Ep 5
5
Ndia kam kunjt
1Kï în ngéndaj Luwah, kïta în ngan tar loa, 2i ndian kam tart, tit'n Krist tarjïn ye be, î kïþe kï ron ad ron nyakïla kadkarit, kï kadkari kïjakø, ad Luwah kïtaj, tit yib kï kootmbî kï sea nel Luwah. 3În deg kïjaþat lo Luwah, kïta 'nten ad gan tø ða dekïdë, ke sah ngaw, kïyerr kï ða, kï ða ta nar kusït al bat. 4Ta kïlikït, ta kïþood, ta kï lo lamt, în tag kï sumba kelsï al, na maj kad elïn ta kï Luwah kï mersi kï ða tã. 5Kï i gerïn ta 'nten maj: Ngeðakaya, de kïyerr, ngeðatanar ad i ngeðayo, a õn nduba kõþe lo Krist kï kï lo Luwah al. 6Ot kadïn de mad goolsï kï tag kï kari pãbe: i nyag'n non tube la ndï ørrïn wong lo Luwah kï dø ngédøngangt ye. 7Ot gon na dø nyat mad sed. 8Maði în til, na tajigla în kunj kam Bïraþet. I ndian tit ngan kunj be. 9Kand kunj i ðamaj kïðen, kï ðadenesew, kï rota. 10I nulïn nya kï nel Bïraþe oon; 11na ot ndan rosï nat dø kïlagt kï kanda goto lo til, na maj kad i kïjand kï tïga wakïsï. 12I nya kï rosøl kad de elta nyag'n deg'n non ndï ðan gid tilt, 13na nyag'n kïjand kï tïga ye, a ton kï tïga wang kïtakul kunj, 14kïta nya kïðen'n to tïga wang i kunj. Kïtø 'nten la elïn an: I ndool, î kï ngeþi, i þaidõ ku ngékoit, na Krist a unj døit. 15Maj kad oon go pa ndiasï maj: Ot ðan nya tit deg kï død goto be, na kï în ngéterrg; 16i ðan kïla kï kaglon i ngahn, kïta ndøg în kïmajal. 17Kï ot kîn ngékumtøgalg, na kï i gerïn ndig lo Bïraþe. 18Ot kadïn man kand nduu ðasï, kïta man kand nduu a ndah denyaðat kï papa, na maj kad i ðoosïn kï Ndil. 19Adïn tøg na kïtakul pa psomg, kï pa ndubg, kï pag kïgo Ndilt; øsïn pag kï psomg i ndubïn ne Bïraþe kï ngarkamsï tube, 20i ðan mersi Luwah kï Bøw kï ndøgbe, kïta nyag tube, kam tø Bïraþet loj Jeju Krist.
Ji ndïkïna lo dekïdë kï ngaw
(Oo Kol 3:18 teen 19; 4:1; 1 Pie 2:18 teen 25; 3:1 teen 7)
21În ngéþool Krist, i lan døsï girr tøgt lo na. 22În dekïdë ngéngawg, i lan døsï girr tøgt lo ngawsïg tit girr tøgt lo Bïraþe be. 23Kïtø ngaw i dø dekïdë, tit'n Krist în dø ngékawna ye be, ngékawna i dãro Krist, na Krist i ngekaj dãro ad i ngékawna. 24Na tit'n ngékawnag lan død girr tøg Krist't ye, kï dekïdëg lan død girr tøg ngawdgt ho, kam nyagt tube. 25Ngawg i tarïn nësïg tit'n Krist tarïn ngékawna, na î kïþe ad ron kï tøa nõ; 26Krist ða titbe kad n'arïn ngékawna, n'tela kïjaþat't lon tugoan kï man, kï ta lo Luwah, 27kïtakad'n ndah ngékawnatakumïnt, ngékawna kï køsïgon, kïkanj yïro, kïkanj kü ngïra, ke nya mad kï titbe, na i kïjaþat, kï ta mad goto døat.
28Titbe la maj kad ngaw tarïn nën tit ron be ye, de'n ndï tar nën a ne, ndï tar ron kï ron. 29Kïtø de kï øsïta dãron nja kïða goto, na ndï ula ho, ndï ngoma ngom ngom ho, tit'n Krist ndï ðan kï ngékawna ye be. 30Jî nganro dãro Krist ale? 31Kïtø 'nten la dekïdïngã a nya'n bøwïn kï kon, na a tïnyan na kï nën, în tujoo telïn dãro kïkïðabe. 32Takïmulnd 'nten i kïbo na ta'n m'ndï m'el, girra i ta lo Krist kï ngékawna. 33Na i ta losï ho: Maj kad ngaw kïðen tar nën tit ron be, na kï dekïdë kïðen kïþool ndil ngawïn ho.
BIBLE MBAÏ © 1980 Alliance Biblique du Tchad.