Heb Takïdøt
Takïdøt
Maktub lo Hebreg ye, tø ngendanga goto døt. Deg'n ndangïn kïtatød kaa ne, tød goto døt. Ngendang maktub Hebreg ger ta grek maj, kamla ger maktubg kï kam kon kun køt maj tø ho ye. Ndang maktub 'nten ad ngétaata lo Kristg'n în Juipg wan. Deg'n non telïn kï gog kam kadkamt'n adïn Krist, lan rod kï nat tit kï lo yaþoodat nõ al. Kïmadg tørrïn jid girr tat lo Luwah kad'n ndulon go nyandoo kïðang. Ngendang maktub 'nten ndig kad n'ad'd nyandoo kï a ða sed kï dõ ho, a ad'd høtøgbá kam Krist't ho.
Kïtakul Krist'n Luwah laa la deg a asï lan ne nooj nat kï Luwah ye: Ðob nina 1 njøra 1 teen 2 ho, njøra 18. Krist kï døn i Ngon Luwah, i þakumta Luwah jeje: Ðob nina 1 njøra 3. Na tel de jeje. Oi tit'n de a oin nõ, kïtakad n'nujïn tøg ngemajal kø, ad i sitan: Ðob nina 2 njøra 14.
Kïtakul koi Krist, ngékadkamd Luwah kam Krist't, asïn ndøt kï ro Luwaht kï kam kï misïmisï: Ðob nina 3 njøra 1 teen 5 ho njøra 10. Kïtø Krist and lot kïjaþat'n Luwah ndit ad Luwah ndaha bïra ngejamosï kadkari. Kam kon kunkøt bïra ngejamosï kadkari i de'n hã a asï kad and kam lot kïjaþat nderrbe kï ro Luwaht, kï kadkarig kïjakø kïtakad Luwah nyan go majalg kø. Na tajigla taa ne, Jeju Krist kï kïðanbe la i bïra ngejanyamosïkadkari ye. Ta 'nten taa ne, maktub lo Hebreg la ndï ndooj ye.
Ngendang maktub Hebreg elj titbãi Jeju în bïra ngejamosï kadkari: Ðob nina 5 njøra 11 teen ðob ninat 10 njøra 39 ho, titbãi kïlaþer loa ton dang kï kï lo ndeg Juipg kï bïra ngéjamosï kadkarig ho.
Hoita mad kï kam maktub Yaþoodat: Ðob nina 14 njøra 17 teen 20 ða sej kad kï j'ørr girr ta 'nten. Elta kï øj dø ndødïna lo Abraham kï Melkisedek. Tit Melkisedek, Jeju kaa ne, i bïra ngejamosï kadkari kïkanj kad oojïna ko girrkoojt lo Lebi. Ndahna kam kïla janyamosït kïgo nyabelþet lo deg al, kïta bïra ngéjamosïkaïkarig în ngãi, na oin tube. Jeju Krist i bïra ngejamosï kadkari'n ndï kï dø'n dõ ho, ndï kumkajir mbãkïnõt ho. Aw dørãt, lot'n Luwah ndït. Lot'n non la ndig kad n'aw sej tit ye.
Kam kon kunkøt kïdasa, ngéjamosïkadkari a jan nyamosï kï nja nat nat kïtø majal lo deg. Na Krist taa ne, la ron kø nja kïðabe mbãkïnõt kïta majalg loj. Ad ngétaata lo Krist a ndian tajigla ðobt kï kij, maj kad mbelïn kumd kï gog al.
Kadkam lo ngékï maði i nya ndaj kïta ngétaata lo Krist. A ndooj kad kï høtøgjbá kam nágt kï kõg kï kaglot kï þone: Ðob nina 11 njøra 1 teen 12 ho njøra 13. Ðob nina 12 njøra 14 mbã døboit, maktub Hebreg ndooj titbãi ngétaata lo Krist a ndïn ne kï død dõ nat kï Luwah kï ndeg deg, kad în ne ngékawna kï rotag.
Currently Selected:
Heb Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.