Terr 18
18
1De'n ørr ron kø ro degt, ndï kï døn a ne, ndï sah go nya kï kama ndig, ndï þawong dø takïkøj kïjaraw kïðen. 2Þood ndï ða ronel dø terrkamt al, na dø tee kï tagahnt kïtïga tã.
3Lon ngeðamajal ðe ye, kid ut goa; na lon tø de tuj a ne, rosøl a ðe goat tø.
4Tag kï ta det în tit man kïwo kïþing, na lo kï terr teet i tit bah kï nü be.
5I goðobatal kad ørr de kïmajal dene, ke kad øg de kïdenesew takïgang kïgoðobat.
6Ta þood ndï ad køl þai, taa ndï kun ndeh kïdønt.
7Ta þood a tuja, ta kï taat i tel gum kï ya høn ron kïþe.
8Ta lo ngeðamïna i tit gaj mur kï nel ngãi, aw kam det mbã kandaat.
9De kï ngengë dø kïlat lon i ngonkõ de kï ngetujnya.
10Tø Bïraþe i kuj ngomdøþe kïngang, de kïdenesew a ãi kïtit, a ndï lom.
11Nyamajg kïngãi lo de kï ngemaj i tit þebo kïngang loa, oo an i tit ndogbørr kïngal kïdõ.
12Gaburo i kam det kete nõ nujkøt, na soldø i kete nõ køsïgont.
13De'n turta kete nõ koo dø tat a ne, þood kï ron, la rosøl dønt î kïþe.
14Hø ro ba a ða kï de dø rotot loa, na îla roa oi siw a ne, nõ a øsï goa kïdõ a?
15Kam de kï ngegoosï ngah nyager? Na mbi de kï ngteer ndï sah nyager.
16Kadkari lo de ndï tee ta ðob ada aw sia nõ degt kïbog.
17De'n elta lon dasa ye, deg oon ta loa i goðobat, mbã kad madkola ðe nder gird.
18Yuk kiya ad kølna goto, a gangta mbïna ngétøggt.
19Ngonkõ kï tuj kama, la nooj nat sia to ro ngãi, tøi tetðøø þebo kïngang; na kol gangd nat tit hand kut tabit kuj ngomdøþe.
20Kam de a so kïber kïtakul kand takela kïmaj, na a ngah ronel dø tat kï tee tant.
21Tøg tøl de kï tøg nya de kï døn dõ i kam takel det, deg'n kelta neld a ne, a ngahn kïgo takeldt.
22De'n ngah dekïdë kïro taa nent a ne, ngah nya kïmaj, ad ngah majkurr kokïro Bïraþet.
23Ngendo a elta kø'n nya kï kø kïsøl, na ngemaj a turta kï ta kï kõkõ.
24De'n namag în ngãi a ne, namag a tujïna; na nam kijeje i nõ, a tîya'na sia toi ngonkõa.
BIBLE MBAÏ © 1980 Alliance Biblique du Tchad.