Nge 3
3
Nya kïðen aw kï kaglo lon na døboia i nõ
1Kam duniat 'nten kaglo i nõ kïta nyag tube.
Kaglo mad i nõ kïta køjtaða kïðen kï girr dørãt.
2Kaglo kooj kï kaglo koi,
kaglo duw nya kï kaglo ret nya dub kø.
3Kaglo tøl kï kaglo yoot
kaglo tø kï ningt kï kaglo ða kïdõ.
4Kaglo nõn kï kaglo go,
kaglo høndo kï kaglo ndam.
5Kaglo tî mbal kø
kï kaglo kaw mbalg kïnat,
kaglo høna kïrot kï kaglo høna kïrot al.
6Kaglo sah kï kaglo nyako,
7Kaglo ngom nya kï kaglo la kø.
Kaglo til nya kï kaglo kur nya,
kaglo ndï ta mbo
kï kaglo kelta.
8Kaglo tar kï kaglo køsï ta,
kaglo ðøø kï kaglo lapia.
9Nyangahdøt lo de'n ør røkï kam kïlat lon i ði a? 10M'oo kïlag kïkør'n Luwah ndah dø degt kad ðan. 11Luwah ða nya kïðen kï majkoo kï kaglo loa. Nda ga ta døkaglot kïmbãkïnõt kam degt na de asï ger kïla'n Luwah ða al lo lagirat nu mbã døboia. 12M'ger, nya mad kïmajtøi kïtad goto na kï ðan ronel kï kamndà kaglo kîi kïdødõ tube. 13Na kad de sa ho ãi ho kad ða ronel kam kïlat lon tube. Inon i kadkari kokïro Luwaht. 14M'ger, nya kïðen in Luwah ða a ne, i kïtakad ndï mbãkïnõt. Ðob la nya mad døt ke kor nya mad kamt goto. Luwah ða titbe kïtakad deg þoolïn ne nõat. 15Nya kï tajigla i nya kï to nõ kete, na nya kï a ðe i nya kï to nõ kete tø. Nya kï tøi woi maði Luwah ndï sah tel sia gog þaitø. 16M'oo girr kàdt þaitø kam logangtat ye, majal tot nõ na kam lot'n dene sew i tit nya kïgoðobatal tot tø ho. 17M'el rom m'an: Luwah a gangta dø det kïdenesew kï de kï ngeðamajal kïta ndah kaglo gangta kï to nyag tube kï kïta kïlag tube tø. 18M'el rom m'an: Ta kïdø degt ta Luwah ndï nád oo ad øjd în kïdød în dãg koon. 19Kïtø nya'n ða deg ye ða dãg titbe tø ho. Nya kï tee dødt tujoo i kïðabe, tit'n kïkïða woi titbe tø kïmad oin ho ye. În tube taankò kïðabe na de tøi dan al kïta nyag tube'n nyag kïkari pãbe. 20In tube ndï awïn lot kïkïðabe, in tube teen kokam buningt na a telïn buning gog. 21Nõ ger kad ndil de aw dõ na ndil dã aw ber kïningt a? 22Titbe m'oo nya mad kïmajtøi kïta de goto na kï ngah ronel kam kïlagt lon tã. 'Nten la i gaj loa. Nõ a tel sia gog kada oo nyag kï a ðan nya goat a?
Currently Selected:
Nge 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.