Nge 12
12
Køj de kïdødug
1Na i gah dø Ngendahit kaglo basa loi kete nõ ndøt kïmajal'n a ðe þeta el an: M'ngah ronel kammt al, 2kete lon kàd kï kunj kï nah kï kïmëg diwïn til al, na kilndii ðe ut go man ndii. 3Kaglo'n ngéngomkujg ndadïn. Lon deg kïngang gøkïn gøkï. Lon nge kurnyag duban kïta kørd i ngãi al, na ngékoolo burrolot diwïn til. 4Utïn tabitg kïjoo kï ta ðobgt lon oon dø kah ngekurnya ngãi al. Lon de þai kï ndi ko yel na ngan kïdë ngekøsïpa tøgd goto. 5Þoolïn lo kïkal kïdõ kï nyag kïkootþool dø ðobt kag amand þa hut, kïþetg telïn nya kïkoi na nyurkõ goto kïta de ndï aw kï londït kïmbãkïnõt, na ngehøndo ndia dø ðobt. 6Kete lon kïla nar arjã ngangïn al þaitø ke jo nar ør tøø, lon jo man tøø ta mant kï þa al þaitø ke gã tet ta bulo mant, 7na bu tel kï døningt lot'n tot maði na ndil tel kï ro Luwaht kï Ngeðaa. 8Kari pãbe, kel Ngelamberta, nyag tube în kari pãbe.
Kïla kïtaagbe kï dø det
9Ngelamberta i ngeterr hã kïðabe al, na ndoo deg nyager tø. Mbøj nya, nder girra, ðago terrtag kïgoagoa. 10Ngelamberta sah ðob ngah ta kïmbë na ndang tag kïgoðobat kï kï rota. 11Tag lo ngéterrg tan'na kï kag søkg, tit ngawg în hønd ngang ye titbe tø terrtag kïkaw kïnat lo nge ngombatg kïkïðabe. 12Dø tat 'nten ngonïm oo go roi maj. Ndàng maktub ngãi kaa døboia goto, na ndoo nya ngãi nda dãro kørt. 13'Nten i døngoi ta. Oon dø tag tube woi. I þool Luwah. I ngomgo mberkïndag loa kïta 'nten i kïla kï taagbe kï dø det. 14Kïtø Luwah a ðe kï kïlag tube, kï nyag tube kï deg ðan gid tilt logangtat, ke kïmaj ke kïmajal.
BIBLE MBAÏ © 1980 Alliance Biblique du Tchad.