Dakør 23
23
1Balam el Balak an: I ða dïngïr tanãimïta nëbe adïm, i ðago bøw mangg tanãimïta kï bal batg tanãimïta adïm ho. 2Balak ða nya'n Balam el Balak kï Balam lan kadkari bøw mang kïða kï bal bat kïða dø dingïrt kïðen. 3Balam el Balak an: I ða ta kadkarit loi kïlahorrt, na mî m'a m'aw kete maja Bïraþe a ðe ndødïm, na m'a m'eli nya'n þet a tee dø adïm. Aw dø doorlot mad kï døa todïla. 4Luwah ndød Balam na Balam ela an: M'ða dïngïr tanãimïta na m'la kadkari bøw mang kïða kï bal bat kïða dø dingïrt kïðen. 5Bïraþe nda ta ta Balamt el an: I tel kï ro Balakt, a el titbe. 6Balam tel kï ro Balakt na oo Balak ða ta kadkarit lon kïlahorrt, î kï mbaiþeg lo Moab tube, 7Kamla Balam elta lon kï terrta an:
Balak ðe sem ko døning Aramt,
Ngar kï Moab ðe sem
ko dø mbalbogt kï loþakàdt.
Elïm an: I ðe i ndøl Jakob,
I ðe i la ta dø Israelt.
8Titbãi hã m'a m'ndøl de'n Luwah ndøla al a?
Titbãi m'a m'la ta dø det'n Bïraþe la ta døat al a?
9Ã, ko tasom mbalbot m'ooa,
Ko dø doorlot tø m'nøla,
În deg kï londïd i tadang,
A tïdand ku ndeg girrdegt al.
10Nõ asï tïda buning lo Jakob a?
Nõ asï da kør gaj Israel kïða ku kïsøøt a?
Kï m'oi koi de kïdenesew,
Kï døboim tit na kï døboia.
11Balak el Balam an: I ða sem ði a? M'kuni kad i ndøl madngétamg na oo, i ða i njang død. 12Balam tura an: Sumba kad m'oo go ta'n Bïraþe nda tamt kï m'el ale?
Balam njang dø Israel þaitø
13Balak ela an: I ðe nat sem kam lot mad'n i asï kood tit. A oo nusïd na i asï kood tube al. Lot'n non la a i ndøldt adïm ye. 14Ørr Balam aw sia kam ndøøt lo Sopim tasom mbalbo Pisga, ða dïngïr tanãimïta, na la kadkari bøw mang kïða kï bal bat kïða dø dingïrt kïðen. 15Balam el Balak an: I ða ta kadkarit loi kïlahorrt ne na m'a m'aw kete m'ndød Bïraþe. 16Bïraþe ðe ndød Balam nda ta taat el an: I tel kï ro Balakt, a el titbe. 17Balam tel kï ro Balakt na oo Balak ða kad kadkarit lon kïlahorrt nat kï mbaiþeg lo Moab. Balak ndïjea an: Ta ði Bïraþe el a? 18Balam elta lon kï terrta an: Balak, i þai dõ oo dø. Ngon Sipor, i nel mbii kï romt. 19Luwah i de hã a eltakïbal al. I ngon de hã a mbel køn al tø. Nya'n eltaa, a ða ale? Nya'n la mbera a tøl kõna ale? 20Oo, Luwah ndam mber kad m'njang dø, Lon njang dø de a ne, m'asï kørr kø al bat. 21M'oo majal'n a ða Jakob al, m'oo darondø mad kam Israelt al. Bïraþe Luwah loa i nat sia, yel tetðøø lo ngar i kudt. 22Luwah tee sed kø Ejipt't, tøgd i tit tøg gaj døg be, 23yo mad kï asï ndoor Jakob goto Ndõtee mad kï asï ndoor Israel gotø ho. Lon kaglo asï a ne, a el Jakob kï Israel an: I nya'n Luwah ða. 24Oo, Israel þai tit kõ tubo, Ndaj ron kïdõ tit bøw tubo. A to ber al mbã kad sanyahøn Na ãi mosï nya'n tøla. 25Balak el Balam an: Îla i ndøld, al a ne, i njang død al bat tø ho. 26Balam tur Balak an: M'eli ale? M'a m'ða nya kïðen'n Bïraþe a el.
Balam njang dø Israel kïkõmïta
27Balak el Balam an: I ðe tajigla, m'a m'øri m'aw sei lot mad kïðang, maj a ne, Luwah kad i ndøld nu adïm. 28Balak ørr Balam aw sia tasom mbal Peort'n sumba nõ dïlalo. 29Balam el Balak an: I ða dïngïr tanãimïta nëbe adïm, na i ðago bøw mangg tanãimïta kï bal batg tanãimïta adïm ho. 30Balak ða nya'n Balam el na la kadkari bøw mang kïða kï bal bat kïða dø dingïrt kïðen.
Currently Selected:
Dakør 23: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
