Krist Jeju. 12Kïtø 'nten, ot kadïn majal õþe dø dãrosït kï koi nõ, ad i telïn rosï go nyurkõgt loa. 13Ot lan rosï girr tøg majalt kad tel nyaðakïla lo nyaða kïgoðoþt al. Na adïn rosï Luwah tit ngékumkajir ku ngékoit. Adïn rosï kad tel nyaðakïla lo nyaða kïdenesew. 14Taa ne, majal a õþe døsït al, kïta în girr mberkïndat al, na în girr tøg kamkët lo Luwah.

Þerg lo Luwah în ngéðanya kïdenesew

(Jã 8:31 teen 36; Rom 7:4 teen 6; Tit 2:11 teen 14)

15Ði kï be? J'a kï ða majal kïta ndïn kï ndï girr tøgt lo kamkët lo Luwah, na girr tøgt lo mberkïnda al la, j'a kï ðan majal yo? I titbe al. 16I gerïn nya 'nten ale? Îla i ndï lan døsï girr nyat mad kad i telïn rosï go tat loa a ne, a în þerg lo majal kï a tee sesï koit. Na îla i telïn rosï go tat lo Luwah a ne, a în þerg kïdenesew nõ Luwaht. 17Na ad kï ðan mersi Luwah. Kïtø ke maði in þerg lo majal kaa ne, i tajigla telïn rosï go nyandoot kï rota'n i taan. 18Luwah taa nyasïdõ ta þert lo majal kï ða kad i ðan nya kïdenesew. 19M'un nyakøj kï dø þergt m'elïn ta kïta kîsï deg kï døsï un nya kanang al. Maði i lan rosï girr tøgt lo yerr kï ða kïðagootal, ad majal losï bïlan kï døtdøt. Na tajigla i telïn rosï þert lo nyaða kïdenesew kïtakad în kïjaþat. 20Kïtø lon în þerg lo majal ye, nyaða kïdenesew aw kï tøg døsït al. 21Kaglot'n non ye, i ngahn ði dø nyaðasït a? Nyag'n non rosï sølsï døt tajigla. Kïtø døngoi nyag'n non i koi 22Na tajigla în kï ta nya dõ dø majalt, i telïn þerg lo Luwah, i ndï i teen kï kandsï kïmaj ad i ro kïjaþat'n døngoia i kumkajirr kï mbãkïnõt. 23Kïtø nyaba majal i koi, na kadkari'n Luwah ad kïgo kamkët lon i kumkajir kï mbãkïnõt nat kï Krist Jeju kï Bïraþe loj.

Currently Selected:

Rom 6: MB80

Highlight

Copy

Compare