Terr 24
24
1Ot kad jàng ðai kïta ngéða majalg. Ot kad bo kaw nat sed ðai. 2Kïtø kamd ndï øj ta dø tuj nyat, tad ndï elta dø ðagootalt.
3De a ða kuj kïtakul terr, de a nda gira ad ðà bijir kïtakul terrkam. 4Kïtakul nyager tø la kuj kï kama i dangdang a ðoosï kï nyamajg kï gatd i ngãi kï kïnelnel.
5Ngeteer aw kï tøg got kïngang, na ngegernya got'n aw kï tøg. 6Kïtø i kïgo køjta kïgo lo goosït la a i ðøøn ye, na lon ngékøjtag în koosïg a ne, a tetïn ðøø.
7Terr tøi dø þood de, a tee tan logangtat al.
8De'n øj ta kamïnt kad ðan majal a ne, a kunïna ngetujnya. 9Takiga kïgo lo þoodt i majalkïða, na ngego deg i nya kïyerr ro degt.
10Îla roi oi yelel dø ndø kamkølt a ne, tøgi i ngãi al.
11I ta deg ji îgïntin ndï ørrïnd kï lo ngétøgt awïn sed lo koit. Na deg'n ndian jandjand kï lo jakøt a ne, i gang nõd ajd. 12Îla i el an: I ger al a ne, Luwah, ngendïo kam deg a ger go ale? Luwah ngenda kumïn go roit a ger ale? A ba dekïðen kïgo kïlaðaat ale?
13Ngonïm, i õ yib tej kïta i kïmaj, na yib tej kï nde ðengðeng mbãrt neltait. 14Kï i ger maj, terr i titbe kïta roi. Îla i ngah terr a ne, ndø mad a ðe nõ in nya ndahkamdøt loi a to kïndang al.
15Ot kum londï de kïdenesew tit ngeðamajal be. Ot tuj lotaakò loa. 16Kïtø de kïdenesew a so nja tanãimïta, na a þai gog; na nya kï to a tee dø ngéðamajalgt, a tøsï tïlad kïber.
17Ot ða ronel lon madngetai so. Ot ða kamnda lon nya mad gaa gigt. 18Na þeta Bïraþe a oo nya'n teen ad nela al a un wong lon døat kø.
19Ot kad ta oon kami kïta ngéða majalg. Ot kad jàng ðai kïta deg kïmajal. 20Kïtø nya ndahkamdøt lo de kïmajal a goto, na kunj lo ngéðamajalg a oi.
21Ngonïm, i þool Bïraþe, i þool ngar tø. Ot nda roi nat kï deg kï ngémbel kød. 22Kïtø nya kï to a þai kokïro Bïraþet ke ngar tentenbe. Nõ ger ta nuj kø kï a tee kokïrodt tujoo a?
23Oon tag 'nten în takel ngéteerg tø. Kør de dene lo gangtat i nya kïmajal.
24De kï ngekel ngeðamajal kan: ta goto døat, a ne, deg a ndolina girrdeg kïdangdang a mbetïna. 25Na deg kï ndangïn ngéðamajalg a ngahn ronel, a njangïn død kï majkurr.
26De'n turta goðobat a ne, nel tit lapia njuta be.
27I ðago kïla loi kïtïga, i ða ndøø loi tube ad maj, got gog i ða kuj loi.
28Ot manaj ndoorïn madþei kïkanj ta. I ndig gool deg kï ta kï tait a? 29Ot kel kan: A i ða sia tit'n ðan sei, a i ba de'n non kïgo nyaðaat kïmajal.
Ta lo de kï ngengë
30M'tøi kad ndøøt lo ngengë, m'tøi kad ndøønduut lo de'n kur døa woi, 31na oon køn'g ba utïn log tube, mu ut takum ndøø, ndøgïmbal loa teet so. 32Kamla m'oo, m'gah døt, m'nøl kørikøri, na m'ngah nyandoo kamt. 33In el an: A i þi sî, teen bi ðai baitø, na i la jii kadt kad i bi þaitø. 34Kamla ndo a so døit tentenbe tit ngekumðob, dangt a ðai, a tee døit pat tit de kï ngero be.
BIBLE MBAÏ © 1980 Alliance Biblique du Tchad.