Dakør Takïdøt
Takïdøt
Kam maktub dakør degt, i kï dakør ngan Israelg nja ngãi, nya 'nten la ndahn ne tø maktub 'nten: dakør deg ye.
Hoitag'n kï ngah kam maktub 'nten elj nya'n tee dø ngan Israelg lon in ne kam dïlalot kï Sinai. Þain kam døningt'n non. Dakørdeg ðob nina 10 njørra 11, awïn mbã teen døning kunkøt'n Luwah un køn ad'd. Awïn mbã teen dïlalot kï Parã, kï dïlalo kï ko døø lo Kanan. Ta kïdøboit'n kï ngah kam maktub Dakø rdegt ye, nyag'n ðan nya kamt i hoollot kï Moab kad bah Jurrdët, kad þet kï Jeriko (Ðob nina 36 njørra 13).
Maktub Dakørdeg daj log kïdangdang nyag ðan nya tit:
Israel i kam dïlalot kï Sinait 1: 1 teen 10.
Lon ngan Israel þain Sinait awïn mbã teen lot kï Moab (ðob ninat 10: 11 teen 21: 35).
Israelg i kam hoollot kï Moab (ðob nina 22. 2 teen 36: 13).
Ngan Israel ðan go rod kï þutþut, na girr ka deg lo Lebi ðan kïla janyamosï dan ngan Israelgt. Lon ngan Israelg bain mbal Sinait, nyur ngutngut kï ndoor i dandt. Maktub Dakørdeg øj'j kad dïlalo i lo kï nya nág ngãi teen dø ngan Israelgt. Ad gaan kamdt kad'n telïn gog døning Ejipt't, kïta ji ndid i soot ngãi tøi ndïd kam dïlalot. Nyurïn dø Moijt kï Aarõ in hã in kïbog lod. Þoolïn nyag kï a ðe nõdt. Ndigïn kad n'an san'n ndanïn titïn n'sa ne kam døning Ejipt't non (ðob nina 11), na mbetïn kand kam døning Kanaat (ðob nina 14). Ngan Israel þadïn dø køjtaðagt kïmaj lo Luwah kïta nyag'n øj kïtatøa. Kïtø nya 'nten Luwah ad ngan Israelg ndian kam dilalot þal 40. Na ndeg deg tube teen døning Ejipt't ye oin. Kïkïða kudt ke Moij kaa a and kam døning Kanaat al.
Maktub Dakørdeg elj ta dø go ðobt kï titbãi deg kï kij gan koot ngékïkete kad ðan ne kïla (ðob nina 26). Bøwdg a andïn kam døningt'n non al. Ta kï døboit maktub dakørdeg elta dan ðob kï titbãi ngan Israelg a andïn ne kam døning kunkøt. Jojue un koot Moij, na Luwah ada mberkïndahg dø kãi lot kad ngan Israelg kï girr koojg lod.
Tit maktub Teekïtïga kï Lebitik, maktub Dakørdeg elta dø nyat joo kï ndaad tot kïta girrdeg lo Luwah. Mbïna Israelg kï girrdeg kï dangdang. Ngan Israel maj kad ndan rod nat kï girrdeg kï dangdang kam taa nat al. Ke neni Moij taan dekïdë kï nbah kaa ne (ðob nina 12), ke Luwah la kï ngekelta kï mbah tit Balam kad kï njang dø ngan Israelg kaa ne (ðob nina 22. 24), nyag ngãibe'n ndï dan nya kam ndøgt kï þone tit nyag'n ðan nya kaglot lo ngan Israelg maði kam dilalot. Nya 'nten la maktub Dakørdeg maja tot kïtaj þola kïta deg tube'n ndï dan maktub 'nten.
Gaj nmaktub lo Dakørdeg Lon ngan Israelg in kam dïlalot.
Currently Selected:
Dakør Takïdøt: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.