Joj 3
3
Israelag gangïn bah Jurrdë
1Jojue þai kïsî ritit Sitimt nat kï Israelag tube. Aw teen ta bah Jurrdë, þin tit nõbe kamla gangïn bah. 2Go ndøt kïmïta bïradøg ndian kam lo hølondït, 3ndan mber deg anan: Lon oon sund kunkø lo Bïraþe Luwah losï'n in Lebiag ngéjanyamosï ton a ne, i þain lo hølondït losï, a i ndulon goat na ndødsï a asï kilometïr kïða. 4Titbe la i gerïn ne ðob'n kïmaj kad unïn ye, kïta i ðob'n i tøint kete al. Ot ndøtïn nderrbe kï kad sund kunkøt. Na ndødsï a asï metïr dub kïða, a øjsï ðob'n sumba kad i unïn kïta i tøin kï ðob'n non nja kïða al þaitø. 5Jojue el deg an: I jan rosï þat kïta loti Bïraþe a ða nyag kïyaya kusït. 6Kamla Jojue el ngéjanyamosï an: Unïn sund kunkø, i tøin ne nõ degt. Unïn sund kunkø ndian ne nõ degt. 7Bïraþe el Jojue an: Þone m'a m'mbagirr tøii kïdõ takum koosï degt'n ðan tube kïtakad gerïn mî nat sei tit'n mîn nat kï Moij ye be. 8A i ndamber ngejanyamosï ngéto sund kunkø an: Lon i teen ta bah Jurrdët a ne, i dïban kam bah Jurrdët. 9Kamla Jojue el Israelag an: I ndøtïn kïne oon dø tag lo Bïraþe Luwah losï. 10Jojue el an: 'Nten i kïtakad i gerïn ne Luwah Ngekumkajir i kusït kad tuþa Kananag kï Hetiag kï Hebiag kï Perejiag kï Girgasiag kï Amoriag kï Jebusiag nõsït kø. 11Oon, sund lo Bïraþe, Ngedøning kïtaagbe, a tøi kam bah Jurrdët nõsït. 12Tajigla i køt deg kïlah gidaijoo ku girr Israelagt, de kïða ku girrkooj kïðen. 13Lon danja ngéjanyamosï ngéto sund kunkø lo Bïraþe Luwah Ngedøning kïtaagbe a ød man Jurrdët, man Jurrdë a gang dene joo, mang ndï ðisï ko dø doorlot kïdõ a kawïna lo kïða. 14Titbe lon deg teen kam kujkubgt lod kïta gang bah Jurrdë, na ngéjanyamosï ngéto sund kunkø i nõ degt, 15na lon ngéto sund kunkø teen ta bah Jurrdët, na nja ngéjanyamosï ød man; kïta bah Jurrdë õ holongholong kaglo ja nyako ørjt, 16man'n ðisï ko dõ duba lo kïðabe, kaw kïnant ko sãi nderrbe kï þebot kï tøa i Adam kï kad þe Sartant. Na man kïkete nü kï bahbot kï dïlambot, ad i bahbokat. Man gang kïtaagbe ad deg gangïn bah sumba þebo Jeriko sew. 17Ngéjanyamosï ngéto sund kunkø lo Bïraþe duba ðan døningt kï tut, ngawden Jurrdët na Israelag tube tøin døningt kïtut mbã girrdeg'n ðan kïtaagbe gangïn bah Jurrdë.
BIBLE MBAÏ © 1980 Alliance Biblique du Tchad.