Teekïtïga 25
25
Bïraþe elta Moij kad Israelag ðen kï kadkarig adnïn
(Oo Teekïtïga 35:4 teen 9)
1Bïraþe el Moij an: 2El Israelag ad ðen kï kadkarig admïn dekïðen'n kama ndig a ne, a i taa kadkari lom jiat. 3'Nten i kadkari'n a i taa jidt: I l'ør kï l'arjã kï ningakasï, 4kï kïllakub kïkil musï musï kï kïkïre worwor kï kïkïre pirir, kï lë kïsøllomlom kïþew, kï bî bîya, 5kï ndar bal batg kïnda kol, kï ndar angg kïkam mant, kï kag akasia, 6kï yib kïta lambag, kï nõkagg kïta ðago yib kurdøt kï kïta nduj mbikám kïkootmbî, 7kï medkøsï onyksg, kï medkøsïg kï gatd i ngãi kïta nda kam epodt kï kam nyakutdø gut tø. 8A i ðan lokïjaþat kïtam kïtakad m'a m'ndï dandt. 9A i ðan kïgo nyagt tube kï m'ndï m'øji kïgo nyandajt lo kujkub londï, kïgo nyandajt lo nyaðakïlag kïkamt tø.
Sund najkïma
(Oo Teekïtïga 37:1 teen 9)
10A i ðan sund kï kag akasia, ngala a i metïr joo kï nusï, tata a i metïr kïða kï nusï, ngala kïdõ a i metïr kïða kï nusï. 11A i ut kaga kï l'ør kïjanjoi, a i ut kaga kokeme kï gida tu, a i ða l'ør nya pare gugïn ta bøga. 12A i nyë l'ør i ðan ningag sø kïtaa, a i ndad kad njaat kïsøø. Ningag jo a i kadt ko kïða, na ningag jo a i kadt ko mad tø. 13A i tøsï kag akasia kïngal jo a i ut gid'd kï l'ør. 14A i la kag kïngalg'n non kam ningagt kïkad sundt kïta ton sund. 15Kagg kïngal'n non a în kam ningagt kïkad sund nat, na a ørrïnd kø al. 16A i la bar mbalg în najkïma i kïndang døt în m'a m'ad kam sundt. 17A un l'ør kïjanjoi ðan nyakutdø, ngala a i metïr joo kï nusï, tata a i metïr kïða kï nusï. 18A i ða serub l'ør joo, a i ðad kï l'ør kï ndah døa kïdø taat kïjoo lo nyakutdø'n non. 19A i ða serub kïða dø taat kïkïða, kï Serub kïmad dø taat kïmad. A i un gaj l'ør kïða ðan nyakutdø kï Serubg dø taat kïjoo kad i ro kïða. 20Serubg'n non, bøgd a în kï sira kïdõ, a utïn dø nyakutdø'n non kï bøgd, takumd a sumbana sew, takum Serubg'n non a în kï ga ber kï ro nyakutdøt'n non. 21A i ndah nyakutdø'n non dø sundt, a i nda najkïma in m'a m'adi kam sundt. 22Nu la m'a m'ndodt, na m'a m'eli ta ko dõ dø nyakutdøt, kï ko dan Serubgt kïjoo kïdø sund najkïmat, ad i dø tat kïðen'n m'a m'ndai mbera kïta Israelag.
Table kïta bïnã kï løi kïndanõt
(Oo Teekïtïga 37:10 teen 16)
23A i ða table kï kag akasia, ngala a i metïr joo, tata a i metïr kïða, ngala kïdõ a i metïrt kïða nusï. 24A i ut kaga kï l'ør kïjanjoi, a i ða l'ør nyapare gugïn ta bøga. 25A i ða nyapare kadat tø, tata a asï kï tat daji. A i ða taa kï l'ør nyapare gug døa tø. 26A i ða nina l'ørg sø kïta table'n non, a i nda ningag'n non døkumat kïsøø kad njaat kïsøø. 27Ningag'n non a în nderrbe kï nyapare kada'n non, kïta la kag kïngalg tit kïta ton table. 28A i tøsï kag akakia kïngalg'n non, a i ut gid'd kï l'ør, a în kïta to'n table. 29A i un l'ør kïjanjoi ðan tasag loa, kï ngan baig loa kï galg loa kï kopg loa kïta kadkari nyakãi kï küg kø. 30A i nda bïnã kï løi kïndanõt dø tablet nomt kïndøgndøg.
Lampe l'ør
(Oo Teekïtïga 37:17 teen 24)
31A i ða lamba l'ør kïjanjoi. A i ða lamba'n non kï l'ør kï ndah døa, girra kï kaga kï baiag kï døgorag kï hutag tube, a i ro kïða. 32Døjiag kïkïbojidet a teen kad kag lambat, døji lamba mïta a teen kadat kïkïða, na døji lamba mïta a teen kadat kïmad. 33Kam døjt kïkïða a ðan ngan baig mïta tit hut amande be, døgor kïða ta hut't kïkïða. Kam døjt kïmad a ðan ngan baig mïta tit hut arnande be, døgor kïða ta hut't kïkïða. A i ða titbe kï døji kïkïbojidet kï a teen kad lambat'n non. 34Kam lambat'n non a ðan ngan baig søø tit hutkag amand be nat kï døgorag kï hutag. 35Døgor kïða a i girr døjt kïjoo, a i ro kïða, na døgor kïða a i girr døjt kïjoo, a i ro kïða, kamla døgor kïða a i girr døjt kïjoo, a i ro kïða tø. Døjiag kïkïbojidet kï a teen kad kag lambat a în titbe tø. 36Døgorag kï døjiag'n non kï kag lamba tu a i ro kïða, a i l'ør kïjanjoi kïnda bïrra døa kïtaagbe. 37A i ða bai lamba loa tanãimïta. A i ndah horr ta bai lambagt loa kïtakad unj nõat. 38Nyag kïta tøl horrag kï jo buhorrag a în l'ør kïjanjoi. 39A i un talent l'ør kïjanjoi kïða, a i ðan lamba kï nya ðakïlaag'n non tu. 40Oo maj kad i ða nyag'n non tube kïgo nyandajt'n m'øji dø mbalbot nõ.
Currently Selected:
Teekïtïga 25: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
