Joj 18
18
Israelag yan yuk kïta døning
1Ngekawna lo Israel tube kawïn na Silo, na ndan kuj kub ndødïna kï Luwah tit. Døning i girr tøgdt, 2na girrdeg tanãimïta ku Israelagt nõ ngahn nyanduba lod al þaitø. 3Jojue el Israelag an: A i ngoon ndø bãi kad i taan døning'n Bïraþe Luwah ad bøwsïg nyandubat a? 4I køtïn deg mïta kïgo girrdeg, na m'a m'lad kad ndia, oon go lo døningt'n non tube, kad ndangïn maktub køj nyanduba kamla a telïn kïromt. 5A kegïn døning gaj tanãimïta. Juda a ndï døningt lon ko døø, na ngékïþe lo Jojep a ndïn døningt lod ko þodo. 6A i ndangïn maktub keg gaj døning tanãimïta, i ðen ne romt nëbe, na m'a m'ya yuk døt kïtasï nõ Bïraþe Luwaht loj. 7Na gáj lo Lebiag goto kusït kïta kïla janyamosï lo Bïraþe i nyanduba lod. Ta lo Gad kï Rubë kï nusï girr Manase taa ne, ngahn nyanduba lod woi gid bah Jurrdët ko loþakàdt, in Moij kï þerkïla lo Bïraþe ad'd. 8Deg'n non þain na Jojue ndamber kï deg'n awïn kad ndàngïn maktub mbøj døning an: Awïn, i ndian, oon go døning, i ndangïn maktub mbøj, kamla i telïn kïromt na m'a m'ya yuk døt kïtasï nõ Bïraþet Silot. 9Titbe þain, awïn, ndian, oon go døning, na ndàngïn maktub mbøj gaj kïtanãimïta ka nõ kïgo þebogt, na telïn kï ro Jojuet lo hølondït Silot, 10Kamla Jojue ya yuk døt kïtad nõ Bïraþet, Silo. Nõbe la Jojue keg døning ku Israelagt ad girr ka kïðen gàj loa.
Døning nyanduba lo girr Benjamin
11Yuk so dø girr Benjamint kïgo girrkoojt lod, na døning lod i mbïna døningt lo girr Juda kï girr Jojep. 12Ðobnin lod ko þodo mba girra ta bah Jurrdët, na þai ko þodo lo Jeriko, tøi døning mbalt køtko kï lokudkàdt mbã, tee kam dïlalot kï Bet-Aben. 13Ko nõbe la ðobnin tøi aw Luj ko døø lo Luj, ad i Betel, kamla ðobnin ðisï kï Atarot Adar dø mbalbot ko døø lo Bet Horon kïber. 14Kamla ðobnin ko lokudkàdt tel aw ko døø, mba girrïn mbalbot'n sumba nõ Bet Horon mbã tee Kirjat Baal, ad i Kirjat Jearim, þebo lo girr Juda. 'Nten i ðobnin kï køtko kïlokudkàdt. 15Ðobnin ko døø, mba girrïn Kirjat Jearim, na aw ko lokudkàdt mbã tee man'gt kïþa kï Neptoak. 16Kamla aw kï nja mbalbot kï sumba nõ hoollo lo ngon Hînom kam hoollot lo Repayiag ko døø. Ðisï go hoollo kï Hînom ko døø lo Jebusiag mbã tee En Rogel. 17Aw ko þodo mbã En Semes, aw Gelilot sumba lo Adumim, na ðisï kï mbalt lo Boham ngon Rubë. 18Aw kø þodo sumba Araba sew, ðisï kï Araba 19na tøi kïkete køtkojigelt lo Bet Hogla mbã tee døngoi bahbokat kï døboi bah Jurrdë ko døø. 'Nten i ðobnin køtko døø. 20Bah Jurrdë i ðobnin køtko kïloþakàdt. 'Nten i nyanduba lo girr Benjamin kïgo girrkoojt lod kïgo ðobnin'gt lod kï køt log tube. 21Þebog lo girr Benjamin kïgo girrkoojt lod laten: Jeriko, Bet Hogla kï Emek Kesis, 22Bet Arba, Semaraim kï Betel, 23Abim, Para kï Opra, 24Kïlor Amonai, Opni kï Geba. Þebog kïlah gidaijoo kï ngan þeg lod. 25Gabaõ, Rama kï Berot, 26Mispe, Kepira kï Mosa, 27Rekem, Jirpel kï Tareala, 28Sela, Elep kï Jebus, ad i Jerusalem, Gibeat kï Kirjat. Þebog kïlah gidaisøø kï ngan þeg lod. 'Nten la i nyanduba lo girr Benjamin kïgo girrkoojt lod.
BIBLE MBAÏ © 1980 Alliance Biblique du Tchad.