Mat 17
17
Ro Jeju tel kïðang, ta kuma mbel
(Oo Mrk 9:2 teen 13; Luk 9:28 teen 36; 2 Pie 1:16 teen 18)
1Go ndøt kïkïbojidet, Jeju un Pierr, Jak kï Jã ngonkõa, na tø ron, aw sed dø mbalt mad kï ngal puwuw. 2Roa tel kïðang nõdt, takuma øsï tit kàd be, kubg loa telïn kïnda ngung tit kunj be. 3Na oon, Moij kï Eli teen høi kï rodt, ða dan na ta kï Jeju. 4Pierr un tan elïn Jeju an: Bïraþe, maj kad kï ndïn nëbe, îla i gee a ne, m'a m'ða kujkám mïta labe: Kïða i loi, kïða i lo Moij, kïða i lo Eli.
5Lon ða elta þaitø a ne, oon kilndii mad kïkunj ðe ut død kï ndilïn, na oon ndi ta mad tee kokam kilndiiit'n non an: În ðan i Ngonïm kï Ngetar lom, î la rom nelïm sia ad m'køta ye. Oon dø ta loa.
6Lon oon dø ndita'n non ye, ngéndoog son ber kï takumd, þool tøld søkïrr. 7Jeju ndøt kï rodt ød'd na an: I þain dõ, ot þoolïn.
8Lon unïn kumd kï dõ a ne, oon de mad al, na Jeju kïðabe tã. 9Lon ndï ðïsïn dø mbalt kï ber ye, Jeju ndad mber 'nten an: Ot kelïn ta mad dø nyat'n ad oon nõ; mbã kad Ngon de þai ku ngékoit kamtã.
Ngéndoog ndïjen ta Jeju dø Elit
(Oo Mrk 9:11 teen 13)
10Na ngéndoog ndïjena ta anan: Kïtøði ngéndang maktubg elïn anan: Sumba kad Eli ðe kete kamtã a?
11Jeju tur an: Rota Eli a ðe, na a ndah nyag tube gog lo ndïdt; 12na m'ndï m'elsï kï ndim dõ, Eli ðe woi, neni a gerïna, na gerïna al, na ðan sia nyag kï kamd gee. Ngon de a ngah kõ jidt titbe ho.
13Kamla ngéndoog gerïn ta kad ndï eld ta lo Jã kï ngeða baptem ye.
Jeju yoot ngemõi kil
(Oo Mrk 9:14 teen 32; Luk 9:37 teen 45)
14Lon ðen ro koosïgt ye, de mad ðe øsï gojïn ber nõ Jejut, an: 15Bïraþe, oo kumtondo lo ngonïm kïta kil a ndøra, ad ngah kõ ngãi, ndï so kï nja nat nat be kam horrt a ke kam mant. 16M'ðe sia ro ngéndoogt loi, na asïn yoota al.
17Jeju tur an: Ngakaa kï kamsï kongkong, ngéðanya goot al, m'a m'ndï nat sesï mbã kaglo bãi a? M'a m'ndï døt sesï mbã kaglo bãi tø a? I ðen sia romt so.
18Jeju ndáng ndil kïyerr ad tee kø kam ngont, na ngon yoot kagloat nõ. 19Kamla ngéndoog lo Jeju ðen roat, na elïn anan: Na jî ye, kïtøði j'asïn køra kø al a?
20Jeju eld an: Kïtø kadkam losï kï tëbe. Rota la m'ndï m'elsï kï ndim dõ ten, îla i ndïn kï kadkam kï asï kï kum mutard a ne, a elïn mbalbo'n ðan anan: I ndøt nëbe kø, aw nu, a ne, a ørr ða nu. Nya mad kï a dumsï goto. 21Na ndil kï tit'n non a tee kø kïtakul ta kï kel Luwah ho, kïtakul køgro nyasa ho tø.
Jeju tel el deg ta koin kï þain lo koit gog tø
(Oo Mrk 9:30 teen 32; Luk 9:43 teen 45)
22Lon ndïn døning Galilet þaitø ye, Jeju eld an: A lan Ngon de ji degt; 23a tølïna, na kõ ndøt kïmïta a þãi lo koit.
Ta 'nten ad ngéndoog kamkil kïdumbit.
Jeju kï Pierr ban lambo kï nar kï ngahn kam kanjt
(Oo Mrk 12:13 teen 17)
24Lon ðe teen Kapernawmt ye, ngétaa nar lambo lo kuj ndub Luwah ðen ro Pierrt, elïna anan: Ngendoosï a ba nar lambo lo kuj ndub Luwah ale?
25Pierr tur an: Ãã a ba. Lon Pierr ud kuju ye, Jeju laa kï ta dõ an: Tagahsï i ði Simõ? Ngarg kï døningt ndï tirrïn dø nya lo nõg a, ndï taan lambo ji nõgt a? Ndï taan ji ngan ngéþegt e? Ke ji mbahgt?
26Pierr tur an: Ndï taan ji mbahgt. Jeju tura an: Ye, ngan kïþeg taa a þan al ma.
27Na kad kï tuj kam deg'n non al; aw bahbot, i la kui. Kanj kï dasa'n a un kui hã a i høa nõ, i tee ta'a, a i ngah nar, kï asï ba lambo kuj ndub Luwah kïta deg joo. Un ad'd kïtam, na kïtai ho.
BIBLE MBAÏ © 1980 Alliance Biblique du Tchad.