Psom 45
45
1Kïro bï radø ngekøsïpagt. Kï køsï kïgo ndï pat kï tøa i Hutkamg. Pa nyandoo lo ngan Kore. Pa tar. 2Kamm leg butbut kï ta kïmaj.
M'ørr girr pa lom m'ad ngar oo.
Ndom i tit kagndanya lo ngegoosï ndang maktub, m'an:
3Î basa, tøi deg tube.
Ta kïnelnel ndï tee tait.
Kïtø 'nten la Luwah njangïn døi mbãkïnõt.
4În kïrãðøø, i ðøø kiyaðøø loi dø bingit,
kï kub ngar kïmaj loi kïtaitøi.
5Kam majt loi kïtaitøi ad maj urrit.
Aw kam pusïðøøt loi.
I ðøø kïta rota kï kookumtondo
kï nyaða kïdenesew.
Ad jikõi ndooi ða nya kï yaya þool.
6Ta kïrãg loi at pepep,
udïn kam madngétagt lo ngar.
Girrdeg kïdangdang son girr tøgit.
7Pong kõþe loi, Luwah,
ndï londïnt mbãkïnõt,
kag kõþe loi i kag ða denesew.
8I ndig nyaða kïdenesew,
na i mbet majalkïða;
kïta 'nten la Luwah,
Luwah loi uri kï yib,
uri kï yib ronel tøi madtøgig.
9Kub loi tube ot myrr kï aloes kï lakasï
kokam kuj kõþegt loi kï ða kï ngang ked
kïndehg kï kug ndï adin ronel.
10Ngan ngarg kïdëg ðan nõ
kï medg loi kï gata i ngãi.
Ngar kïdë ða ko kõit,
pare ron kï l'ør kï døning Opirt.
11Î ngon kïdë, oo maj.
I gah døt, i nel mbii.
Ad kami oi dø deg loi
kï ngékïþe lo bøwi.
12Kamla ngar a ndig majkooi,
kïta i bïraþe loi. I so ber øsï døi nõat.
13Ngon kïdë kï Tir kï ngémaj
kïtaitøi ku degt
a ðen kï kadkari kad goolïn ne.
14Ngon ngar kïdë la kubg
kïmajmaj kam kuj kõþet,
kub loi i kï jo kï kïla l'ør.
15A awïn sia ro ngart kï kub kï køsï desî tit,
nat kï nganïmand madag ngéndulo goa.
A awïn sed ro ngart.
16A awïn sed kï ronel kï kamnda,
lon andïn kam kuj kõþet lo ngar.
17Nganig kïdïngã a gan goot bøwig.
A i ndad mbaiþeg dø døningt kïtaagbe.
18M'a m'ad kamd gah dø toit kï ko
kï ngankat kï nganka tube,
kïta 'nten girrdeg kïdangdang tube
a ndubïn kïndøgndøg mbãkïnõdt.
BIBLE MBAÏ © 1980 Alliance Biblique du Tchad.