Dan 4
4
Nebukadnesar tel tit dã kïta døa kïngang
1Mî Nebukadnesar m'ndï lom kam kujt lom, maj urrïm kam kuj kõþet lom tø. 2M'nii kï ndam þoolt. Lon m'to dø tïraþimt ye, tagahmg kï nyag kï m'oo kam ndilmt ad kamm gang man. 3Kïtø 'nten m'nda mber kad ðen kï ngéterrg tube kï Babilon nomt kïtakad admïn m'ger girr nii'n non. 4Taa ne, mboolig kï ngéndøndilg kï Kaldeag kï ngéyog ngéndøndil dø kïmëgt ðen. M'eld m'n non, na asïn kadmïn m'ger girra al.
5Gog godt Daniel kï a kunïna Beltisasar kïgo tø luwaht lom in ndil Luwah kïkunjðang i kamat ye, ðe nomt, na m'ela nii'n non, m'an:
6În Beltisasar, bïradø mboolig, tit kan hã m'ger kad ndil Luwahg kïkunjðang i kamit, na ta kïmund kï a dumi goto, m'køi kï i adïm m'ger girr nyakokam ndilt kï m'oo kam nit nõ.
7Nyag kï m'oo kam ndilmt lon m'to dø tïra bimt laten: M'oo kag mad ngawdan døningt, i kag kïngal ngãi.
8Kag'n non þa tøg ngãibe,
tasoma ød dørã,
na deg oona ko døboi
døningt kïtaagbe.
9Mbia maj ngãi,
kanda to mbuj,
nyasa i kamt
kïta nyandahg tube.
Dãg kïmut ton ndilat,
yelg kïdõ ndin døjiagt,
na nyakumkajir kïðen
ngah nyasan roat.
10M'oo nyag kam ndilmt lon m'to dø tïraþit lom, na m'oo ngenøl lo mad kïkunjðang ðisï ko dørãt dõ.
11Ko kï ndin kïbobe,
na elta titbe;
i gan kag'n non kø,
i gangïn døjiag.
I yekïn mbia,
i tïndan kanda tîn kø.
Kï dãg ãin na kø girat,
kï yelg þaindøjiagt kø.
12Na i nyan gindah
dø ngïraagt kï ningt,
i døøn kï jinjir hand
kï ningakasï
kam mugt kï døningt.
Kï tal kï dørãt hø døat,
kï i ngesa mu
nat kï dãg kïmut.
13Kï hala kïgo lo det mbel,
na kï adïna hal dã kïmut
mbã kaglog tanãimïta tøin døat.
14Ta 'nten tee kïtakul mberkïnda lo ngénøl log, i takïgang lo ngékunjðangg kïtakad ngéndï kï død dõ gerïn ne Ngetøitøi ndï õþe dø kõþet lo deg, a ad kõþe de'n kama ndig, na a tøi ndah dekïsøl dø þet.
15'Nten la i nii kï m'oo, mî ngar Nebukadnesar. Î Beltisasar kï i ørr girra tit'n ngéterrg tube kïkam kõþet lom asïn kadïm m'ger girra al, na î taa ne, i asï kïta ndil Luwahg kïkunjðang i kamit.
16Kamla Daniel'n tøa i Beltisasar ye, ta yaa biw kaglo sî, tagahg ad kama gang man. Taa ne, ngar ela an: Beltisasar, ot kad kami gang man kïta nii'n non ke kïta kørr girra'n þet a i kï kørr kad i oo. Beltisasar tur an: Ngeem, nii'n i nii nõ kï kï kørr girra, ni î kïta madngétaig tã. 17Kam niit loi ye, oo kag kïbo, kï ngang na ngal ngãibe ad tasoma ød dørã. Deg kï døningt kïtaagbe oona,
18Kag'n non mbia maj ngãi, na kanda to mbuj, ad dãg kïmut ðe ton ndilat, yelg kïdõ høn londï tit ho ðan kujg lod døjiagt tø, 19Ye ngar, kag kïbo'n non ye i î. I tel de kïbo ngãi, tøgi i ngãi, køsïgon loi ndï aw kï ketekete mbã kaha tee dørã, tøg kõþe loi tee aw mbã log kï døboi døningt. 20Na ngar, i oo ngenøllo, Ngekunjðang mad, ðisï ko dørãt dõ el an: I gan kag'n non kø, i tujïna, na i nyan gindah dø ngïraagt kï ningt, i døøn kï jinjir hand kï ningakasï. Kad tal kï dørãt hø døat, kï i ngesa mu nat kï dãg kïmut mbã kad kaglog tanãimïta tøin døat. 21Gira i titbe: I mberkïnda lo Ngetøitøi la tee dø ngart kï ngeem ye.
22A tuþain kø ku degt, londi a i nat kï dãg kïmut, a i sa mu tit mang be, tal kï dørãt a hø døit, kaglog tanãimïta a tøin døit mbã kad i ger Ngetøitøi'n ndï õþe dø kõþet lo deg, na a ad kõþe de'n kama ndig kad õþe. 23Na tit'n ta teen kad nyan gindah dø ngïraagt, titbe tø la a nyan ne kõþe kïtatøi, na a i loi kïðubagt dø ndøt'n i ger kad Luwah kï dørã dõ la i Ngendï dø nyagt tube. 24Kïtø 'nten, ngar, maj kad i ta takøj lom. I nya ta ða majal, i hø ða denesew. I nya ta ðagootal, oo kumtondo lo deg kïdangt. Kïtøkad maj a urri ndø ngãi þaitø. 25Nyag'n non tube teen dø ngar Nebukadnesart.
26Go nahgt kïkïlah gidãijoo, ngar a ndia dø londït kïdø kuj kõþet kï Babilon. 27El an: Þebo'n ðan i Babilon kïbo kï m'ða kïtakul tøgïm kïngãi kïtakad i kuj kõþe, na kïtakad tøm kon kïta køsïgon lom kïtaitøi ale?
28Ngar elta kï tant tïga al þaitø a ne, ndi ta mad tee ko dørãt dõ an: Oo ngar Nebukadnesar, elin kad i ger taan kõþe jiit kø woi. 29A tuþain kø ku degt, londïi a i nat kï dãg kïmut, a i sa mu tit mang be, kaglog tanãimïta a tøin døit mbã kad i ger'n Ngetøitøi ndï õþe dø kõþet lo deg, na ad de'n ndig kada. 30Tentenbe tølïn køn ta'n non dø Nebukadnesart. Tuþana kø ku degt, sa mu tit mang be, tal kï dørãt hø dø dãroat, bisïdøa il ngal tit yel kuro be, kïmunrin jia kï njaa tit'n kï kïmunrin nja yel tø ho.
Ngar Nebukadnesar yoot
31Døboi ndøg'n non la, mî Nebukadnesar, m'un kumm kï dørãt, hankalm tel romt gog ad m'øsïgon Ngetøitøi, m'nduba, m'toi Ngéndï kïnõt; kïta a õþe mbãkïnõt, kõþe loa i kõþe kï a to kï ngankat kï nganka. 32Ngéndï døningt tube în tit nya mad al takumat ndï ða nya kï kama ndig ku koosïgt kï dørãt dõ, kï ku ngéndï døningt; de mad kï asï kog jia ke kela kan: I ða ði a? 33Kaglot'n non la hankalm tel romt gog na tøko lo kõþe lom kïmaj lom kïtaitøi kï nyër kunj kõþe lom tu telïn kïromt. Ngékøjtag lom kï mbaiþeg lom kunmïn kïgog, ndamïn dø kõþet lom gog, na tøgm aw kïkete kete. 34Tajigla, mî Nebukadnesar, m'ndï m'ndub Ngar kï dørãt dõ, m'ndï m'toia, m'ndï m'øsïgona kïta kïlaðaag tube în goðobat, ðob nya ðaag tø i kïdenesew, na deg tube. Ngendïa kïgo døngangt ngar kï dørãt dõ a asï la død kïber.
BIBLE MBAÏ © 1980 Alliance Biblique du Tchad.