Dakør 5
5
Ta kï dø nyaða kïgootal
1Bïraþe elta kï Moij an: 2I ndamber Israelag kad tuþan ngébanjg tube kam londït kï dekïðen aw kï dó in þa þi, kï dekïðen'n tel kïyerr kïta nin 3Dekïdïngã ke dekïdë, a i teen sia, i teen sia kïtïga gid lot kïtakad yerrïn kï londïm al. 4Israelag ðan titbe, ørrïnd kø gid londït tit'n Bïraþe ndan mbera Moij, Israelag ðan titbe.
Mberkïnda kïta sah go nyàgo kø dø ða majalt
5Bïraþe elta kï Moij an: 6El Israelag an: Lon dekïdïngã ke dekïdë ða kïkïða ku majalgt'n deg a ðan ndoorïn ne Bïraþe a ne, na ta høa, 7a tøøn tad dø majalt lod'n ðan, na de'n ða majal kï de mad a ba nya'n non kïtaagbe kï gáj kïða ku kïmit ad de'n ða sia majal. 8Îla ngekõnduba goto kad ta nyaba majal'n non a ne, a adïn nyaba majal Bïraþe kad i lo ngejanyamosï nat kï bal bat kutdø majal'n a utïn ne dø majal lo de'n non.
9Kadkari kïðen kam nyagt tube'n Israelag ndan køtkokïða a i kïta ngejanyamosï'n a ðen ne roat, 10Nyag kïndah køtkokïða a în loa na nya'n dekïðen ad a i loa tø,
Mberkïnda dø niit kïða
11Bïraþe elta kï Moij an: 12El Israelag an: Îla dekïdë mad to ðob lon, na ða majal ndoorïn ngawïn. 13Îla de mad to sia gid tilt kanj kad ngawa ger, na tel kïyerr loyarot ad ngemanaj døt goto kïta høa dø ðat al, 14îla ndil ða jang ðe dø ngawat ad ða jàng kï në in yerr kï ron, ke ndil ða jàng ða de na ða jàng kï nen'n yerr kï ron al, 15de'n non a ðe kï nën ro ngejanya mosït, na a ðe kï kadkari kïtaa, ad i epa nduj nyako ørj gáj kïða ku kï kïlaht, a ü yib kï nõkag kïkootmbî døt al kïta i kadkari ða jàng, kadkari nduj gakamdøt kad gan dø ðagootalt. 16Ngejanyamosï a ad dekïdë ndøt nderrbe kad ða dõ nõ Bïraþet. 17Ngejanyamosï a un man kïjaþat kam joningt, a øi buning kï kam kujkub londït ü kam mant. 18Ngejanyamosï a ad dekïdë ða dõ nõ Bïraþet, a tut bisïdø dekïdë kamla la kadkari nduj gakamdøt jiat, ad i kadkari nduj kïta ða jàng, ngejanyamosï a hø man kïkatbang kï ngeðe kï ndøl jint, 19Kamla ngejanyamosï a ad dekïdë nda yo na a ela an: Îla dekïdïngã mad tø sei al lon i girr tøgt lo ngawi þaitø ad i yerr kï roi al a ne, man kïkatbang 'nten a ðe kï ndøl døit al. 20Na îla i tø ðob loi lon i girr tøgt lo ngawi þaitø ad i yerr kï roi na dekïdïngã mad kï i ngawi al tø sei a ne, 21ngejanyamosï a ad dekïdë nda yo kï ndøl, na a el dekïdë an: Bïraþe a teli nya kïndølt kï yokïnda ku degt loi lon Bïraþe ad bingi oi njururu na kami sir. 22Ad man ngeðe kï ndøl and kam tîit kad kami sir na bingi oi njururu. Na dekïdë a tur an: Ã i titbe. 23Ngejanyamosï a ndang ta ndøl'n teen maktubt mad kamla a tugo kï man kïkatbang nõ, 24a ad dekïdë ãi man kïkatbang'n a ðe kï ndøl, na man'n non kï ngeðe kï ndøl a and kam dekïdët ad roa ata kãrïr. 25Ngejanyamosï a taa kadkari nduj kïta ða jang ji dekïdët? A bi kadkari nduj'n non kïnõ Bïraþet, na ndah kadkari'n non dø dingïrt. 26Ngejanyamosï a ød kadkari nduj ðoosï jin kad i gaj nyagakamdøt, na a ü horro dø dïngïrt. Got'n hã ða titbe a ad dekïdë ãin, man'n non. 27Lon ada man ãi oi ye, îla rota yerr kï ron na ða majal ndoorïn ngawïn a ne, man kï ngeðe kï ndol a and kamat ad roa ata kãrïr, kama a sir, binga a oi njururu, na dekïdë'n non a i nya kïndøl ku degt lon. 28Na îla dekïdë i kïyerr al, na i kïnjanjoi a ne, a ørrïn ta døat, na a ooj ngan'g.
29'Nten la i mberkïndah dø ða jàngt lon dekïdë mad in ndï girr tøgt lo ngawïn tø ðob lon na yerr kï ron, 30îla ndil ða jang ðe dø dekïdïngãt ad ða jang kï nën. A ad nën ða dõ nõ Bïraþet na ngejanyamosï a ða sia kïgo mberkïnda'n non kïtaagbe. 31Ta a gotoo dø ngawat kïtø majal na dekïdë a to ðagootal lon dønt.
Currently Selected:
Dakør 5: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
