Rom 15
15
Maj kad kï ndulo go Krist
(Oo Rom 14:13; Pil 2:1 teen 5)
1Jîn hã jî kï ngang kam kadkam Luwaht ye, maj kad kï ða kï deg'n kadkam lod i kï tõ. Maj kad kï sah nya'n nelj koon al. 2Kï dekïðen kujt ða nya kïmaj, kad ad ronel ngankõ ho, kad ða sed kïdõ kam kadkamt ho. 3Kïtø Krist kï døn, sah nel ron al, na ða tit'n ndangïn ne kam maktubt: M'un nyataj lo deg kï ngétaj Luwah kï dømt. 4Kïtø tag tube'n ndangïn kam maktubt lo Luwah maði ye, ndangïnd kad ndoojïn rota kad j'awïn kï kam kï ndadøt dø nyat'n Luwah un køn adj kad n'a n'ða. Kïtø maktub ndï ndooj høtøgbá ho, ndï ða sej kad kï ða bijir ho. 5Høtøgbá, kï ða sej ndï ðen kokïrø Luwaht kïta 'nten maj kad Luwah ad tagahsï i kïða kad kïlaðasï i kïgo nyandajt'n Krist nya adsï. 6Kïtøkad i ndubïn Bøw Bïraþe loj Jeju Krist kï kamsï kïkïða ho kï tasï kïða.
Hoita kïmaj kïta girrdeg tube
(Oo Ep 2:11 teen 19)
7Kïtø 'nten, i høn na kï rosït tit'n Krist høsïn kï ront ad Luwah ngahn køsïgon. 8M'ndï m'elsï ta kï rota, Jeju Krist tel ngekïlaþer lo Juipg kïtakad tølïn ne kon kunkøg'n Luwah un ad Bøwjg, kïtakad deg gerïn ne maj, Luwah i ngeðanyakïro. 9Krist ða titbe kad girrdeg kïdangdang ndubïn ne Luwah kïta kookumtondo loa, kïgo tat'n ndangïn kam maktubt an: Kïtø 'nten m'a m'ndubïn ku girrdegt kïdangdang, m'a m'øsï pa m'øsïn goni. 10Maktub el tø an: În girrdeg kïdangdang, i ðan ronel nat kï deg loa. 11El tø an: În girrdeg kïdangdang tube, i ndubïn Bïraþe, kï girrdeg tube ndubïna. 12Esai el tø an: De mad a tee ko girrkooj Jeset, a þai kad n'õþe dø girrdegt kïdangdang; girrdeg kïdangdang a ndan kamd døat. 13Kï Luwah kï ngekadsï kamkïndahdøt ðoosïsï kï ronel tube, kï lapia tube kïtakul kad'n i ndï adïna kamsï, kïtakad i ndan ne kamsï døat kï døtdøt kïtakul tøg Ndil kïkunjðang.
Kïlag lo Pol, kï kaw mbahg loa
(Oo 2 Kor 10:13 teen 18)
14Ta kï sumba døsï taa, ngankom, mî kïþe kï døm m'ger køikøi, în kïðoosï kïmaj kï ða, în kïþakot kï nyager tube, na asïn køj na tø. 15Na titbe kaa ne, tag'n m'el kïkanj þool kam maktubt'n m'ndang m'adsï ye, m'ndang titbe kad i tel i gaan ne kamsï døt kïta majkurr'n Luwah adïm, 16kad mîn ngekïlaþer lo Krist Jeju ku girrdegt kïdangdang; m'ndï m'ða kïlaþer Hoita Kïmaj lo Luwah kïtakad girrdeg kïdangdang telïn ne kadkari kï nel Luwah, îgïn Ndil kï Kunjðang ndad køtkokïða kïta Luwah. 17Kïtø kîm kam rot kïkïða kï Krist Jeju la m'ndï m'gan buro kam kïlaþert'n m'ða mad Luwah. 18Kïtø m'þool kad melta dø nyat mad kïðang, na m'ndï m'elta dø nyat'n Krist ða kïtakulïm tã, ad m'ørrïn girrdeg kïdangdang kad telïn rod goo hoitat kïmaj, kï lo tat'n m'el, kï kïlo kïlat'n m'ða, 19kïtakul tøg nyakøjg, kï nyag kï yaya, kïtakul tøg Ndil kï Kundjðang lo Luwah; m'mbagirr lamber hoita kïmaj lo Krist þebo Jerusalemt nu, kïgo døningg'n gugïn døa mbã m'tøl kona kï døning Ilyrit. 20M'nda rom degïr kï ndøgbe kad m'la mber Hoita Kïmaj, titbe kï log'n ørrïn hoi Krist tit al þaitø, m'ndig ða titbe na þeta m'ndah girr kïla lom dø lo det mad. 21M'ða titbe kïgo tat'n ndangïn kam maktubt anan: Deg'n land mber ta loa ye, þeta oona na îgïn oon dø ta loa al þaitø ye, a gerïn girra tø.
Pol nda kamïnt kï n'aw þebot kï Rom
(Oo Rom 1:9 teen 15; 2 Kor 8:9)
22I nyag'n non la øgmïn kï nja natnatbe kad m'aw rosït ye, 23na tajigla tit kan hã lo mad kï nãi gog goto kïtam kam døning'gtn non, na þalg ngãibe tø ndosï tom kad m'aw m'oosï ye, 24m'a m'aw m'a m'ndï rosït ngonsî kad kïðan ronel nat, kamla got gog m'a m'aw døning Espayt, na m'gee kad i ðan sem lo kaw mbaht lom. 25Na tajigla m'ndï m'awþebot kï Jerusalem kad m'ða kïlaþer m'ad deg kïjaþat lo Luwah. 26Kïtø nel deg ngétaata lo Krist kï døning Masedøant kï nge kï Akayt dum kad'n kawïn kadkarig kad'n ðan ne kï ngéndog kï ku degt kïjaþat lo Luwah kï Jerusalemt. 27Ãã neld dum titbe kïta girra lo juipg, i dø degt kï ngétaata lo Krist'n în juipg al kaa maj kad ðan kï juipg kï nyamajg lod kï jidt ho. 28Lon m'a m'tiga kïla 'nten na m'la kadkarig tube jïdt woi a ne, m'a m'aw m'tee døsït, kamla m'a m'tøi m'aw døning Espayt. 29M'ger jeje, lon m'a m'aw rosït a ne m'a m'tee kusït kam majkurrt kï to mbuj lo Krist. 30J'ad kamj Bïraþe loj Jeju Krist, kïta Ndil kï Kunjðang ndï ad kï tar deg, Kïtø 'nten ngankom, m'køsï kad elïn ta kï Luwah kï tøm, 31Kïtøkad Luwah ngomïm maj, na þeta m'so ji degt kï kam døning Judet kï ngémbet ta lo Krist; kad kadkarig'n m'ndï m'awïn Jerusalemt, i nya ronel kïro degt kïjaþat lo Luwah'n ndïn nu. 32Titbe îla i ndig lo Luwah a ne, kad kï tee rosït kï ronel, kad m'ngah lotaakò kusït. 33Kï Luwah kï ngekad deg kamkïsokïber ndï nat sesï. Amin.
Currently Selected:
Rom 15: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.