Dakør 8
8
Bai lambag kï kaga
1Bïraþe elta kï Moij an: 2El Aarõ titbe an: Lon i ndah bai lambag dø kagat a ne, i ða ad horrag kïtanãimïta a unjïn nõat. 3Aarõ ða titbe tø, ðago horr lambag kad unjïn kïnõ kagat tit'n Bïraþe ndan mbera Moij. 4Ðan lamba'n non titbe, ðan kï nar ør kï nda mbujmbuj ko girrat mbã kï hutat, i nar ør kï nda mbujmbuj. Moij ða lamba'n non kïgo nyandajt'n Bïraþe øja.
Moij nda Lebiag tadang kïta kïla lo Bïraþe
5Bïraþe elta kï Moij an: 6Ør Lebiag ku Israelagt na i ard. 7A i ða sed titbe kad i ard. I tud man nyàgookø dødt kad i ard, ad ngïsen bî rod tube kï yinga, ad tugon kubg lod kad arïn nyang. 8Gog got a høn bøw mang kïða nat kï kadkari nduj loa kïtaletlet kï løi kï yib, na i hø bøw mang kïðang kadkari kïtø majal kï ða. 9A i ad Lebiag ðen nõ kujkub ndødnat na i kaw ngékawna lo Israelag kïtaagbe kïnat. 10Lon i ad Lebiag ndøtïn kïnõ Bïraþet Israelag a ndan jid do Lebiagt, 11kamla Aarõ a la Lebiag tit kadkari kïbi nõ Bïraþet, ad i kadkari lo Israelag kad ðan kïlaþer lo Bïraþe. 12Kamla Lebiag a ndan jid dø bøw manggt na a lan kïkïða kadkari kïtø majal kï ða na kïmad kadkari kï lahorrt kad i nyakutdø majal lo Lebiag. 13A i ad Lebiag ðàn nõ Aarõt kï ngana na i lad kadkarit kïbi nõ Bïraþet. 14Titbe la a i ørrïn Lebiag ku Israelagt na Lebiag a în lom. 15Lebiag a ðen ðan kïlaþer kam kujkub ndødnat got'nhã i ard na i lad kadkarit kïbi. 16Kïtø admïnd kïtaagbe ku Israelagt, m'tad kïlomt ga'n got nganderrg ku nganderr Israelagt tube, 17kïta ngonderr kïðen ku Israelagt i lom, dø det mbã kïdø dãgt, m'ndad køtkokïða kïtatøm ndø'n m'tølïn nganderrg døning Ejipt't 18na m'oi Lebiag m'gan goot ngander Israelag tube. 19M'ad Lebiag tube Aarõ kï ngana kadkarit ku Israelagt, kad ðan kïlaþer lo Israelag kam kujkub ndødnat, kïtakad lan kadkari kudt kïtø majal Israelag kad yokoosï nuj Israelag al, lon ndøtïn kï lot kïjaþat. 20Moij kï Aarõ kï ngékawna lo Israel tube ðan kï Lebiag nyag tube'n Bïraþe nda mbera Moij kad ðan kï Lebiag na Israelag ðan sed titbe ho. 21Lebiag arïn rod, tugon kubg lod na Aarõ lad tit kï kadkari kïbi nõ Bïraþet, la kadkari kutdømajal lod kad ardïn. 22Gog got Lebiag ðen, ðan kïlaþer kam kujkub ndødnat nõ Aarõt kï ngana kïgo tat'n Bïraþe nda mbera Moij øjïn dø Lebiag. Ðan sed titbe tø.
23Bïraþe elta kï Moij an: 24'Nten la i gáj lo Lebiag ye. Tube'n þald i døjoo gidaimi ke kïtai 'nten, Lebia kïðen a and kam kïlaþerrt kam kujkub ndødnat. 25Na go balt kïdømi a ne, a ørrïn rod kam kïlaþerrt na a tel ðan gog al ta. 26A ðan kï ngankõd kam kujkub ndødnat koon kad oon go nyag'n lan jidt na a ðan kïlaþer gog al ta. Titbe la i ðan kï Lebiag dø kïlaþert lod.
Currently Selected:
Dakør 8: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
