Kol 2
2
Ngétaata lo Krist tøin kam koit kï kumkajirt
(Oo Kol 4:12 teen 13; Ep 3:14 teen 19; Jã 15:4 teen 5; 1 Tes 4:1 teen 2; 1 Pie 2:3 teen 5)
1Kïtø m'ndig kad i gerïn ndurr yon m'ndurr kï tøgïm kïtatøsï kïta ta lo ngétaata lo Krist kï Laodiset ho, kïta deg tube'n oon takum nja kïða al ho. 2M'ndurr yom kad kamd sokïber, kad în kï lana nat kam tart kï kasïnatap ho, kad în kïþakot kï goosï ger girr nyamajg kad gerïn ne ta nyakïmulnd lo Luwah maj, ta nyakïmulnd'n non i Krist. 3I kam Krist't la, terr lo Luwah kïdangdang, kï kï majmaj tube, kï nyager loa kïyaro int ye. 4M'ndï m'elsï ta 'nten kïtakad de mad goolsï kï tag kï pãbe al. 5Ke neni m'goto kusït kaa ne, mî nat sesï kam ndilt, rom nelïm dø koot'n m'oo nyaðasï kïgoagoa, kï kadkam'n adïn Krist ye, i høn sem tø.
Kumkajir kï jeje'n kï ngah kam Krist't
6Kïtø 'nten, i taan ne Krist Jeju Bïraþet losï ye, sumba kad i ndian nat sia kïðabe tø. 7Kïtø ngïrasï i kï hø kam Krist't kad i ðan ne dõ kamat. I ðan bijir kam kadkamt losï kïgo nyandoot'n hã ndoosïn, na i ðan mersi Luwah kï rotîsï.
8Oon go rosï maj, na þeta de mad kusït goolsï kï terr kï pãbe høsï girr tøgt lon. Kïtø nyandoo'n non i kïgo nyabelþet lo deg kï tøgg kïgo ndilt kïkam duniat, na i kïgo lo Krist't al. 9Kïtø kam Krist't la þakot lo Luwah, dagïro Luwah kïtaagbe i tit kam dãrot ye. 10În tø, i ndï i gan na dø ndï kï dø dõ kam Krist't kïtaagbe, Krist i bïradø tøg kõþe, kï tøg ndilg tube.
11Kam Krist't tø la jasïn gajt ye, gaj'n non, i gajkïja kï ji al, na i gaj kï þai kokïro Krist't, ad i kørr dãro kï i girr tøgt lo nyurkõ'n ndï aw sej kïmajalt kï ða. 12Kïtø lon ðasïn baptem ye, dubsïn nat kï Krist kam koiat, na i þain sia nat kïtakul kamsï'n i ndan dø tøg Luwaht'n ad Krist þai lo koit. 13Maði, în deg kï koi kam majalt kï ða, kïta jasïn gaj al ho, în girrdeg lo Luwah al ho. Na tajigla Luwah adsï kumkajir kam Krist't, na nyàgo majalg losï kø tube. 14Krist tuj maktub kïmajal'n ndï høj kï ta kïgo mberkïndat'n ndï la ta døjt. Rota Krist ga maktub girra 'nten kagdosït lon. Kï ðob 'nten la ørrïn maktub girra kø døjt kïtaagbe ye. 15Kïtø 'nten, Luwah ørr tøg ndil kõþeg, kï tøgg kïkam tilt dø kagdosït, ndahd kï tïga doo kad deg tube oond wokïwokï, kamla ndørd tit deg kï hønd ta ðøøt, ad ndian gont kï kü yel tetdøø lo ngonïn.
16Kïtø 'nten, kï de mad gangta døsït dø nyat'n i ndï san al, ke i ndï ãin, dø ðanaht mad ke ðanah kï kij, ke dø ndø taakòt. 17Na nyag 'nten în ndil nyag'n a ðen, na dagïro nyag kï jeje ye, i Krist. 18Ot kad'n de mad dum døsï kï ta, ad i nalïn nya tetðøø. Kamm gah dø degt'n ndï øsïn død ber nõ malaikagt kad øsïn gond, deg kï titbe ndï ndan kumd ngãi go nyagt kï koo kam ndilgt, tagahd kïgo dãrot, ndï ndahd døsïrt kïndang pãbe. 19Deg'n non ndï høn Krist sem al, Krist'n i dø. Kïtø 'nten, kïtakul Krist la dãro kïtaagbe ndï ngah nyakoogoront ye, ad døkurrg, kï ngïrag, în kï tïla ta nat maj, ad dãro ndï tøg tit'n Luwah ndigïn.
Ngétaata lo Krist oin na þain nat kï Krist
(Oo Rom 14:1 teen 6,17; Gal 4:9 teen 11; 1 Tim 4:1 teen 8)
20Îla oin nat kï Krist a ne, dø tat lo ndilg kï ngékõþe kam duniat ye, kïtøði kam ndïsït kï døsï dõ nyaðasï i tit lo deg kï duniat a? Kïtøði i ndï lan ne døsï girr mberkïndagt 'nten kï kan: 21Ot kun nya 'nten, ot ná nya 'nten tait, ot kød nya 'nten kï jii. 22Nyag'n non tube a goton kø kïgo ðakïladt. În mberkïndag kï nyandoog lo deg koon. 23Rota deg a oo anan, terr i kam nyagt 'nten, kïta nyandoo 'nten øj deg kad øsïn død ber nõ malaikagt kï lo ngetøgt, kad kï sølïn død kï lo ndokumt, kad ðan takõ kï dãro, na kari kïndang, asïn dum dø nyurkog lo dãro al.
BIBLE MBAÏ © 1980 Alliance Biblique du Tchad.