Ep 2
2
Kaj kïtakul kamkë lo Luwah
(Oo Kol 2:12 teen 13; 3:1 teen 3; Tit 3:3 teen 8)
1Na în, maði în deg kï koi kïta tøidøtag losï, kï majalg losï. 2Majalg'n non maði i ndian kamt kïgo bang duniat ngen ðan, i ndian girr tøg ngart kï tøg kõþe kï dõ kam nelt, i ndil'n ndï ða kïla tajigla kam degt kï ngétel rod gotat lo Luwah al. 3Maði jî tube jî kudt ho, nyaðaj i kïgo nyurkõgt lo dãroj, kï ða nyag kïgo ndigt lo dãro, kï kïgo tagahjt, ad ji kij kï lo kooj'jt, jî ngan'g kï wong i døjt tit ndeg deg be. 4Na Luwah i Ngekookumtondo kï dumbit, kïtatø tar kï ngãi'n ndï tarj nõ la, 5lon jî kï koi kïta majalg loj ye, adj'n kumkajir kam Krist't. Kïtakul kamkë lo Luwah la ajsïn ne ye, 6Luwah ad kï þai ku ngékoit nat kï Krist, na ad kï ndïber kam dørãt dõ kam Jeju Krist't. 7Luwah ða titbe kïtakul kamkë lon kïtaj kam Jeju Krist't, kad, kam kohg'tn ndï ðen nõ, kï n'øjïn ðamaj lon kï ngãi tøi takøl'n ða sej kam Krist't. 8Kïtakul kamkë lo Luwah la ajsïn ne kïtakul kadkamsï Krist ye. Kaj'n non i kokïrosït al, i kadkari lo Luwah. 9I ngahn kaj kï lo kïlaðagt al, kïta de kï asï gaburo døt goto. 10Kïtø Luwah la þaj ye; ndahj tø kïtakul Krist Jeju, kïtakad kï ða kïlag kïmajmaj, ad i kïlag'n Luwah kï døn ðago kete woi, kïtakad kï hø ða.
Ngékadkamd Krist în kïðabe kam Krist't
(Oo Heb 10:19 teen 22)
11Kïtø 'nten adïn kamsï gah dø tat 'nten: Maði în deg kï ngéger Luwah al kïgo dãrot, în deg'n juipg ndï kunsïn ngéjagaj al, kïta ndï kunïn rod ngéjagaj'n i gajkïja kam dãrot kï ji de. 12I gaan kamsï døt kad kaglot'n non, în kïkanj Krist, i ngahn lo ndïsï ku ngan ngéþet kï Israel al, în mbahg kam kunkøgt'n Luwah un ndïdøt, în kïkanj nya ndahkamdøt, kïkanj Luwah kam duniat. 13Tajigla, kam Jeju Krist't, îgïn maði în sãi ye, telsïn nderrbe kïtakul mosï Krist. 14I Krist la laj nooj nat, ad Juipg, kï îgïn în Juipg al telïn girrde kïkïðabe. Lon ad dãron koi ye, Jeju tet ndogbørr køsïnata kï ða mbïnadt. 15Krist ørr mberkïnda kï ngan mþerg kïdangdang lo Juipg kø kïtakad juipg kï juipg al telïn girrde kï kij ho, girrde kïðabe nat sen ho, i titbe la ladïn nooj nat ye. 16Kïtakul koia dø kagdost, Krist tujïn køsïnata'n to dandt; kïtakul kagdosï la Krist þoon girrdeg kï joo'n non nat kam dãrot kïkïðabe, na lad nooj nat kï Luwah. 17Krist ðe lamber Hoita kïmaj kïta la nooj nat kï ro degt'n în Juipg al, kïta maði în sãi kï Luwah, na lambera kï ro Juipgt'n maði în nderrbe kï Luwah ho. 18Kïtakul Krist la jîn tube, juipg ke juipg al j'asï ndøtïn kï ro Bøwt kam Ndilt kïkïðabe ye. 19Kïtø 'nten îgïn în juipg al ye, în mbahg kï ngétøi kï njadõ al ta, na în girrdeg kïjaþat lo Luwah, în ngan ngéþeg. 20În kuj kï ndah dø bagirrat'n ngombangkïlag kï ngékelta kï ta Luwaht ndahn, na Jeju Krist kïþe kï ron i kuþïr mbal kï døkum kujt. 21Îla ad kuj kï ndah kïtaagbe ndï ngang, na ada ndï þai kï dõ kï'n tel kuj ndub Luwah kïjaþat kam Bïraþet. 22Kam ro kïkïðat nat kï Bïraþe tø, în kam kujt kï ndah ho, kad telsïn tube nat kï kïmadg kuj ndï Luwaht kïtakul Ndilïn.
BIBLE MBAÏ © 1980 Alliance Biblique du Tchad.