Terr 1
1
Maktub terrta a ndoo deg nya kïmaj dum
1Terrtag lo Salomõ ngon Dabid, ngar kï Israel.
2Terrtag 'nten i kïtakad ndoo deg ad gerïn terr kï nyandoo, na kad gerïn ne girr goosï tag tø. 3Kïtø ta nyandoo dø nyaða kïgo lo terrt kï nyaða kïdenesew kï takïgang kïgoðobat kï nyaða kasïnatap tø ho, 4kïta kad deg kï ngékumkørr al goosï tørr nya nat, kïta kad basa nyager kï goosï ða nya kï ga døt goðobat. 5Kï de kï ngeterr oo dø, na a ngah nyager kïdøtdøt; kï de kï ngegoosï ger girrnya'n oo dø, na a tee goosï kørrta ðob, 6kïta ger girr terrta kï takïmund, kï takel ngéterrg kï ta lod kïyadø.
7Þool Bïraþe i mbagirr nyager; na þood deg kidïn terr kï nyandoo.
Tag kïkøj kï tag kïkug kel dø kü mosï køt
8Ngonïm, oo dø nyandoo lo bøwi. Ot nyàgo takøj lo kõi kø. 9Kïtø a i jog kïmaj døit, a i medkøsï kï la køit tø. 10Ngonïm, îla ngéðamajalg goolin a ne, ot ndig. 11Îla a elïn anan: I ðe, ad j'awïn nat, kï j'umïn lo, j'ün mosï kø, j'a kï yan roj dulot kad kï tølïn deg kï ta goto dødt; 12ad kï j'urïnd kumkajir tube tit lo kï Koo, tit ngékud kam hoolþe koit be; 13j'a kï ngahn nyag kïmajmaj kï gatd i ngãi kad kam kujg loj ðoosïn kï nyangahg; 14i nda roi nat sej, kad jin tube j'aw kï þøl nar kïðabe, a ne, 15ngomd, ot kun ðob nat sed. Ot nda njai dø ðob kawdt. 16Kïtø þan nja ngød kad ðan majal, awïn kanang kïta kü mosï kø, 17kïta gum kï ya takum yelt, i kari kïndang, 18na deg'n non i kïta m'øsïd kïdød la umïn ne lo, yan rod dulot kïta tuj rod kï køsï død.
19Titbe la i ðob lo deg kï nyur ngahnya ndï õd. Nyur ngahnya'n non a tø kohd.
Terr ndï kun deg kad oon dø ta lon
20Terr ndï ko kïdø ðobgt, un ndin kïdõ tø kam sukgt, 21ndï ko kam natlogt, ndï elta kï tabit kand kam þebot, an: 22Ngékumkøralg, mbã ndø bãi a i ndigïn kumkøral losï a? Ngégo deg a nyan ta ða ronel dø go degt ndø ði a? Na þoodg ndï mbetïn nyager a? 23I telïn rosï, oon dø ndang kï m'ndangsïn. Oon, m'a m'ü ndilïm døsït, m'a m'ad i gerïn tag lom. 24Kïtø m'kunsï, na i mbetïn ko dø; m'la jim, na de mad kï tur go goto. 25Køjtag lom tube i turïn go al, na i ndigïn ndang kï m'ndangsï al. 26Mî tø m'a m'gosï lon tuj a tee døsït, m'a m'gosï lon nya kïtootþool a so døsït, 27lon nya kïtootþool a so døsït tit nelndii, na tuj a tee døsït tit nélbarwãi, lon kamkøl kï jarongot a ðen døsït tø ho. 28Kamla a kon kïdømt, na m'a m'tur al; a sahmïn, na a ngahmïn al. 29Kïtø mbetïn nyager, na køtïn þool Bïraþe al. 30Ndigïn takøj lom al, na kidïn ndang lom. 31A san kand nya dub lod, ad i so mut lod, a ndamïn kï takøj lod kïdød. 32Kïtø so mut lo ngékumkørralg tøld, na ndï lom lo þoodg nujd. 33Na de'n oo dø ta lom a ne, a ndï kï kamkïsokïber, a ndï lom, a þool nya mad kïmajal al De kï ngesah terr a ngah nyabaji kïmaj.
BIBLE MBAÏ © 1980 Alliance Biblique du Tchad.