Dakør 14
14
Israelag mbetïn kand Kanaa
1Ngékawna tube unïn ndid kïdõ kon ne, na deg nõn na mbã lotid. 2Israelag tube nyurïn ta dø Moijt kï Aarõ, na ngékawnatube elïnd anan: Ni kad j'oi kam døning Ejipt't a ke kad j'oi kam dïlalot'n ðan. 3Kïtøði Bïraþe ndï aw sej kam døningt'n ðan kad kï son ta nyakat't ad nëjg kï nganjg telïn nyatetðøø a? Soot kad kï telïn kï Ejipt't gog ale? 4Na elïn na ta kudt anan: Ad kï ndan kïbo mad døjt kad kï telïn Ejipt't gog. 5Moij kï Aarõ son ber kï takumd kïnõ koosïgt ngékawnatube lo Israel. 6Jojue ngon Nun kï Kaleb ngon Jepune'n în ku ngéndalogt'n ndan mãi døning'n non tilïn kubg lod, 7elïn ngékawna lo Israel tube anan: Døning'n kï nda mãia i døning kïmaj ngãi kïtai. 8Îla ro Bïraþe nela sej a ne, a aw sej kam døningt'n non, i døning'n mbà kï tej nunt. 9Nya kïðabe, ot kad i taanðøø Bïraþe, ot þoolïn deg kï døningt'n non kïta a în nyasaj. Nya kï ngengomd goto, i tit ndil kï tøi kø be, na Bïraþe i nat sej, ot þoolïnd.
10Ngékawna tube øjïn na kad kï n'tïland kï mbal na kunj Bïraþe kïðangereng tee kïdø kujkub ndødnat kï Luwah nõ Israelagt tube. Bïraþe þawong kï Israel 11Bïraþe el Moij an: Mbã ndø bãi deg'n ðan a nyan ta kïdïm a? Mbã ndø kï ði a admïn kamd al dø nyakøjgt tube kï m'ða kudt a? 12M'a m'ndad kï yokoosï, m'a m'nujd, na m'a m'teli girrdeg kïbo kï kïtag tøid. 13Na Moij el Bïraþe an: I ða titbe a ne, Ejiptiag a oon hoia, kïta i kïtakul tøgi la i teen kï deg'n ðan kudt, 14na a elïn ngendï døningt'n ðan, gerïn ta kad î Bïraþe'n dan degt'n ðan îgïn i ad'd ooin kum kï kum Bïraþe, ad kilndii loi ða dødt dõ, na i ndia nõdt kada kam pilie kilndiiiit kï kondø kam pilie horrt. 15Îla i tøl deg'n ðan tit kï de kïkïðabe a ne, girrdeg'n oon tøko loi ye a elïn anan: 16Bïraþe aw kï tøg kad and kï deg'n ðan kam døningt'n unïn køn kï n'ad'd al, I kïta 'nten la tøldïn kø kam dïlalot, 17Tajigla m'ndï m'kø'i kï ad tøg Bïraþe i kïbobe tit'n i elïn an: 18Bïraþe i ngendï badø wongt, kamkë loa i ngãibe, ndï nyàgo nyaða kïgootal kï tøidøta kø, A ørr ta dø det kï ta høa al bat, na ad køjkum kïta nyaða kïgootal lo bøwg so dø ngan'gt mbã kïdø ngakat kïkõmïta kï kïkõsøø. 19M'ndï m'køi nyàgo ðagootal lo deg'n ðan kø kïgo kamkët loi kïbobe tit'n i nyàgo majal lod Ejipt't nu mbã tajigla,
Nyagokø kï takïgang
20Bïraþe tur an: M'nyàgo majal lod kø kïgo køt loi, 21Rota, dø ndïmt kï dø dõ, tit'n døning kïtaagbe a ðoosïn kï kunj Bïraþe kïðangereng 22deg tube kï oon kunjïm kïðangereng kï nyakøjg'n m'ðad kam Ejipt't kï kïkam dïlalot, deg'n námïn asï nja kïlah, na oon dø ta lom al, 23îg'n non tube a oon døning'n m'unïn køm kï yokïnda m'ad bøwdg al, tube'n kïdmïn a oon al bat. 24Na þer lom Kaleb aw kï ndil mad kïðang kamïnt, tel ron go tat lom kï kam kïro ye, m'a m'ada and kam døning'n awt kete nõ kad ngankaa taan døning'n non nyakagþet. 25Amalekag kï Kananiag ndïn kam hoollogt, Loti i telïn gog, awïn kam dïlalot kï ðob kï kaw bahbot kïkïre. 26Bïraþe elta kï Moij kï Aarõ an:
27Mbã ndø bãi m'a m'ndï døt kï ngékawna kïmajal'n nyurïn ta dømt a? M'oo dø nyur ngutngut lo Israelag'n nyurïn kïdømt, 28Eld an: Rota, ndø ndimt kï dø dõ, kel Bïraþe, m'a m'ða sesï tit kï i elïn ne ta mbimt. 29Ninsï a tuso kam dïlalot'n ðan, în tube'n dan kørsï lon tïdasïn, na lan girra dø degt kï þal døjoo kï kïtai, îgïn nyurïn ta dømt, 30A andïn kam døning'n m'unïn køm kï yokïnda kad i ndïnt nõ al bat, na Kaleb ngon Jepune kï Jojue ngon Nun koon, 31Na ngansïg'n elïn anan: a în nyatetðøø la, m'a m'ad'd andïn kad gerïn døning'n i mbetïna. 32Na în taa, ninsï a tuso kam dïlalot'n ðan 33na ngansïg a în ngékulnya þal døsøø kam dïlalot, ðagootal losï taa a i dødt mbã kad ninsï tube tuj kam dïlalot. 34Tit'n i ndan ne mãi døning ndø døsøø ye, titbe tø a i ton ðagootal losï þal døsøø ho. Þal kïða kïta ndø kïða, kamla a i gerïn kad m'nyàsï kø. 35Mî Bïraþe m'elta, titbe la m'a m'ðan kï ngékawna kïmajal'n ðan îgïn kawïn na ndoormïm. A nujïn kø kam dïlalot, nu la a oint ye, 36Deg'n Moij lad kad ndan mãi døning ye, go teldt adïn ngékawnatube nyurïn kïdøat lon elïn ne ta kï majal dø døningt. 37Deg'n elïn ta kïmajal dø døningt nõ oin koi yokoosï nõ Bïraþet. 38Jojue ngon Nun kï Kaleb ngon Jepune koon la nãin kïdød dõ, ku degt'n awïn kïta nda mãi døning ye,
Tetïn ðøø Israel þet kï Horma
39Moij el Israelag ta nyag 'nten ad deg ndïngan rod ngãi, be, 40Þãi dõ kïsî ritit, alïn tasom mbalbot, anan: Oojïn nëbe, j'a j'aw kam lot'n Bïraþe eltaa, kïta jî, kï ða majal. 41Na Moij el an: Kïtøði i tøin ne dø ta lo Bïraþe a? Køjta losï, maj a urra al. 42Ot kawïn, na þeta i son ji madngétasïgt kïta Bïraþe i kusït al. 43Amalekag kï Kananiag în nõsït nõ, na a i son ta nyakat't kïta i nyan Bïraþe kø ad Bïraþe i nat sesï al,
44Ðan døngang, alïn tasom mbalbot, na ke sund kunkø lo Bïraþe, ke Moij þai londït al. 45Kamla Amalekag kï Kananiag, ngendï mbalbot'n non, ðisïn, ðøønd, na tuþand mbã Horma.
Currently Selected:
Dakør 14: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
