Psom 89
89
1Pa nyandoo lo Heman kï girr Ejra.
2Bïraþe, m'a m'øsï pa dø nyaðakïrot loi mbãkïnõt,
kï tam la m'a m'la'n mber nyaðai kïro ngankat kï nganka,
3kïta m'el m'an: nyaðakïro loi ndï bïla kïdøtdøt mbã kïnõit, i ndah nyaðai kïro ad tokïnõt kam dørãt dõ.
4I el an: I un køi ad kïmbed loi,
i nda yo ad þer loi Dabid, titbe:
5a ad ngankaag õnþe mbãkïnõt, a nda girr pong kõþe loa
kad ðà bijir kï ngankat kï nganka.
6Bïraþe, dørã a ndub kïlaðaig kïyaya,
an: A ndubïn nyaðai kïro dan ngékawnagt lo ngékïjaþat nu.
7Kïtø nõ i dõ dørãt kï ta'na kï Bïraþe a?
Nõ ku ngé kï dõ dørãt i tit'n Bïraþe a?
8Luwah i kïtootþool dan ngékïjaþat't ngékawna,
î kïtootþool toi ngendï gug døa.
9Bïraþe Luwah Ngetøg tube, nõ aw kï tøg tit kï î, Bïraþe?
Nyaðai kïro gug døi.
10Î õþe dø bahbot lon bain kï tøg,
lon oon ngãi, i ada tel to lom.
11I tetðøø Ejiptiag, ad'd telïn tit nin be,
i tïnda madngétaig tîd ko kï tøg jii.
12Dørã i loi, døning i loi tø
dunia kï nyag kïkamt tube, îla i ngela girrd ye.
13In la i ndah lokïdøø kï lokïþodo,
mbalbo Tabor kï mbalbo Hermõ ndï ndubïn tøi kï ronel.
14Tøg jii i ngãi, jii ngang ngãi, jikõi i kï kun kïdõ.
15Nyaða kïdenesew kï takïgang kïgoðobat
în girr pong kõþe loi, nyaðakïro kï rota în nõit.
16Ngéronel la în deg kï ngéger dø ndï brunj kï ko dø ndø naht, a ndian kam kunj takumit, Bïraþe,
17a gan buro dø tøit kïsî mbã kàd udïn,
a tøin nyaðai kïdenesew,
18kïta îla i nyatøko lo tøgd, kïgo ndigt loi to la tøgj i kï toi kïdõ ye.
19Bïraþe i derdog loj,
Ngekunjðang lo Israel i ngar loj.
20Maði i el de loi kïjaþat ta 'nten kam nyakookamndilt, an:
M'ad tøg kïrãðøø mad,
m'mbed de mad ku koosïgt, m'toia kïdõ.
21M'ngah þer lom Dabid,
m'wura kï yib lom kïjaþat.
22Jim a ndïnaa kïdõ,
jim a ada tøg.
23Madngéta a tee døat pat al,
ngeðamajal a ða ngetøg døat al tø.
24M'a m'rigji dø ngéndoorag nõat,
m'a m'tøsï ngékøsatag m'a m'tïlad kïber.
25Nyaðam kïro kï nyaðakïro lom a în nat sia,
kam tømt la tøga a i kï toi kïdõ ye.
26M'a m'ada õþe ko bahbot,
mbã kï bah Euprat.
27Î a ko kïdømt an: Mî bøwïn,
mî Luwah lon kï Mbal kajïn.
28Na mî, m'a m'tela ngondert,
ngar kïbo dø ngargt kï døningt.
29Nyaðakïro lom a to kïtaa mbãkïnõt
kunkø lom a to kïðubagt kïtatøa.
30M'a m'ad koah õþe kï ngankat kï nganka,
ndø pong kõþe loa a i ngãi tit kï ndøg în dørã ðan be.
31Îla ngana a mbetïn ta lom,
îla a ndian kïgo tagt lom kïgang al,
32îla tøin dø mberkïndag lom,
îla ngomïn go mberkïndag al a ne,
33m'a m'øjd kuma kï nda kï kag kïta tøidøtag lod,
m'a m'ndad kï ndeh kïta ðagootal lod.
34Na m'a mørr nyaðakïro lom kø roat al,
m'a m'ela ta kïngom al kïta mî kïro.
35M'a m'mbel køm dø kunkøt kï m'un m'ada nõ al
m'a m'tel køm dø tat kï tee tamt al.
36M'nda yo nja kïða kïdø kîmt kïkunjðang,
m'an: M'a m'el Dabid takïbal al.
37Koah a õþe kï ngankat kï nganka,
ndø pong kõþe loa a i ngãi tit kï ndøg în kàd ða'n be.
38Pong kõþe loa a ðà bijir kïnõt tit'n nah ða'n bijir ye be ho,
nah i ngemanaj kïro kam dørãt.
Taakò
39Na tajigla in Luwah i mþeta, i laa ko,
i þawong kï kïur loi.
40I tuj kunkø kï i un ad þer loi,
i la jog ngar loa ningt ad tel kïyerr.
41I teet ndogbørrg loa tube
i nuj kuj ngomdøþeg loa kø tø.
42Ngétoi ðobo øin nyag loa,
kamla tel nya go ro girrdegt kïdangdang kï gugïn døa.
43I toi jikõ ngéndoorag kïdõ,
i ad madngétaag tube ronel.
44I ad ta kiyaðøø loa mbubulu,
i ða sia kad ðà bijir lo ðøøt al.
45I ad kunj kõþe loa woi,
i øsï pong kõþe loa i la kïber.
46I gang ndø basa loa ad i ngãi al,
i la rosøl døat.
47Bïraþe, a i titbe ndø bãi? A i yaroi mbãkïnõt a?
Wong loi kïtïngabil a oon tit horr be ndø bain a?
48I ga kami dø ndimt kï dø dõ kïngãi al,
i ga kami dø ndaht kï ndah ngan deg tube kïndang pãbe.
49De kïðah hã a ndï kï døn dõ kïkanj ko koi a?
Nõ a ug ron ør ta tøg lot kï Koo a?
50Bïraþe, nyaðakïro loi kï maði kï ndan yo
ad Dabid kïgo nyaðait kïro i ðah a?
51Bïraþe, i ga kami dø tajt in deg tajmïn mî þer loi.
I ga kami dø tot in m'to taj lo girrdeg kïdangdang dømt.
52Bïraþe, i ga kami dø tat kï kõkõ lo madngétai
în ndï elïn tajïn ne go ndia kïwur loi.
53Køsïgon kï dø Bïraþet mbãkïnõt.
Amin Amin.
BIBLE MBAÏ © 1980 Alliance Biblique du Tchad.