Joj 22
22
Rubeniag, Gadiag kï nusï girr Manase telïn kï døning lod
1Kamla Jojue kun Rubeniag kï Gadiag kï nusï girr Manase, eld an: 2I ngomïn go nya kïðen'n Moij kï þerkïla lo Bïraþe ndasï mbera, na oon dø ndim kam tagt tube'n m'elsï. 3Ndøg ngãibe mbã þone kaa i nyan go ngankõsïg al, i ngomïn go ta mberkïnda lo Bïraþe Luwah losï. 4Tajigla Bïraþe Luwah losï ad ngankõsï taan kò tit'n eldïn, kïta 'nten i tel awïn kam kujkubgt losï kam døning nyandubat losï'n Moij kï þerkïla lo Bïraþe adsï gid bah Jurrdët nu.
5Oon go rosï maj kad i ngomïn go mberkïndag kï tagkïgang'n Moij kï ber lo Bïraþe elsï. I tarïn Bïraþe Luwah losï, i ndian kam ðobgt loa tube, i ngomïn go mberkïndag loa, i tïnyan na sia, i ðan þer loa kï ngarkamsï tube kï rosï tube. 6Jojue njang død, nyand ad telïn ne kï kujkubgt lod. 7Moij ad nusï girr Manase nyanduba kam døning Basant, na Jojue ad nusïd kïmad nyanduba nat kï ngankõdg gid bah Jurrdë ko lokudkàdt. Lon Jojue nyand ad telïn kï kujkubgt lod ye, njang død 8na eld an: I telïn kï kujkubgt losï nat kï nyamajg kïngãi, kï þut nyakulg kïngãi, kï nar arjã, kï nar ør, kï ningakasï, kï hand kï kubg ngãibe. I kegïn nyatetðøø lo madngétasïg ku ngankõsïgt.
9Titbe Rubeniag kï Gadiag kï nusï girr Manase nyan Israelag Silo kam døning Kanaa, telïn kï døning Galaadt in i døning nyanduba lod, lo'n ndïnt tit'n Bïraþe ndan mbera Moij.
Dïngïr kï ðan kad bah Jurrdët
10Lon teen døningt kï kad bah Jurrdët kïkam døning Kanaat, Rubeniag kï Gadiag kï nusï girr Manase ðan dïngïr kad bah Jurrdët, i dïngïr kïbo ngãi. 11Oon deg elïn Israel madg anan: Rubeniag kï Gadiag kï nusï girr Manase ðan dïngïr mad ta ðobnin døning Kanaa kam døningt kï kad bah Jurrdët'n i lo Israelag. 12Lon Israelag oon hoita 'nten ye, ngékawna lo Israelag tube kawïn na kï nat Silo kad ron sed. 13Israelag lan Pinëas kï ngon Eleajar ngejanyamosï kïro Rubeniagt kï Gadiag kï nusï girr Manase kam døning Galaadt. 14Bïrabøwg kïlah awïn nat sia, bïrabøw kïða kïta girrkooj kïðen lo Israel, dekïðen kudt i bïrabøw ku girrnoojt lo. Israel. 15Teen ro Rubeniagt kï Gadiag kï nusï girr Manase kam døning Galaadt, elïnd anan: 16Ngekawna lo Bïraþe tube elïn titbe anan: Ðagootal 'nten kï ðan kï Luwah lo Israel, girra i ða a? Kïtøði i nyan Bïraþe, na i ðan dïngïr kad i taan ne ðøø Bïraþe þone a? 17Majal'n kï ða Peort ye, j'oo kad i nya kï tëbe takumjt a? Nya'n j'ar roj døt al mbã þone in ðe kï yokoosï dø ngékawnat lo Bïraþe. 18Na i nyan ta ndulo go Bïraþe þone a? Îla i taan ðøø Bïraþe þone a ne, loti a þawong kï ngékawna lo Israel tube. 19Îla døning nyanduba losï i kïyerr a ne, i tøi, awïn kam døning nyakagþet lo Bïraþe, lot'n kujkub ndødna kï Bïraþe ðat, na i taan nyanduba kujt. Ot taan ðøø Bïraþe, ot gangïn na sej kïlo ða dïngïrt kïkøsï døsï kad dïngïrt lo Bïraþe Luwah loj. 20Akã ngon Nerah ðagootal dø nyat kï ndøl i døt ad wong lo Bïraþe ðen dø ngékawnat lo Israel kïtaagbe ale? Na de'n non nuj kïkïðanbe kïta ðagootal lon al.
21Rubeniag kï Gadiag kï nusï girr Manase turïn bïrabøwg kï dub dø girrkoojt kï dubg lo Israel anan: 22Ngéndï dø nyagt tube, Luwah kï Bïraþe, Luwah kï Bïraþe ger, ad Israel ger tø. Îla kï taan ðøø, kï tøidøta kï ndoorïn Bïraþe a ne, þone ot ðe ða sej. 23Îla kï ða dïngïr kad kï nya'n go Bïraþe, ke i kïta kadkari kïlahorrt, ke kadkari nduj, ke kadkarig kïkad kamsøllom a ne, kï Bïraþe kï døn ba gïrraa. 24Kï ða nya 'nten kïgo þoolt, j'el j'an: Maj a ne, ndø mad ngansïg a elïn nganjg anan: Ði þoosï nat kï Bïraþe Luwah lo Israel a? 25Bïraþe nda bah Jurrdë kad i ðobnin mbïnajt sesï, în Rubeniag kï Gadiag gàj losï goto ro Bïraþet. Titbe þet ngansïg a ðan kad nganjg nyan ta þool Bïraþe. 26Kïtø 'nten la j'elïn j'an: ad kï ðan dïngïr kad kï la kadkari kïlahorrt ke kadkarig al, 27na kad i najkïma mbïnajt sesï ku ngan kaajgt ngekutgoj, kad kï ða kïlaþer nõ Bïraþet kïtakul kadkari kïlahorrt kï kadkarig kïkut dømajal kï kadkarig kïkad kamsøllom loj, na þeta ne ndø madt ngansïg a elïn nganjg anan: Gaj losï goto ro Bïraþet. 28J'oo j'an: Kaglo kï a ðe nõ, îla eljïn ta kï titbe a ne, ke nganjg kaa j'a kï turd j'an: Oon, dïngïr kï tit dïngïr lo Bïraþe'n bøwjg ðan kïta kadkari kïlahorrt, ke kïta kadkarig al, na kad i najkïma mbïnajt sesï. 29Tagah kï titbe kad kï taðøø Bïraþe goto kamjt, ke kad þet gidj j'ad Bïraþe þone, na kï ða dïngïr kïta kadkari kïlahorrt kï kadkari nduj kï kadkari madg kï ngankodang j'ad yo mad, na kï nyà dïngïr lo Bïraþe Luwah loj'n ndï kam kuj londïnt.
30Lon Pinëas ngejanyamosï kï bïradøg lo ngékawna kï bïrabøwg dø girrkoojt lo Israelag'n în nat sia oon dø tag'n Rubeniag kï Gadiag kï Manaseag elïn ye, neld ngãi, 31na Pinëas ngon Eleajar ngejanyamosï el Rubeniag kï Gadiag kï Manaseag an: Þone kï ger Bïraþe i danjt kïta i ðan majal ndoorïn ne Bïraþe al. Titbe ajïn Israelag ji Bïraþet. 32Pinëas ngon Eleajar ngejanyamosï kï bïradøg nyan Rubeniag kï Gadiag, þain døning Galaadt, telïn kï døning Kanaat ro Israelagt gog, ørrïnd girr nyag 'nten. 33Ta 'nten nel Israelag ngãi ad Israelag øsïn gon Luwah, na elïn ta dø kaw ðøøt kïta nuj døning'n Rubeniag kï Gadiag ndïnt gog al ta. 34Rubeniag kï Gadiag kunïn tø dïngïr, kïta elïn anan: I nyamanaj kujt, Bïraþe i Luwah.
BIBLE MBAÏ © 1980 Alliance Biblique du Tchad.