Teekïtïga 23

Takïgang kïgoðobat

1A i tïnda hoita kïngom i tî kï log al. A i nda roi nat kï de kïmajal kad in ngemanaj kïgootal al. 2A i ndulo go Koosïdeg kïta ða majal al Lon a i manaj lo gangtat a ne, a nda roi nat kï Koosïdeg kïta tuj takïgang al 3A i ða de kïdangt dene lo gangtat al.

4Îla i ndød mang, ke korro lo madngétai kï nãi a ne, rota a i ðe sia ada 5Îla i oo korro lo ngekøsïta so girr nyatot a ne, ot nya kïnõbe, na i ða sia kad una kïdõ.

6A i tuj ta de kïdangt loi lo gangtat loa al. 7A i ørr roi kam takïgangt kïngom kø. Ot tøl de kïkanj ta døat, ke de kïdenesew, kïta m'a m'ørr ta dø ngeðamajalt al. 8Ot taa kadkari mad kïta kadkari ndï tø kum ngékumja, na tuj tag lo deg kïdenesew.

9A i ða ngetøg dø mbaht al, kïta i ger ta kï õ kam mbahg þet, kïta maði în mbahg kam døning Ejipt't.

Mberkïnda kïta ngomgo ndø kïkõtanãimïta kï þal kïkõtanãimïta

10Þal kïbojidet a i duw nya døningt loi, a i ja kandah tø, 11na þal kïkõtanãimïta a ne, a i nya ad ta ko to kari, kïtakad ngéndog lo girrdeg loi sant, na ndega kï nãi ye, dãg kïmut a san. A i ða titbe tø kï ndøø nduu loi kï ndøø kag bir loi.

12A i ða kïla loi ndø kïbojidet, na dø ndøt kïkõtanãimïta a ne, a i ta ko, kïtakad mang loi kï korro loi a tan ko, kïtakad ngon kïdïngã lo þer loi kïdë kï nyakor a ørrïn ko tø.

Mberkïnda kïta ngomgo nahg kïmïta

(Oo Teekïtïga 34:1 teen 4)

13Oon go rosï maj kad i ðan kïgo tagt tube'n m'elsï. A i kun tø yog al a oon tød tait al tø.

(Oo Teekïtïga 34:18 teen 24)

14Nja mïta kam þalt kïðen a i ða nah lom. 15A i ða nah Pain Kïkanj Berkasï ndø tanãimïta, a i sa bïnã kï løi kïkanj berrkasï tit'n m'ndai'n mbera kaglot kï m'øj kam naht kï tøa i Abib, kïta kam naht'n non la i teen ne kam døning Ejipt't kïtïga ye. De mad a ðe nomt jin kari al.

16A i ða nah ja nyako, i nah kand kïdasa lo kïla loi ad i nyadub loi kam ndirrt A i ða nah kaw nyako kïnat þalndøt, lon a i kawïn nyako kïkam ndøøt kïnat. 17Nja mïta kam þalt kïðen dekïdïngãg losï tube a ðen nõ Bïraþe Luwaht 18Ot la mosï kadkari lom nat kï bïnã kï løi kï ða kï berrkasï Mbool dã nah lom a to mbã loti døt al. 19A i ðe kï kand kïmajtøi lo nyako kïdasa kï døningt loi kam kujt lo Bïraþe Luwah loi. A i ndirr ngon binya kam mba kõat al.

Bïraþe ad malaika lon ndia kete nõ Israelagt

20Oo m'a m'la malaika mad nõit kïtakad ngomi dø ðobt, kïta tee sei lot'n m'ðago oi. 21Oo go roi maj nõat, oo dø ndia, i taa ðøø al kïta a nyàgo tøidøta loi al, kïta tøm i døat. 22Na îla oo dø ndia rota, na i ða nyag tube'n m'eli a ne, m'a mî madngeta lo madngétaig kï ngéndoor ngéndoorig. 23Malaika lom a ndia kete nõsït, a aw sesï kï ro Amoriagt kï Hetiag kï Perejiag kï Kananag kï Hebiag kï Jebusiag, na m'a m'nujd kø pet.

24A i øsïn døsï ningt nõ luwahgt lod al, a i ðan kïlaþer lod al, a i ndajïn nyaða deg'n non al, a i nujïn yog lod kø, a i tøn yombalg lod kø 25A i ðan kïlaþer adïn Bïraþe Luwah losï M'a m'njang dø nyasa losï kï man losï tø. M'a m'un mõig dansït kø. 26Kam døningt losï tube dekïdë mad kï ngekørr ngon goto ke kuj. M'a m'ad ndø ndïsï kï dø dõ ðoosï tap.

27M'a m'la þool kïtalsøkïrr lom nõsït, m'a m'tuþa girrdeg kïdangdang tube kï lot'n a i teent, m'a m'ad nyambøj tel ãin nõsït. 28M'a m'la nya kïtootþool kïnõsït, a tuþan Hebiag kï Kanaag kï Hetiag ko nõsït. 29M'a m'tuþad kø nõsït kam þalt kïkïða al, na þeta døning a tel gootlo, dãg kïmut tø a bïlan ngãi kïdøsït. 30M'a m'tuþad jenjen be kø nõsït mbã kad i oojïn'na ngãi, na i taan døning lod.

31M'a m'nda ðob nin'g losï ko ta Bahbot kïkïre, mbã bahbokat't lo Pilistiag, na ko dødïlalot mbã bahbo Eprat't, kïta m'a m'la ngendï døningt'n non jisït, a i tuþand kø nõsït. 32Ot kunïn køsï kadïn na ke kï Luwahg lod. 33A ndïn kam døningt losï al, na þeta a adsï ðan majal ndoormïm, kïta îla i ðan kïlaþer adïn luwahg lod a ne, rota a i gum kïta høsï.

Currently Selected:

Teekïtïga 23: MB80

Highlight

Copy

Compare