Leb 22
22
Ngejanyamosï în kïjaþat
1Bïraþe el Moij an: 2Elta kï Aarõ kï ngana kad oon go rod maj dø nyagt kïjaþat'n Israelag ndan køtkokïða admïn kïtakad yerrïn kï tøm kï kunjðang al, Mî Bïraþe.
3Eld an: Dekïðen ku ngan kasïgt kï girrkooj losï'n ndøt nderrbe kï ro nyagt kïjaþat'n Israelag ndan køtkokïða adïn Bïraþe, na de'n non i kï kar al a ne, a tølïna kø nomt. Mî Bïraþe.
4Dekïðen kï girrkooj Aarõ'n banj i roat, ke roa ãi þi a sanyag kïjaþat al mbã kad arïn na kamtã. Titbe tø de'n ød nya mad, tel kïyerr kïta nin, ke ød de kïdïngã'n man roa tee, 5ke în ød nyakørrkødber kï asï tela kïyerrt, ke ød de mad kï asï tela kïyerrt, ke nya kïyerr kï ði kï ro det'n non, 6de'n ød nyag kï titbe nõ a i kïyerr mbã lokïsøle. A sanyag kïjaþat al, na a ndog man kamtã. 7Lon kád ud woi a ne, a i kïkarnyang, kamla a sanyag kïjaþat ye, kïta i nyasa loa. 8A sa dã kï koi, ke dã'n dã mad høa tørra huthut al, na þeta tel kïyerr kïtakula. Mî Bïraþe.
9Ad ngomïn go mberkïndag lom, na þeta ta majal i dødt ad oin, kïta yerrïn kï nyag kïjaþat, Mî Bïraþe ngendad tadang, 10Mbah a sa nyasa kïjaþat al. De'n ndï ro ngejanyamosït, ke ngeðakïla nar a san nya kïjaþat al, 11na îla ngejanyamosï ndugo de mad kï nar lon, de'non a sa nyasa loa tit de'n oojïna kam kujt loa. A sa nyasa loa tø ho. 12Îla ngon ngejanyamosï kïdë taa de kïðang a ne, a sa kadkarig kïjaþat al, 13na ngon ngejanyamosï kïdë'n i ngengawkoi, ke ngawa tuþaa kø, na i kïkanj ngon, tel ndï ro bøwïnt tit kï kaglo þa mandat be ye, a sanya lo bøwïn na mbah mad a sa al bat. 14Îla de mad sa nyasa kïjaþat kïkanj ger go a ne, a ba ngejanyamosï nyasa kïjaþat nõ, na a la gaj kïða ku kïmit døt. 15Ngejanyamosï a yerrïn kï nyag kïjaþat lo Israelag'n adïn Bïraþe al. 16Îla san nyag lod kïjaþat a ne, a øin majal kïdødt, a ton ðagootal lod kïta mî Bïraþe ngendad tadang.
Mberkïnda dø nyakult kï la kadkari kad Luwah
17Bïraþe el Moij an: 18El Aarõ kï ngana kï Israelag tube an: Dekïðen kïþe lo Israel ke mbah kïðen kï ndï kam døning Israelt'n ad Bïraþe kadkari lon kïlahorrt ke kadkari tølkon kunkø kï yokïnda, ke kadkari kamndig a ne, 19sumba kad adïn nyakul kï bøw kïkanj nya mad ðaa, mang ke bat ke binya, 20Ot lan dã kï nya mad ðaa kïta Bïraþe a taa al. 21Lon de mad a la kadkari kï kad kamsøllom ad Bïraþe, ke dã kïbo ke kïdu, kad tølkon kunkø kï yokïnda, ke kadkari kamndig kïtakad i nya kï taa ne, kari na a i kïkasïnatap, a i kïkanj nya mad ðaa. 22Ot lan dã mad kï kuma tøø, ke ngah dò, ke þi ãi roat, ke ngorwoi, ke got dò i roat, A i lan dã kï titbe kadkari kïlahorrt dø dïngïrt adïn Bïraþe al. 23Asï la kadkari kamndig bøw mang ke bat'n ngon roa mad ngal tøi kïmad, ke gøj tøi kïmad, na a i nya kï ta kïta kadkari tølkon kunkø kï yokïnda al. 24A i lan kadkari adïn Bïraþe dã kï kørr ndoma tø, ke nda mbukïmbukï, ke kï ja ke kï gang kø al. 25A i taan dãg kï titbe ji mbaht mad kad i nyasa lo Luwah losï al, kïta nya mad ðad ad ngahn dò, a i nya kï ta kïtatøsï al.
26Bïraþe el Moij an: 27Ngon mang ke ngon bat ke ngon binya, lon kõa ooja a ne, a ða girr kõnt ndø tanãimïta, na dø ndøt kïkõjijoo asï taa kïta kadkari kïlahorrt kad Bïraþe. 28Kõ mang ke kõ bat, a i jan køa nat kï ngona kam ndøt kïkïðaþe al. 29Lon a i lan kadkari kï kad kamsøllom adïn Bïraþe a ne, i ðan kïgoðobat kad i kï taa. 30Kadkari a i kï sa ndøt'n non, ot nyan nya mad mbã loti døt. Mî Bïraþe.
31A i ngomïn go mberkïndag lom kad i hø ðan got. Mî Bïraþe.
32Ot kidïn tø kïkunjðang, na øgïn kad mî Luwah kï jeje ku Israelgt. Mî Bïraþe ngendasï tadang 33în hã, tee sesï kam døning Ejipt't kïtïga kad mî Luwah losï. Mî la mî Bïraþe ye.
Currently Selected:
Leb 22: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
