Oje 2
2
1Ke titbe kaa ne, kør Israelag
a i tit ngár kï ta bahbot
kï de a asï mbøj ke da køra al.
Kam lot'n kete deg elïnd anan:
în deg lom al ye,
deg a elïnd tø anan:
în ngan Luwah kï kumkajir.
2Ngan kï Juda kï Israela a kawïn na kïnat, a ndan kïbo kïða dødt,
na a teen kam døning þert, kad taan kamþe
kïta ndø lo Jijrel a i ndø kïbobe.
3Elïn ngankõsïg kïdïngã anan: Ami ad i: În deg lom.
Elïn kõnansïg anan: Ruhama ad i ngahn kookumtondo.
Israel i dekïdë kï ngom ron al
4I lan ta dø kõsït,
i teen kï girr majal lo kõsï.
I teen kï ta loa kï tïga kïta i nëm al,
na mî ngawa al tø.
Ela kad ørr kaya kï ða takumt kø.
Ela kad ørr ngaw kï ða mbïna mbaant tø.
5Titbe al a ne, m'a m'ngî kub roat m'ad roa i kari
tit kï ndø koojat be,
M'a m'ada tel tit kï dïlalo be,
6m'a m'ada ndï kam døningt kï tut kurum,
m'a m'ad kïndah tøla.
M'a m'ookumtondo lo ngana al
kïta în ngan kï kooj lo ðakayat.
7Kïtø kõd ðakaya
kõd kï ngekoojd ða nya kïrosøl.
El an: M'a m'aw go ngéngawgt lom,
îgïn ndï admïn nyasam kï man
kï ngekadïm kub bî bat kï kub lî lom
kï yib kï nyakãi.
8Kïtø 'nten
mî Bïraþe m'a m'ut ta ðob loi kï kon'g,
m'a m'ða ndogbørr
kad i ngah lo tee kï tïga al.
9A tuþa go ngéngawg lon,
na a ngahd al.
A sahd, na a ngahd al.
Kamla a el an:
M'a m'tel m'aw ro ngawmt kïdasa,
kïta maði i soomt tøi kï tajigla.
10Ger kad i mî Bïraþe hã
m'ada nyako, kï kasïnduu kï kij kï yib al
Ger kad i mî hã m'ada l'arjã kï l'ør ngãi kï tøi al,
Na øin kad n'ðan ne yo, kï n'adïn yo Baal.
11Kïtø 'nten m'a m'taan nyako lom gog kaglo tetat,
m'a m'taa kasïnduu lom gog kaglo ja kand nduuut.
M'a m'tørr kub bî bat lom kï kub lî lom
roat kad î kï ron kari.
12Na tajigla m'a m'la rosøl 'nten døat
takum ngéngawgt loa.
De kï a ug ørra jimt goto.
13M'a m'ad ronel loa, tube goto
kï ða nahg loa kï ða ronel kij nahg loa,
kï ða ronel kï ndø taakòg loa
kï nah kï ða kïdangdang kï ða kï kagloa
m'a m'ad'd goton.
14M'a m'tuj ndøø nduug loa kï kag mbaiþoodg loa
în elta lod an:
Oon nyangah'n ngégawg lom admïn
Mî Bïraþe m'a m'ad'd telïn kù,
na dãg kïmut a san tube kø.
15M'a m'nda m'øja kïta kaglo tube'n
ða hilen yo Baalg,
lon lahorr mbikám kïkootmbî nõdt,
na pare ron kï ninga kï medkøsïg lon,
kad ãi ngød go ngéngawt lon,
na kama oi døm.
Takel Bïraþe.
16Kïtø 'nten, Oo, m'a m'goola
m'aw sia kam dïlalot,
m'a m'ela ta kï søl kama.
17Nu la m'a m'ada ndøø nduug loa kï maði,
na m'a m'ad hoollo kamkøl
teltabit nya ndahkamdøt.
Nu la a øsï pat tit, kï kam ndøgt'n în ngomand,
tit ndø teea kïtïga kø Ejipt't be.
18Ndøt'n non,
kel Bïraþe,
a i kunïm ngawi,
na a i kunïm Baal lom ad i ngeem al.
19M'a m'ørr tø yo Baalg taat kø,
kam a oi død ad a kun tød gog al.
20Ndøt'n non m'a m'ad kunkø to mbïnasït
kï dãg kïmut, kï yelg kïdõ,
kï nyag kï kør kød'd ber.
M'a m'tet gãkïrã kï kiyaðøø, ðøø a goto,
na m'a m'ad i ndïn kï lapia.
21M'a m'taai nëmt kïgo nyaðat kïdenesew kï kïgoðobat
kï kam kamkët kï kookumtondo.
22M'a m'taai nëmt kïgo nyaðat kïro,
na a i ger Bïraþe.
23Ndøt'n non, m'a m'oo dø
kel Bïraþe,
m'a m'oo dø ko lo dørãg,
dørãg tø a oon dø ko lo døning kad ndii ed,
24døning a oo dø ko lo nyako
kï kasïnduu kï yib,
în tø a oon dø ko lo Jijrel.
25M'a m'duw Israel tit kum nyako be kam døningt'n ðan,
kïta m'a m'ookumtondo lo Lo Ruhama;
m'a m'el Lo Ami m'an: În deg lom,
na deg lom a elïn anan: Mî Luwah lod.
BIBLE MBAÏ © 1980 Alliance Biblique du Tchad.