Dan 2
2
Daniel ørr girr nii lo Nebukadnesar
1Kam þalt kïkõjoo lo kõþe lo Nebukadnesar, ngar Nebukadnesar nii, ad kama daa ta pa, na þi hø kuma al. 2Kamla ngar ndamber kad kunïn mboolig kï ngéndøndilg kï ngéyog kï Kaldeag, kad ørrïn girr niig'n nii nõ. Lon deg'n non ðe ðàn nõ ngart ye. 3Ngar eld an: M'nii ad kamm gang man, m'ndig kad ørrïmïn girr nii'n non admïn m'ger. 4Kaldeag elïn ngar ta kï ta þe Aramea anan: A ngar, kï i ndï kï døi dõ mbãkïnõt. El nii'n i nii nõ, ad ngékïlaþerg loi oon, kamla a ørrïn girra adïn oo ye. 5Ngar tur Kaldeag an: Ta tee tamt woi. Îla i elïm nii'n non al ho, i ørrïn girra ad m'oo al ho a ne, m'a m'ad gangsïn njikïtinjikït, na kujg losï a telïn þirbit. 6Na îla i admïn m'ger girr nii'n non a ne, m'a m'adsï kadkarig kï nyabajig kï køsïgon ngãi. Kïtø 'nten admïn m'ger nii'n m'nii nõ kï kørr girra tu.
7Deg'n non turïn ta kïkõjoo anan: Ngar kï ndïjei kad elj jî ngékïlaþerg loi nii'n i nii nõ, na j'a kï j'ørr girra j'adi. 8Ngar þa wong, na eld an: M'ger þet ndï i sahn ðob kad i ngahn kaglo sî døt þaitø. Kïtø i oon ta'n tee tamt woi. 9Îla i admïn m'ger nii'n non al a ne, takïgang kïkïða'n non i døsït tube, kïta i ndan tasï nat kad i elïn tag kïbal kï tag kïngom, ngoon ne kad kaglo tøi. Kïtø 'nten elmïn nii'n m'nii non. Titbe la m'a m'ger kad in deg kï asïn kørr girr nya kï lo mundt ye. 10Kaldeag turïn ta ngar anan: De mad kï døningt ne kï asï ða nya'n ngar ndïje ye goto. Kïtø lon nu na ngar mad kïbo, ke ngar mad kï ngetøg kïngãi kï ndïje nya mad kï titbe mbooli, ke ngendøndil, ke Kaldea goto. 11Kïtø nya'n ngar ndïje i nya kï tøi dø, de kï asï kørr ngar girra goto, na luwahg tã, în londïd i nat kï deg al.
12Wong tøl ngar søkïr dø tat'n non, ad kuma il kïrir, ndamber kad tølïn ngéterrg tube kï Babilont. 13Taa tee ad lan mbera kad tølïn ngéterrg, na sahn Daniel kï namag kad tølïnd ho.
Luwah tee kï girr nii ad Daniel oo dø.
14Kamla Daniel elta kï kumtøg kï terr kï Arjok, bïradø ngéngom dø ngar, kïta Arjok tee aw kïta tøl ngéterrg kï Babilon. 15Daniel el Arjok an: Kïtøði takïngang lo ngar in kï ngang ngãi titbe a? Na Arjok ørr go nya'n ða nya ad Daniel oo. 16Tajigt Daniel aw ro ngart ndïjea kad adïn kaglo sî kïtakad n'ørrïn girr nii loa n'ada oo.
17Got gog Daniel aw kam kujt lon, elta'n non namïng ad i Hanania kï Misael kï Ajaria 18eld kad køn Luwah kï dørãt dõ kad oo kumtondo lod, na ða sed dø tat kïmund'n non kïtakad tølïnd nat kï ndeg ngéterrg kï Babilon al.
19Kamla ta kïmund'n non i kï tee dø kad Daniel ndø kam nyakookamndilt. Daniel øsïgon Luwah kï dørãt dõ. 20El an:
Køsïgon kïdø tø Luwaht.
Mbã kï kohgt lo kohg
kïta î la terr kï tøg în loa ye.
21Î la ndï mbel kaglog kï dønahg,
Î la ndï ndah ngarg dø pong kõþeg ye,
na î tø la ndï ørr ngarg kø tø ho ye,
ndï ad ngéterrg terr lod,
ndï ad nyager ngégoosï ger girrnya,
22Î Luwah la ndï tee dø
girr nyag kïwo kïþing,
kï nyag kï kïmund,
î la ger nya kïkam tilt,
kïta kunj tube i roat.
23Î Luwah lo bøwmg,
m'ndï m'tøii kï dõ,
m'ndï m'ndubi
kïta i adïm terr kï tøg,
na adïm m'ger nya'n kï ndïjei,
tit kan i teen dø ta kïmund lo ngar adj.
24Goot Daniel aw ngah Arjokt'n ngar ela kad tøl ngéterrg kï Babilon kø, ela an: Ot tøl ngéterrg kï Babilon kø. Aw sem ro ngart, na m'a m'ad ngar ger girr nii'n nii nõ.
25Tajigt Arjok aw kï Daniel ro ngart, el ngar an: M'ngah de mad ku degt'n hønd þert kam døning Judat, kï asï kørr girr nii loi ad i ger.
Þakumta de'n nja î kï ða kï hanj kï l'ør
26Ngar ndïje Daniel'n tøa i Beltisasar an: I asï kadïm m'ger nii'n m'oo nõ kï kørr girra tø ø? 27Daniel tur ngar an: Ta kïmund kï ngar ndïje ye, ngéterrg, ke ngéndøndilg, ke mboolig, ke ngéyog ngéndøndil dø kïmëgt, asïn tee døa kad ngar ger al, 28na Luwah ngetee dø girr tag kïmund i kam dørãt dõ, a ad ngar Nebukadnesar ger nyag kï a ðan nya kam ndøgt kïdøboit. Nii loi kï nyag kï i oo kam ndilit lon i to dø tïraþiit laten:
29Î ngar, lon i to dø tïraþiit ye, takïga loi ðe øj dø nyag kï a ðan nya gog go kaglot 'nten, na ngetee dø girr tag kïmund la adi i ger nyag'n þet a ðan nya. 30Na mî ta, ta kïmund i kï tee dø romt kïta terr lom tøi ndeg deg ngéndï kï død dõ al, na i kïtakad ad ngar ger girra, kïtakad i ger girr tagahig kïkamit.
31Î ngar, i oo þakumta de kïbobe. Þakumta de'n non i kïbo ngãi, ndulo ngeîngeî, ða dõ nõit, kooa i nya kïtootþool. 32Dø þakumta de'n non, i l'ør kïjanjoi, gua kï jia în l'arjã, kama kï bingaa în ningakasï, 33kasï njaa tujoo în hand, nusï njaa tujoo i hand na nusa mad i hanj. 34Lon i nøl nya'n non ye, gaj mbal mad gang kïkanj kad ji de øda, ðe nda nja þakumta de kï hand kï hanj'n non, tøød køsïkøsï. 35Kamla tøø hand kï hanj kï ningakasï kï l'arjã kï l'ør'n non tube køsïkøsï mbã telïn tit kï tïsa kïdø gar ndah nyakot kaglo þalndøt be. Nél øid kø ad ngahn gootd kï nãi al bat. Na mbal'n non tel mbalbo kïbo ngãi, ta lo kïtaagbe døningt.
36'Nten la i nii loi ye, tajigla ma m'ørr girra m'ad ngar oo,
37Î ngar, î ngar dø ngargt tube. Luwah kï dørãt dõ adi kõþe kï tøg kï ngang kï tøko. 38La ngan deg jiit, kï dãg kïmut, kï yelg kïdõ kïkam lot kïðen kï ndint, adi î ngekõþe dødt tube. În la î dø l'ør'n non ye. 39Gog goit a ne, kõþe mad kïðang a þai, na a asï kï kï loi al, kamla kõþe kïkõmïta kï i ningakasï a õþe dø døningt kïtaagbe. 40Kõþe kïkõsøø kï ngang tit hand be ye a ðe goot, kïta hand a tø nyakøsïkøsï, a tet nyag tube ðelðel. Titbe la kõþe'n non a tø køsï, a tet kõþeg'n non tube ðelðel. 41A i kõþe kï gangna joo, kïta i oo njaa kï ngan njaa nusa kï kïða i hand, na nusa kï mad i hanj lo ngeþajo, na kõþe'n non a aw kï tøg sî, tit kan i oon hand i kï burna kï hanj lo ngebajo. 42Tit'n ngan njaa în nusï hand kï nusï hanj ye, titbe tø la kõþe'n non nusa a i kïngang na nusïa a i kïngang al. 43Tit'n i oon hand i kï burna kï hanj lo ngebajo ye, titbe tø la a burïn na kïtakul tanag kï girrdeg kïdangdang, na a tïnyana al kïta hand asï tînyàna kï hanj al. 44Kaglot lo ngarg'n non ye, Luwah kï dørãt dõ a þai kï kõþe mad kï a dum nuj kø, na tøg kõþe'n non a so ji girrdeg madgt kïðang al tø. A tøø kõþeg'n non tube køsïkøsï ad goton, na î kïþe kïdõ la a ða loðant mbãkïnõt, 45tit kan oon mbal mad i kï gang kokam mbalbot kïkanj kad ji de mad øda, na ðe tøø hand kï ningakasï kï hanj kï l'arjã kï l'ør køsïkøsï. Luwah kïbo ad ngar ger nyag kï a ðan nya go nyagt'n non. Nii'n non i nii kïjeje, kørr girra'n m'ørr m'adi i kïðubag tø ho.
46Kamla ngar Nebukadnesar so kï takumïn ningt nõ Danielt, øsï døn ber nõat, na ndamber kad lan kadkarig nat kï mbikám kïkootmbî adïna.
47Ngar el Daniel an: Rota Luwah loi i Luwah dø luwahgt kï Bïraþe dø ngargt, ngetee dø tag kïmund kïta i asï tee kï dø ta kïmund 'nten ad m'oo. 48Kamla ngar tøi Daniel kïdõ, ada kadkarig kïngãi kï kïbobe, na ndaa ngekõþe dø gaj døningt kï Babilon kïtaagbe kï bïradø ngéterrg kï Babilon tube. 49Daniel ndïje ngar, kamla ngar nda Sadrak kï Mesak kï Abed Nego dø kïla kõþet lo gaj døning mad kï Babilont. Na Daniel tel ngekadkøj ngar, ndï natþet lo ngar.
BIBLE MBAÏ © 1980 Alliance Biblique du Tchad.