Pil 4
4
Takøjg
1Kïtø 'nten, ngankom ngétar lom, kï i ðan bijir kam Bïraþet. Ndo koosï ndï tom ngãi, în ronel lom, în tit jøg køsïgon dømt. 2M'kø Ebodi, na m'kø Sintis ho kad kamd i kïða kam Bïraþet. 3Na î tø madkïlam kï jeje, m'køi kad i ða kï dekïdëg'n non, kïta în kï død ðan sem kïla ngãibe kad kï lan mber hoita kïmaj nat kï Klement kï ndeg madkïlamg, îgïn tød i kï ndang kam Maktubt'n tø ngékumkajir i kamt. 4I ðan ronel kïndøgndøg kam Bïraþet, m'tel m'elsï gog tø, i ðan ronel. 5Kï deg tube gerïn ta halsï kï søl lomlom. Bïraþe a ðe nderrbe. 6Ot soolïn dø nyat mad, na elïn ta kï Luwah dø nyagt tube. I kon ndo kï døat nat kï mersi kï ða. Adïna ger nyageeg losï tø ho. 7Taa ne Luwah a adsï kamkïsokïber kï a tøi tagahsï tube, na kamkïsokïber'n non a ngom ngarkamsï kï tagahsï maj kam Krist Jejut. 8Tag 'nten koon ngankom; nyag kïmaj kad m'elsï laten: Kï nyag tube kï rota, kï nyag tube'n asïn ta køsïgon, kï nyag tube kï goðobat, kï nyag tube kïjanjoi, kï nyag tube kïmaj dum, kï asï ta tar, kï nyag tube kïro, kï nya madg kï asïn ta hit, kï nyag'n non în kam tagahsït. 9Nyag'n hã i ndoon romt, kï îgïn m'la jisït, kï îgïn oon dø kokïromt, kï nyag'n oomïn m'ða ye, i telïn rosï go nyagt'n non. Na Luwah kï ngekad kamsokïber, a i nat sesï.
Pol ða mersi ngékawna kïta kadkari lod
(Oo Heb 13:3 teen 5,16; Pil 1:7; 2:25; Gal 6:6,9 teen 10; 2 Kor 9:6 teen 15)
10M'ða ronel kï dum bit kam Bïraþet. Kïtø go ndøgt ngãibe kamtã la i tøsïn ta gaasï i ndoolïn dømt; ke maði kaa i gaan dømt, na ngah la i ngahn ðoba al ye. 11M'ndï m'elta 'nten, kïta kî'm ndo al; kïta m'ndoo woi, kamm sokïber dø ji ndimt. 12M'ger ndï kï døm dõ kam ndot þet, m'ger ndï kï døm dõ kam nyamajgt kï ngãi þet tø ho. Kï ndøg tube, kï kaglog tube m'ndoo nya 'nten ad m'ger maj mî kï kamkïsokïber kam ndent, ke kam þot, ke kaglon m'ndïn kï nya ngãi jimt, ke kaglon m'nalïn nya. 13M'asï høtøg'm bá kam nyagt tube kïtakul Krist kï ngekadm ngang. 14Titbe kaa ne, i ðan maj ad i ðan sem kam kamkølgt lom. 15In deg kï Pilipt în kïþe kï døsï i gerïn maj, lon m'þain døning Masedøant nu nõ, ngékawna mad kï ða sem goto, na in ngékawna kï Pilipt la i ðan sem ye. 16Kete lon mîn þebot kï Tesalonik kaa ne, i lan kïla kï dømt nja ngãibe kï nya kï jisït kad ða sem dø nyageegt lom. 17I kadkari hã m'ndï sah rosït al, na m'ndï m'sah kad maj urrsï ngãibe dø nyagt kïkam jisït. 18M'ngah nyag tube'n i lan ne admïn, ad tajigla mî kam majt kï to mbuj; na kï tøi în non, lon Epaprodt adïm kadkarig losï'n non ye, în see kï kootmbî kï Luwah a taa, i nyakad kï nela tø. 19Na Luwah lom a oo gosï dø nyagt losï tube kïgo nyamajgt loa kï ngãibe kam Krist Jejut. 20Køsïgon i kï dø Luwaht loj kï Bøwj, mbãkïnõt. Amin.
Lapia kï ða
21I ðan lapia deg kïjaþat lo Luwah tube admïn kam Krist't. Ngankõmg'n în nat sem ðasïn lapia tø. 22Deg kïjaþat lo Luwah tube'n în nat sej ðasïn lapia; kïtai, ngéðakïlaþer lo Sejar ðasïn lapia ho. 23Kï majkurr lo Bïraþe Jeju Krist i nat kï ndilsï. Amin.
BIBLE MBAÏ © 1980 Alliance Biblique du Tchad.