Pil 2
2
Krist søl døn ad Luwah tøia kï dõ
(Oo Rom 12:10 teen 16; 15:1 teen 7; Mat 20:26 teen 28; 2 Kor 8:9; Ep 5:2; Kol 1:15 teen 20; Heb 1:1 teen 4)
1Ða sesï i kokïro Krist't ale? Tar loa ndï søl kamsï ale? I ndï i høn na nooj kï Ndil Luwah ale? Ta õ kamsï kïta na ale? I ndï oon kumtondo lo na ale? 2I titbe tø la kï kadkam losï în dø nyat kïkïðabe. Kï i tarïn na kï tar kïkïðabe, kï kamsï i kïðabe tø. Kï ðob'n non la, a admïn m'ðan ronel døsït, kï ronel kïbobe. 3Ot ðan nya mad kï lo jangt kï na dø tat lo sah lo ndï kïbo, ke lo burot kï ga dø nyat kï pãbe, na în tube i ðan kïgo søl dø lomt, kï dekïðen oo namïn an i kïbo tøin. 4Na kï dekïðen oo go nyag lon kï køsï døn hã kïðabe al, na kï ndah kumïn go nyagt lo deg madg ho. 5Adïn tagahg 'nten i kamsït, ad i tagahg'n i kam Krist Jejut maði; 6i ro Luwah kï jeje kï ndøgdøg, na oo kasïna kï Luwah, i nya kï hø ngangngang al; 7na ørr ta ron balang kø, un ro þer, tel raa kï deg be, ad taan na kï de. 8Go ndigt lon la sølïn døn lom ye, tel ron go tat lo Luwah mbã koi, kïtai 'nten, oi koi kï kagdosït. 9Kïtø 'nten, Luwah tøia kï dõ kï tøi kï tøitøi, ada tø kïbo tøi tøg tube, 10kïtakad kam tø Jejut, goj kï kïðen a øsï ber, lo ngékï dørãt dõ, kï lo ngékïdøningt ne, kï lo ngékïgirrdøningt; 11kï ndõ kïðen tø tant wakïsï an: Jeju Krist i Bïraþe, adïn køsïgon Luwah kï Bøw.
Ngétaata lo Krist în kunj lo døning
(Oo 2 Pie 1:5 teen 11; 1 Pie 2:9; Mat 5:14 teen 16,48)
12Kïtø 'nten ngétar lom, tit'n i telïn ne rosï go tat kïndøgndøgbe ye, kï takummt hã kïðabe al, na kï tøi tajigla'n m'goton rosït ye; i høn ða kïla kajsï kï þool kï rondad, 13kïta Luwah la ndï ða kïla kamsït kad i ðan ne kïgo ndigt lon ye. 14Kï i ðan nyag tube kïkanj nyur ngutngut, kïkanj gakï. 15Kï i ðan titbe kïtakad în ne kïkanj ta døt kï kïjanjoi, kad în ne ngan Luwah kï jeje kïkanj yerr, dan degt kïðug gøli gøli, kï ngéðagootalg. Sumba kad unjïn kudt tit nyag kï ngékadkunj dan degt kï døningt. 16I ndï i lan mber ta kumkajir kïdødt kad m'ngah nya mad kï m'gan buro døt ndø ðe Krist't kad m'gerïn m'ãi ngød kari kï ndang al, m'ørr røkï kari kï ndang al tø. 17A ke neni mosïm i kï kü kø dø kadkari kïlahorr'n kadkam Luwah losï ndï la ad Luwah kaa ne, m'ndï m'ða ronel døt ho, m'ndï m'ða ronel nat sesï tube tø. 18Titbe tø kï i ðan ronel, kï i ðan ronel nat sem tø ho.
Pol la Timote kï Epaprodt
(Oo 1 Tes 3:1 teen 11)
19Na m'ndï m'ndah kammt kam Bïraþe Jejut, kad m'la Timote rosït kanangbe kad, m'oo kahsï kad kamm so'n kï ber. 20Kïtø m'oo de mad kïðang kï hala tit sem ho kï a oo goosï maj titïmbe goto. 21Kïtø deg tube ndahn kumd go nyagt lod kï køsïdød, na tørrïn jid girr tat lo Krist. 22Na i gerïn deg tube man naj kad Timote i de kïro, kïta nána oon. Ða sem kïlaþer kam kïla la mber hoitat kïmaj tit'n ngon a ðan kïla kï bøwïn ye be. 23Îla m'ndah kammt kad m'laa kï rosït kanangbe, lon m'am gerïn nyan ngékõþeg øjïn kad n'ðan sem. 24Mî kïþe kï døm tø, m'ndï m'ndah kammt kad m'tee kusït kam ndøgt kï ngãi al.
(Oo Pil 4:10 teen 18; 1 Kor 16:15 teen 18)
25Na m'oo maj kad m'la Epaprodt kï rosït gog. I ngonkom kï madkïlam, kamla i gõðøø lo Krist, i ngombangkïla losï kï ngeða sem dø nyagt kï ndï ton rom. 26Tit kan ndo koosï tube ndï toa, na kama ud mut kïta koo'n oon hoi mõi'n ðaa nõ. 27Rota mõi ðaa mbã to ta koit, na Luwah oo kumtondo loa, na î kïkïðanbe al, na mî kaa ho, kïtakad kamkil ðam kïdø natnatbe al. 28Kïtø 'nten m'ndï m'lan rom kïnat kï tøi, kad m'laa kïrosït kïtakad lon oona gog a ne, kï i ðan ronel; na mî kaa ne, m'a m'ða kamkil ngãi al ho ta. 29Kïtø 'nten i høna kïrosït kam Bïraþet kï ronel kï ngãi, maj kad oon deg kïtit îgïn non asïn ta køsïgon. 30Kïtø i kïta kïla lo Krist la ton ta koit ye. Ørr ta ron balang kø kïtakad'n ða sem dø nyat kï nalïm, gan gootsï kïta i ndigïn ða sem, na kî la în sãi sem ye.
BIBLE MBAÏ © 1980 Alliance Biblique du Tchad.