Terr 3
3
1Ngonïm, ot kad kami oi dø nyandoot lom. I ngomgo mberkïndag lom kamit. 2Kïtø îg'n non a lan ndøig kï þalig ad bïlan kïdøtdøt a adi î kï kamkïsokïber kï ronel tø. 3Ot nya ta nyaða kïgoðobat kï nyaðakïro kad goton roit. I lad køit, i ndangd kamit. 4Titbe la a i ngahn majkurr kï nyager kïmaj takum Luwaht kï deg. 5I þakul Bïraþe kï kami tube. Ot ndahkami dø goosït loi koon. 6I kun tøa dø ðobgt loi tube, na a ða ðob loi ad i kïdenesew. 7Ot ko roi ngeterrt kï tøi. I þool Bïraþe, na i nyàgo majal. 8Nya 'nten a adi lapia kam dãroit, a ad tøg kam kïngait tø. 9Øsïgon Bïraþe kï nyag loi nat kï kand kïdasa lo nyangahg loi tube; 10kamla damg loi a ðoosïn kï nyag kï ton mbuj, na joo kasïnduu loi a ðoosï mbã ü kø. 11Ngonïm, ot kid ndakøj lo Bïraþe. Ot kad roi oi siw lon ndangi. 12Kïtø de'n Bïraþe tara la nda øja ye, tit kï bøw ðan kï ngonïn kï ron nelïn sia. 13Ngeronel la i de'n ngah terr kï de'n ngah terrkam. 14Kïtø ngaah maj tøi ngah l'arjã, na nyangah døt loa maj tøi l'ør kïjajoi. 15Gata maj tøi medkøsïg, kam nyagt tube, în kami ndig ye, nya mad kï gata asï sia goto. 16Ndï kï dø dõ þal ngãi, i kam Jikonat, na nyamajg kï køsïgon i jigelat. 17Ðobg loa ndï ad ronel ngendïa døt, ðobg loa tube ndï ad lapia ngendïa døt tø, 18i kag kumkajir kïta deg'n høna sem, na deg kï ngéhøa sem în ngéronel. 19Bïraþe nda girr døning kïtakul terr, na ndah dørã kïtakul terrkam. 20Kïtakul nyager loa la dø þulman'g teen tad, na kilndii ad man ndii ed. 21Ngonïm, ot kad nyag'n non în sãi takumit. I ngomd go terr kïjaraw kï goosï ðanya kï gah døt goðobat. 22A adïn roi kumkajir a i nyapare kï la køit.
23Kamla a i ndia dø ðobt loi kïkanj þool, nya mad a ga njai gigt al. 24Ke i to ber kaa, a i þool al, lon i þi kaa, a i þi maj ngãi. 25Ot þool nya mad kï tee pat kï nujkø kï a ðe dø ngéðamajalgt. 26Kïtø Bïraþe i nyaþakul loi, a ngomd njai dø gumt kï ya. 27Ot mbet ða maj kï de'n sumba ða sia maj lon nya i jiit kï i ðan sia. 28Lon nya i ngah nyamaj kam jiit þone a ne, ot kel madþei kan: Aw, na i tel, loti la þet m'a m'adi ye. 29Ot køj ta ða majal kï madþei lon ndïn sei kari lom. 30Ot køl kï de mad kïkanj ta, lon ða sei majal al. 31Ot kad jang ðai kïta de kï ngeða nya kï lo ngetøgt. Ot ndaj kïla ðaa kï ðobgt loa. 32Bïraþe un kumïn kø dø det kï ngeðamajal, na hø nam kï de ngeðanya kïdenesew. 33Ndøl lo Bïraþe i dø kujt lo ngeðamajal, na Bïraþe ndï njang dø londï deg kïdenesew. 34Bïraþe ndï kid ngékidg, na ndï øj kamkë de kïsølg. 35Ngéteerg a ngahn tøko, na a la rosøl dø þoodgt. De'n hø terr kïront a ngah køsïgon.
BIBLE MBAÏ © 1980 Alliance Biblique du Tchad.