Joj 10
10
Israelag tetïn ngarg kïmi
1Adoni Sedek ngar kï Jerusalem oo hoi Jojue ta þe kï Ai, na nujd tube, ða nya kï deg kï Ai kï ngar lod tit'n ðan nya kï deg kï Jeriko kï ngar lod, na oo hoi ngéndï Gabaõ lan nooj nat kï Israelag na ndan þe kudt. 2Þool ngãibe kïta Gabaõ i þe kïbo ngãi, i kïkïða ku þebogt lo ngar, bo tøi Ai na deg tube kïtit in gõðøøg. 3Kïtø 'nten Adoni Sedek ngar kï Jerusalem la kïla ro Hohamt ngar kï Hebrõ kï Piram ngar kï Jarmut kï lapia ngar kï Lakïs kï Debir ngar kï Eglon an: 4I ðen kïromt i dîmïn kïtakad kï nda Gabaõ kïta la nooj nat kï Jojue kï Israelag. 5Titbe ngarg kïmi lo Amoriag, ngar kï Jerusalem, ngar kï Hebrõ, ngae kï Jarmut, ngar kï Lakïs, ngar kï Eglon kawïn na kï nat kï koosï ngéðøøg lod tube, ðe høn londï nderrbe kï Gabaõ na ðøøn sia. 6Deg kï Gabaõ lan kï døø Jojuet lo'n hølondït Gilgal, elïna anan: Ot nyà þerg loi, i ðe kï rojt kanangbe, aj'j na i dîj kïta ngarg lo Amoriag tube'n ndïn døning mbalt kawïn na kï'n ðøøn sej. 7Jojue þai Gilgal nat kï ngéðøøg kï kïrãðøøg tube. 8Bïraþe el Jojue an: Ot þool ngarg'n non kïta m'lad jiit, kïkïða kudt kï a ða nõit goto. 9Tentenbe Jojue so þodo. Jojue þai Gilgal, ndia ndø nõ mbã loti, þad ber busï. 10Bïraþe tïnda tîd kø nõ Israelagt ad tølïnd ngãibe Gabaõt. Tuþan god kï ðob kï kaw kï Bet Horon, ðøønd mbã teen sed Ajeka kï Makeda. 11Lon ndï ãin na nõ Israelag ndï ðisïn kï Bet Horon. Bïraþe ad ndii ed kï køsï kïbobo ko dõ, tuso dødt mbã kï Ajeka na nujïn. Îgïn køsïndii tøld in ngãi, tøin deg'n Israelag tølïnd, kï nyakat. 12Ndø'n Bïraþe la Amoriag ji Israelagt ye, Jojue elta kï Bïraþe, na elta nõ Israelagt an: Kàd, i duba i ða dø Gabaõt, Nah, i ða dø hoollot kï Ajalon. 13Kàd duba ða lo ðant, nah ndøt al tø ho, mbã Israel ndah girra dø madngetadg. Ndangïn ta 'nten kam maktubt lo de Kïdenesew ale? Kàd duba ða ngawden rãt, ud kanangbe al, ða ndø kïða, 14Ndø kï taa na kï ndø'n non goto kete ke gog, Bïraþe ða nya titïn de køøan, Bïraþe kïdøn ðøø kïta Israel.
15Jojue kï Israelag tube telïn kï lo hølondït gog Gilgal.
Jojue tøl ngarg Amoriag kïmi
16Ngarg kïmi ãin na, yan rod bulombalt kï Makeda. 17Ørrïn hoia Jojue anan: Ngarg kïmi nõ, ngahnd loyarot bulo mbalt kï Makeda. 18Jojue el an: I ndubïrïn mbal kïbo ta bulombalt, na i ndan deg kad ngomïnd. 19În taa ot duban, i tuþan go madngétasïg, i gangïn ta girrd, ot nyan kad andïn kam þebogt lod kïta Bïraþe Luwah losï lad jisït. 20Lon Jojue kï Israelag tïga tølïnd kï tøl kïbobe mbã nujïnd kø, ndeg deg kï nãi andïn kam þebogt kïngang kï ndøgbørr gug dø. 21Deg tube telïn kï ro Jojuet kam gongt kï Makeda, na de mad kï tee tan elïn ta dø Israelagt goto. 22Kamla Jojue el an: I teen ta bulombal, i ørrïn ngarg kïmi nõ kïtïga, i ðen sed romt. 23Ðan titbe, ørrïn ngarg kïmi kam bulombalt kïtïga, ngar kï Jerusalem, ngar kï Hebrõ, ngar kï Jarmut, ngar kï Lakïs, ngar kï Eglon, na ðen sed roat. 24Lon ðen kï ngarg'n non nõ Jojuet, Jojue kun deg tube kï Israelag, na elta kï bïradø ngéðøøg'n awïn nat sia an: I ndøtïn kïnë, i ndan njasï kø ngargt'n ðan, ndøtïn na ndan njad kødt. 25Jojue eld an: Ot þoolïn, ot kadïn kïngasa gasï, iren kamsï, i høn tøgsïbá kïta titbe la Bïraþe a ðan kï madngétasïg'n ndï ðøøn sesï. 26Gog got Jojue nda ngarg'n non tøld, na gad dõ dø kagt mi, ðan dø kaggt mbã losøl. 27Lon kàd nãi nderrbe kad ud ye, Jojue ndamber kï ørrïnd dø kaggt kïber land bulombalt lot'n yan rod tit kete, na lan mbalg kïbobo ta bulot. Ton nõ mbã þone.
Jojue taa þebog kï ko døø
28Ndøt'n non Jojue tetðøø Makeda, na nuj þebo nõ kï ngar loa kï nyakat. Nuj deg tube kï ngendït kø, nya de mad kï dødõ al, na ða kï ngar kï Makeda tit'n ðan kï ngar kï Jeriko ye be.
29Kamla Jojue kï Israelag tube þain Makeda, awïn Libna na ðøøn kï Libna. 30Bïraþe la þebo Libna kï ngar loa ji Israelagt, tøld kï nyakat, na nuj deg tubeg'n în kamt, nya de kïða kï døa dõ al, ða nya kï ngar loa tit'n ðan kï ngar kï Jeriko. 31Jojue kï Israelag tube þain Libna, awïn Lakïs, lan gong gugïn dø, na ðøøn sia. 32Bïraþe la Lakïs ji Israelt na ndø kïkõjoo ta þebo, tøl deg tube kïkamt kï nyakat tit'n ðan kï Libna. 33Kamla Horam ngar kï Gejer aw kïta dî Lakïs. Jojue tøla nat kï deg loa mbã de kïða kï nãi goto. 34Jojue kï Israelag tube þain Lakïs, awïn Eglon, lan gong gugïn døa na ðøøn sia. 35Ndøt'n non taan þebo na tølïn deg kïtit kï nyakat, ndøt'n non Jojue tøl deg tube tit'n ðan kï Lakïs ye be. 36Kamla Jojue kï Israelag tube þain Eglon, awïn Hebrõ na ðøøn sia. 37Taan Hebrõ, tujïna kï nyakat nat kï ngar loa kï ngan þeg loa tube kï deg tube kïtit. Jojue nyà nya mad al tit'n ðan kï Eglon. Nuja kø nat kï deg tube kïtit. 38Kamla Jojue kï Israelag tube awïn Debir na ðøøn sia. 39Taan þebo'n non nat kï ngar loa kï nganþeg loa tube. Tujïnd kï nyakat na nujïn deg tube kïtit. Jojue nya de mad al na tit'n ða kï Hebrõ kï Libna kï ngar loa ye, titbe tø la ðan kï Debir kï ngar loa. 40Titbe Jojue tetðøø døning'n non kïtaagbe, døning mbal, kï døø kï døning kï todïla, kï lo kïðisï kïber, kï ngarg lod tube. Nya de mad kïða al, na nuj nyag kï kumkajir tube tit'n Bïraþe Luwah lo Israel ndan mbera. 41Jojue teetd ðøø ko Kades Barnëa mbã, kï Gaja kï døning Gosen mbã kï Gabaõ. 42Kaglo kïkïða'n non Jojue ta lo ngarg'n non tube kï døningg lod kïta Bïraþe Luwah lo Israel ðøø kïta Israel. 43Go nyagt 'nten Jojue kï Israelag tube telïn kïgog lo hølondït Gilgal.
BIBLE MBAÏ © 1980 Alliance Biblique du Tchad.