Terr 10
10
Ta lo deg kïdenesew kï deg kï ngéðamajalg
1Terrtag lo Salomõ.
Ngon kï ngeterr a ad ronel bøwïn,
na ngon kïþood a ad kamkil koon.
2Nyangah kïgo ðob ða majalt, kara
na nyaða kïdenesew ndï aj de ta koit.
3Bïraþe a nya de kïdenesew ad þoo tøla al,
na øg de kïmajal nya'n nyura õa.
4Ji ngeða kïla kingë, a ada so ndot,
na ji ngeða kïla kï rotî a ada ngah nya.
5De'n kaw nyako bala a ne,
i ngon kï ngekumtøg;
na ngon kï ngeþi kaglo teet nyakot
a la rosøl dø bøwïnt.
6Majkur kïdangdang i dø det kïdenesew,
na ta ngeðamajalelta
ya'n dø nyaða kï lo ngetøgt.
7Ga dø det kïdenesew i nyamajkur,
na tø ngéðamajalg a tuj.
8De kï ngeterrkam a tel ron go mberkïndagt,
na þood kï ngekelta kïdøtdøt a nuj ron.
9De kï ndia kam nyaðat kïro a ne, ndia kï lapia:
na de kï ðob loa i kï ðug gøligøli, gira a tee.
10De kï ngekire kumïn mes ndï ad kamkil,
na ngekelta kïþood ndï tuj ron.
11Ta de kïdenesew i tit buloman kumkajir be
na ta ngeðamajalelta ya'n dø nyaða kï lo ngetøgt.
12Køsïta a ad kol þai,
na tar a ut dø majalg tube.
13Ngahn terr ta det kï ngegoosï ger
na ndeh i kïta gid de kï ngekurdøkoi.
14Ngéteerg mbõn nyager kïnat,
na nujkø i nderrbe ta þood det kï ngekelta kïdøtdøt.
15Nyamajg lo ngemaj i þebo loa kïngang,
na ndo lo ngéndog i nya kï tujd.
16Kïlaða de kïdenesew a tee sia kumkaj irt,
na nyangah lo ngéðagootalg i majal koon.
17De'n tur go takïkøj a ne, i dø ðob kumkajirt
na de'n mbet ndang a ne, so mut ta so.
18De'n kama majal kï madþen a ne,
takïbal i taat; na ngekel mina i þood.
19Kelta kïdøtdøt a nal majal al,
na ngengom go tan i ngeterr.
20Takel de kïdenesew i l'arjã kikot,
na kam de kïmajal kara i tëbe.
21Takel de kïdenesew ul koosïg,
na þoodg oin kïta kurdøkoi.
22Majkur lo Bïraþe ndï ad de tel ngemaj,
na a ad kamkil døt al.
23Þood oo majal nyandamt,
na terr i nyaronel lo ngegoosï ger girrnya.
24Nya'n ngéðamajal þoola nõ la a so døat ye,
na nya'n de kïdenesew ndig a ne, a ngah.
25Tit kï nélbarwãi tøin be ye,
titbe tø la ngeðamajal a goto'n,
na de kïdenesew a ðà bijir kïnõt.
26Tit'n man kimasï a tølïn ngang de,
na sahorr a ða kum de ye,
titbe tøla ngengë a ðan kï îgïn lana ho ye.
27Ndø ndï kï dø dõ lo ngeþool Bïraþe a i ngãi,
na a gangta þalg lo ngéðamajalg kø.
28Kam kinda døt lo deg kïdenesew, døboia i ronel,
na kam kinda døt lo ngéðamajalg i kmdang pãbe.
29Bïraþe i longomro kïta de kïro,
na nujkø i lo ngéðamajalg.
30Nya mad kïmajal a ða de kïdenesew al
na ngéðamajalg a ndï kam døningt al.
31Ta de kïdenesew a tee kï terr,
na ndõ de kï ngekelta jigïmjigïm, a ga ganga kø.
32Ta de kïdenesew ger kelta nya kï sumba loa
na ta ngeðamajal a elta jigïmjigïm koon.
BIBLE MBAÏ © 1980 Alliance Biblique du Tchad.