Psom 18
18
Pa lo Dabid lon Luwah ug ørran ji Sawlt
1Kïro bïraþe ngékøsïpagt. Psom lo Dabid, þer lo Bïraþe. Elta Bïraþe kï pa 'nten lon Bïraþe ug ørran ji madngétaagt tube, kï ji Sawlt tø.
2El an:
M'ndï m'tari, Bïraþe. Îla î tøgïm ye.
3Bïraþe i mbal lom kï longomro
lom kïngang, i ngekug kørrïm,
i Luwah lom kï mbal lom kï m'yarom kamat,
i derdøg lom, nyakat kïta tetðøø kï loyaro lom.
4M'ndï m'ko kïdøat m'an:
Bïraþe î asï ta ndub,
ða ajïm ji madngétamgt.
5Kïlakoi þindïm,
Gum kï tøl de a kï ya nõmt.
6Bandg kï koo hømïn gumkoi i nomt.
7Lon mîn dan kamkølt m'ko kï dø Bïraþet m'kø Luwah lom kad ða sem
na oo dø ndim kokam kuj ndubïnt,
kø lom tee roat so mbiat.
8Kamla døning ød ron þirþir, ho yee yïkïtyïkït,
girr mbalbog ndadïn,
yeen yïkïtyïkït to kïta Luwah þawong.
9Sahorr tee bulokønat kïdõ,
horr kï kõ gilinggiling tee taat,
yalhorr kïtïngabil tee ko roat tø.
10Luwah ad dørã ðisï, na ud ber;
lo kïdiw kïrir i girr njaat.
11Bai ndï gid Serubgt na aw,
tøi kanangbe dø bøg nélt.
12Lo kïdiw kïrir i nyakutdøa,
kilndii kïnder kï metïr kïrir kï man
i kujkub loa kï la gugïn døa.
13Kunj kï ndulo ngëingëi i nõat,
na køsïndii kï yalhorr teen kokamt.
14Bïraþe ndáng nya kam dørãt,
Ngetøitøi ad ndia ko kïdõ;
kï køsïndii kï yalhorr.
15Urr kïrãg lon, tïnda tîdïn kø kat,
16ad ndil tel tuþa madngéta Israel kø,
kïta ndang kï Bïraþe ndãndg.
Kïtø wong kï tølsøkïr kï i þa,
girr man'g bahbokat tee død
girr døningg teen tïga wakïsï.
17La jin ko dõ, unïm,
ørrïm kø kam mant kïbo
18Ug ørrïm ji madngetamt kï tøga i ngãi
kï ji ngékøsïmta kïta kï tøgd tøim.
19Bamïn ber busï dø ndø kamkølt,
na Bïraþe i ngendïnam.
20Aw sem lot kï tat ngãi,
ug ørrïm kïta tarïm.
21Bïraþe bajim kïgo nyaðamt kïdenesew,
kïgo jimt kïkar nyang la adïm nyabajim ye.
22Kïtø m'ngomïm go ðobg lo Bïraþe maj,
m'ða majal m'nyà'n Luwah lom kø al.
23Tag kïgang loa tube în nomt,
m'nyàgo mberkïndag loa kø al.
24Mî kïkanj ta nõat,
m'oo go rom maj døðagootalt.
25Kïtø 'nten la Bïraþe ban jim
kïgo nyaðamt kïdenesew,
kïgo jimt kïjaþat'n oo.
26Kï ngeðanya kïro,
î Bïraþe a øja nyaðakïro ho.
De kï ngeða nya kïro,
a i øja nyaðai kïro ho.
27De kïjanjoi, a i øja nyaðai kïjanjoi ho.
De kï ngeðanya kï gootal,
a i øja nya kïgo ndigt al loi kï ða al nõ.
28A i aj deg kï ngésoldødt,
na îla a ad deg'n lan død ber teðøø kï ber.
29Kïtø i ndah horr lambat lom ad unj,
Bïraþe, Luwah lom, unj lo lom kïdiw til.
30Kïtakuli la m'asïn teen ji degt kï ngékumþobt ye,
kïtakul Luwah lom m'þain bal dø ndogbørrt.
31Luwah'n non taa ne,
ðob loa i kïkasïnatap,
ta lo Bïraþe i kïjanjoi.
I derdøg kïta deg tube'n tetina lo yarot kï ngéþakula.
32Nõ i Luwah a? Bïraþe kïðabe tã.
Nõ i mbal a? Luwah loj kïðabe tã.
33Luwah'n non døø þom kï tøg,
ad ðob lom i kïkasïnatap.
34Ad m'þa nja ngød tit wal be,
adïm m'ðà bijir dø doorlogt lom.
35Ndoo jim goosï ðøø,
kad jim ørr gãkïrã kï ðan ningakasï.
36Adïm derdøg kï ndï adïm tetðøø,
jikõi øsïm kïdõ,
dø kï kïsøl loi telïm kïbot.
37Kïtakuli m'a m'ãi ngød ngãi,
na njam net patang al.
38M'tuþa go madngétamg mbã m'ngahd;
m'tel al, na m'tø kohd kamtã.
39M'tøsïd borongborong a asïn þain dõ al,
tuson oin girr njamt.
40I døø þom kï tøg kïta ðøø,
I la dø ngéndoorïmg girr tøgïmt.
41I ad madngétamg ãin nomt,
na m'hø ta ngékøsïm m'ndanat mbukï ad ndï tad mbo.
42În tø nõn, na de mad kï ngekajd goto
nãn þan tad kad, nõn kïdø Bïraþet, na turd al.
43M'tød køsïkøsï tit buning
kï nél ndï øi awïn be.
M'ügd kø sãi tit þirþit kïkad ðobt be.
44Ug ørrïm kø dan degt kï ngégakï,
i ndam kïbo dø girrdegt kïdangdang.
Deg kï m'gerd kete al ðan kïlaþer admïn.
45Lon m'elta nya kïða a ne,
tentenbe telïn rod go tat lom.
Dedøþeg lan dødt girr tøgïmt.
46Dedøþeg rod oi siw,
teen loyarogt lod kïtïga kï rondad.
47Bïraþe ndï kï døn dõ.
Køsïgon kï dø Mbalt lom.
Kï Luwah kï ngekajïm i kï toi kïdõ.
48Luwah kï ngendangïra dømt,
ngela dø girrdeg kïdangdang girr tøgïmt,
49ug ørrïm ji madngétamgt,
ã, tøim kïdõ dø ngéndoorïmt,
ug ørrïm ji ngéða nya kï lo ngetøgt.
50Kïtø 'nten la, Bïraþe lom,
m'a m'ndubïn ku girrdegt kïdangdang,
m'a m'øsï pa m'ndubïn tøi tø.
51Bïraþe a ða nyag kïbobo kad n'ug n'ørrïn ngar'n kï køta.
Øj nyaðakïro kïwur lon, ad i Dabid
kï ngankaa kïmbãkïnõt.
Currently Selected:
Psom 18: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
