Joj 14
14
Gàj nyanduba lo Israelag Rubë kï nusï girr Manase
1Nyanduba'n ngan Israelg ngahn kam døning Kanaat. Eleajar ngejanyamosï kï Jojue ngon Nun kegïn bïradø girrkooj lo girrdeg kï Israelt. 2Kegïn nyanduba kïgo yukt kïya tit'n Bïraþe ndan mbera Moij kï ad girrkooj kïjikïða kï nusï. 3Kïtø Moij ad nyanduba girrkooj joo kï nusï gid bah Jurrdët, na ad nyanduba Lebiag kudt al. 4Ngan Jojep in girrkooj joo, Manase kï Epraim, na adïn Lebiag døning nyanduba al, na adïnd þe kad ndïnt kï døning kï gug dø kïta nyakulg lod kï nyaþetrod koon. 5Israelag ðan tit'n Bïraþe ndan mbera Moij, na kegïn'na døning.
Kaleb ndïje nyanduba lon
6Judag ndøtïn kï ro Jojuet Gilgalt, na Kaleb ngon Jepune kï Kenijia ela an: I ger nya'n Bïraþe el Moij kï de lo Luwah dan døm ho, dan døi ho lot kï Kades Barnea. 7Þalïm i døsøø lon Moij kï þerkïla lo Bïraþe lam Kades Barnëa kïta nda mãi døning, na m'tel kïroat, m'ela ta kï ngarkam kïjeje. 8Ngankõm'n awïn nat sem, ðan ad kam deg gang man, na mî m'ndulo go Bïraþe Luwah lom kï kam kïro. 9Ndøt'n non Moij unïn køn kï tïga wakïsï an: Rota, døning'n i nda njait a ne, a i nyanduba loi kï ngani mbãkïnõt kïta i ndulo go Bïraþe Luwah lom kï kam kïro. 10Oo tajigla, Bïraþe ngomïm kï dø dõ tit'n elïn. Asï þal døsøø gidaimi la Bïraþe elta titbe kï Moij lon Israelag ndian kam dïlalot. Oo, þone þalm i døjijoo gidaimi. 11Þone kaa tøgïm nãit þaitø tit ndø'n Moij lamïn, tøgïm kï tajigla asïna kï tøgm kï maði, ke kïta ðøø ke kïta kaw ho tel ho. 12Kïtø 'nten adïm døning mbal'n ðan kï Bïraþe eltaa kaglot'n non, kïta ndøt'n non oo hoi Anakag ndïnt nu na þebog kï ndøg bør kïngang gug dø lo în nõ tø. Maj a ne, Bïraþe a i nat sem, ad m'tuþad kø tit'n Bïraþe elïn. 13Kamla Jojue njang dø Kaleb ngon Jepune, na ada Hebrõ nyandubat. 14Kïtø 'nten la Hebrõ i nyanduba lo Kaleb ngon Jepune kï Kenijia mbã þone. Kïtø ndulo go Bïraþe Luwah lo Israel kï ngarkam kïro. 15Tø Hebrõ kï maði i Kirjat Arba. Arba i de kïbo tøi ku Anakagt. Kaglot'n non døning ngah lo taakò, ðøø goto.
BIBLE MBAÏ © 1980 Alliance Biblique du Tchad.