Esa 61
61
Hoita kïmaj dø kaj Jerusalemt
1Ndil Bïraþe Luwah i dømt kïta
Bïraþe wurïm,
kï m'la mber hoita kïmaj ngéndog;
lam kï m'yoot ngékamkøl,
kï m'la mber taa nya dõ lo deg'n hønd,
kï m'la mber kørr de dangãig,
2kï m'la mber þal kamkë lo Bïraþe,
kï ndø ndangïra lo Luwah loj,
kad søl kam ngéhøndo tube;
3kïta kad ngéhøndo kam þebot kï Siõ
nyapare dø gan goot buhorr,
kï yib ronel ga goot ndo kï hø,
kï kub ndub ga goot ro kï koi yelel,
kïtakad a kunïnd kag dilg
kïdenesew,
in Bïraþe hød kad ngahn tøko.
4A ðan gootþeg kï tuj maði gog,
a ðan gootþeg kï tet maði dõ gog,
a tel ðan gootþebog kï kij gog,
ad i þebog kï tujïnd kohgt kï kohg.
5Mbahg a ðan lot'n non,
a ngomïn þut nyakulg losï.
Ngan mbahg a in ngéndøøg losï,
kï ngékoogo dînduug losï.
6Na in, a kunsïn ngéjamosïkad
karig lo Bïraþe,
a ndan tøsï ngékïlaþerg lo Luwah
loj.
A i san nyamajg lo girrdeg
kïdangdang,
a i gan buro dø nyagaburot lod.
7A i ngahn gajnya dønat joo
got rosølt losï,
a i ngahn ronel dø gajnyat losï
got tøsït kïtuj.
Kïtø 'nten la a ngahn ne gajnya losï
dønat joo kam døningt losï,
na ronel losï a tokïnõt.
8Kïtø mî Bïraþe, m'ndig nyaða kïgoðobat,
m'mbet þoog kï nyaða kïgootal.
M'a m'ad'd nyabajid kïgo nyaðamt kïro,
m'a m'un køm sed kï kunkø kï tokïnõt.
9A gerïn kohd ku girrdegt kïdangdang,
kï ngakad ku degt tø.
Tubeg'n a ond a gerïnd,
in girrdeg kï Bïraþe njang død.
10M'a m'ða ronel ãã,
m'a m'ða ronel, kïta Bïraþe,
ndilïm ða ronel kïta Luwah,
kïta ut døm kï kub nyaða kïdenesew
Pare rom kï kub ða denesew,
tit dekïdë kï a pare ron kï medkøsïg
kïta ta ngaw kij be.
11Tit'n døning a ad kumnya þa'n,
na tit'n ndøø a ad kumnya kï
dub kamt þa ye,
titbe tø Bïraþe Luwah a ad denesew
kï ndub þa kï køsïgon takum girrdegt
kïdangdang tube.
Currently Selected:
Esa 61: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
