Esa 19
19
Takel Bïraþe dø døning Ejipt't
1Takel Bïraþe dø døning Ejipt laten:
Bïraþe ndï aw dø kilndiit
kï tøi kanangbe, ðe Ejipt't.
Yog lo Ejiptiag ndadïn nõat,
na kam Ejiptiag gang man.
2Bïraþe a søkï Ejiptiag
kad ndoorïn na,
dekïðen a ðøø kï ngonkõn,
dekïðen a ðøø kï madþen,
þebo a ðøø kï þebo,
kõþe a ðøø kï kõþe.
3Ndil Ejiptiag a tee saw rodt,
na Bïraþe a tuj køjtaðag lod.
A sahn go yog kï ngéndõteeg,
kï ngékørr ndil deg, kï ngéndø ndilg.
4A la Ejiptiag ji det mad kïngang
kad ngar kï ngetøg a õþe dødt,
kel Bïraþe, Bïraþe Ngetøg tube.
5Man kï bahbot a yii ndã,
bah a tut kurum,
a tel Io kïkari.
6Kum ðob man'g a ootïn gã,
bahg kï Ejipt't a yin,
na a tutïn kãrïm,
wayab kï kadnya ndulon mbaw.
7Dïlambo kï kad bahbot,
kï lo kï ta bahbot,
kï nyadub kïðen
kï kad bahbot a tut,
a tel bu, a goto.
8Nawg a ndïngan rod,
ngélakuig kam bahbot tube a nõn,
na kørr bandbïrag a høn ndo.
9Ngéþew kïlla lë
kï ngéjo kub kïnda, rosøl a ðad.
10Ngéða kasï
kï døning Ejipt't a tetïn kïber,
ngéða kasï tube kamd a tuj.
11Mbaiþeg kï þebo Soan,
in þoodg kïrota,
ngékøjta kïterrg lo Paraõ
øjïn ta kï lo þoodt.
Titbãi asï kalïn Paraõ kan,
Mi de kï ngéterr,
ngendalo go ngarg maði.
12Ngéterr loi in ðah a?
Ad teen kï
girr nya'n Bïraþe Ngetøg tube,
øj kï'n ða Ejipt't.
13Mbaiþeg kï þebo Soan in þoodg,
Mbaiþeg kï þebo Nop.
Goolïn kï bog kï þebo Mempist,
ðan ad Ejipt so, in mbalg kï døkumlot lo girrdeg kï Ejipt.
14Bïraþe ü ndil
tel dø wãri kam Ejipt't,
ad Ejiptiag ndõmïn
kam kïlagt lod tube,
tit ngekasïða
kï aw jibjib kï tom.
15Kïlla mad kï nãi kïta Ejipt goto,
ke dø ke þong,
ke døji tumur,
ke kadnya kïða goto.
16Ndøt'n non Ejipt a i tit
dekïdë be, roa a ndad kï þool kïta
Bïraþe Ngetøg tube yee jin kï dødt.
17Døning Juda a i nya kïtootþool kï ro Ejiptiagt. Dekïðen kï Ejipt, lon a kunïn tø Juda roat a ne, kïngasa a gaa kïta køjta lo Bïraþe Ngetø kï tøitøi in øj kete kïdødt. 18Ndøt'n non þebog mi a în døning Ejipt't, a elïn ta kï ta þe lo deg kï Kanaa, a ndan yo kam tø Bïraþe Ngetøg tube. Kïkïða kudt a kunïna þebo nujkø. 19Ndøt'n non dïngïr mad a i ngaw dan døning Ejipt't kïta Bïraþe, na ðobnin døning'n non pilie mad a i tit kïta Bïraþe tø. 20A i nyakøj kï nyamanaj kïta Bïraþe Ngetøg tube kam døning Ejipt't. Lon a kon kïdø Bïraþet kïta ngéda kumd ndo, na a la kï ngekaj kï ngeða sed kad ug ørrd. 21Bïraþe a ad Ejiptiag gernïn, na Ejiptiag a gerïn Bïraþe ndøt'n non, a øsïn død ber kï kadkari kïjakø, kï kadkari kïlahorrt, a unïn kød adïn Bïraþe kï yokïnda, a tølïn kõna tø. 22Bïraþe a nda Ejiptiag, a ndad, na a yootd. Kamla Ejiptiag a telïn kï ro Bïraþet, na a oo dø ko lod, a yootd. 23Ndøt'n non ðob kïbo a tee kad deg þain Ejipt awïn Asiri. Asiriag a awïn Ejipt, na Ejiptiag a awïm Asiri. Ejiptiag a øsïn død ber nõ Bïraþet nat kï Asiriag. 24Ndøt'n non Israel a i kïkõmïta nat kï Ejipt kï Asiri, a in nya majkurr kam døningt. 25Bïraþe Ngekoosïg a njang død an: Majkur kï dø Ejipt't kïta ngéndït in deg lom; kï Asiri kïta i kïlaða jim, kï Israel kïta i nyakagþe lom.
BIBLE MBAÏ © 1980 Alliance Biblique du Tchad.