Nge 7
7
Nyaða kïterr kï nyaða þood
1Tøko kïmaj majtøi yib kïkootmbî, na ndø koi majtøi ndø kooj.
2Kaw kam kuj høndot majtøi kaw kam kuj mburnamt kïta lo'n non la i døboi deg tube, na ngéndï kïdø dõ a gaan kamd døt.
3Kamkil majtøi go kïta de asï hø ndo takumïnt na kama so kïber.
4Ngarkam ngéterrg i kam kujt lo ngéhøndo, na ngarkam þoodg i kam kujt lo ngéðaronel.
5Koo dø ndang lo de kï ngeterr majtøi kø dø pa lo þoodg 6Tit'n kõn kï la horro girr jot a ndøwïn ye, titbe tø la go lo þoodg in nya kïkari pãbe.
7Rota, tøg ða nya kï lo ngetøg dø det ad de kï ngeterr tel þood, na kadkari kad de utïn døta tuj kam de.
8Døboi nya majtøi mbagirr nya. Hal ndïdøt majtøi hal gaburo. 9Ot kad hal køsï wong ruk to kamit kïta wong i kam þoodgt. 10Ot kel kan: Titbãi ndøg kï tøin woi majïn tøi nge 'nten a? Kïtø ndïje ta 'nten kïgo lo teert al. 11Terr kï nyanduba nat majtøi kïta îgïn oon kum kad. 12Terr a ngom de tit'n nar a ngom'n de ye be, na nyager maj tøi. Terr a ngom ngeen kï døat dõ.
13I nøl kïla lo Luwah oo, kïta nya'n Luwah ðug ye, nõ asï mbaja a? 14Ndø ngah nya a ne, i ða ronel na ndø kïmajal i gah døt. Rota, Luwah ndah kïkïða kï kïmad kïtakad de ger nya kïða kï a ða nya gont al.
15Ndïm kï døm dõ kïkari pãbe 'nten m'oo nyag tube. De kïdenesew kaa nuj kam denesewt lon, na ngeðamajal ndï køk kam majalt lon. 16Ot koo roi det kï denesew kïtai ke oo roi ngeterrt kï tøi; kïtøði þai i ndig tujïn roi a? 17Ot ða majal kïtai ke ða nya kïþood; kïtøði kï oin lon ndøig nãin þaitø a? 18Maj kad i hø nya 'nten ba na ot kør jii girr nyat'n non ko kïta ngeþool Luwah a tee ta nyagt'n non tube.
19Terr ad de ngang ngïring tøi ngarg kïlah kï ndïn kam þebot. 20Rota, de kïða kï denesew kï ngeðamaj na ða majal nja kïða al goto døningt ne.
21Ot ko dø tag tube'n deg ða elïn na þeta a ne, oo dø þer loi ndï elta kï majal døit. 22Kïtø i ger kamit þet njanatnat î kï døi i elta kï majal dø degt tø.
23M'ná nyag'n non tube m'oo kïgo teert na m'el m'an: M'ndig terr na terr i sãi sem. 24Nya kï i sãi, nya kïwo na wo kïþing ye de kïðah a ngah a? 25M'ga kamm døt kad m'ger na kï m'nder girra kï m'sah go terr kï ger girrnya na kï m'ger majal lo nyaða kïpãbe kï nya kïþood in i dø i dø kïtel wãri. 26M'ngah nya mad kïkat bang tøi koi; i dekïdë kï kama i gum kï band na jia i jinjir. De'n nel Luwah a ne, a ãi dekïdë'n non na ngeðamaj al ye dekïdë nõ a høa. 27Oo nya'n m'ngah kel Ngelamberta. Lon m'nøl nyag kïða kïða tube kad m'ger girrd. 28Rom ndï sah go nya mad kïkanj nya ta na m'ngah tø. M'ngah de kïdïngã kïða ku degt kïdub kïða na kudt nõ tube m'ngah dekïdë kïða al. 29Na oo nya kïða'n m'ngah la ten: Luwah ndah de goðobat na deg tube ndï sahn ðob lod kïkøsïdød.
BIBLE MBAÏ © 1980 Alliance Biblique du Tchad.