Knk 26
26
Pol elta ørrïn ta dønt nõ Agripat
1Agripa el Pol an: Ta ðob tee kïtatøi kad elta ørrïn ta døit.
Taa ne, Pol sïra jin kamla elta kad n'ørrïn ta dønt an: 2Ngar Agripa, þone rom nel'm ngãi kad m'elta nõit kad m'ørrïn ta dømt dø nyagt tube'n Juipg tetïn kï dømt. 3Kïtø î kïþe kï døi i ger nyabelþe lo Juipg, kï tamajg tube'n to kudt. 4Juipg tube gerïn kïla ðam lon mîn kï basam nu, titbãi m'tøgïn ku girrdegt lom ho, Jerusalemt ho. 5Juipg germïn maði nu îla ndigïn manaj døt a ne, a man kari, kïta mî Parisï kï kør njereng kïgo nyandoot kï ngang tøi lo nyabelþe loj. 6Na tajigla taa nya'n m'ðan nõsit nëbe kad i gangïn ne ta dømt ye, i kïta m'nda kam dø kunkøt'n Luwah un ad bøwjg. 7Girrdeg loj kïkïlah gidaijoo ndan kamd døt kad Luwah a tølkon kunkø 'nten, ad ndï ðan kïlaþer ndubïna ne ndø ho kàda ho. Ngar Agripa, mî kaa ne, m'nda kam dø nyat 'nten. I dø kamkïndahdøt'n non la Juipg ða lan ne ta dømt ye. 8În Juipg kïtøði adïn kamsï kad Luwah a ad ngékoig a þain lo koit al a? 9Rota, mî kïþe kï døm maði m'oo m'an sumba kad m'la rom kï nat kï goðobg kïdangdang kad m'ndoor tø Jeju kï Najaret't. 10I nya'n m'ða Jerusalemt la. M'hø deg kïjaþat lo Luwah ngãibe m'üd dangãit. Kïtø m'ngah tøg kokïro bïra ngejanyamosïkadkarit kad m'ða titbe. Lon a gangïn ta koi dødt a ne, mî kaa ne, m'a m'nda tam nat sed kïðabe ho. 11M'aw kï kam kuj kelta kï Luwah lo Juipg. M'ða sed nya kï to to kï nja nat nat be kad tørrïn jid girr tat lo Jeju. Kum il kirir dødt ad m'da rod ndo mbã m'tuþa god kï lo lo m'teen þegt kïðang.
Pol ørr girr taa'n taa ta lo Jeju Krist
(Oo Knk 9:1 teen 9; 22:6 teen 16)
12I titbe, ndø mad m'ndï m'aw Damasït. Kïbog lo ngéjanyamosïkadkari lamïn nu, admïn tøg kad m'høn ngétaata lo Krist. 13Mî dø ðobt þaitø, Ngar Agripa lo kï kàd kï ða ngawdanþet, m'oo kunj mad ko dørãt, nyëra tøi nyër kàd, øsï gug døm nat kï deg'n awïn sem. 14Jî tube kï tuso ber, kamla m'oo dø ndi ta mad elïm kï ta Hebre, an: Sool, Sool, kïtøði i ða i dan kum ndo titbe a? Îla i ndig taaðøø Luwah a ne, a ngang sei ngãi.
15M'ndïjea m'an: Î nõ a Bïraþe?
Bïraþe elïm an: Mî Jeju kan i ða i da kumm ndo nõ.
16Tajigla, i þai, i ða dõ. Elïm an: M'køti m'ndai ngekïlaþert lom ho ngemanajt lom tø kad i la mber nyag'n oo kï kumi woi, kï îgïn þet m'a m'tee dø m'adi oo kam ndilt. 17M'a m'aji ji juipgt, kï girrdeg kïdangdang'n m'ndï m'la sei kï rodt. 18M'ndï m'la sei kï rodt kad i tee kumd, kad kï þain kam tilt kï telïn kï kunjt, kad kï teen girr tøg sitant kï telïn kï ro Luwaht, kad Luwah nyàgo majal lod kø, kï ngahn nyanduba nat kï deg kïjaþat lo Luwah kïtakul taa'n taan ta lo Krist.
Pol elta ørrïn girr kïla lon
19I titbe, Ngar Agripa, lot'n non m'tel rom go nyakoo kam ndilt'n Luwah ad ðisï ko dørãt ad m'oo. 20Na dasabang m'la mber ta m'ad ngendï Damasït, got gog m'la mber ta m'ad ngendï Jerusalemt, kamla m'la mber ta m'ad ngendï døning Judet, mbã m'teen kï ro girrdegt kïdangdang; m'eld kad tørrïn ndid dø majalgt lod ho kï telïn kï ro Luwaht ho, na kï ðan kïlag kï ða kïtïga, øjïn ne kad în deg kï teen kï tørrndit. 21Kïtø nyag 'nten la Juipg hømïn ne kam kuj ndub Luwaht, sahn ðob tølïm kø ye. 22Na Luwah ngom'm mbã þone ad mî kï døm dõ kad mî nëbe m'ða m'manaj nõ degt kïbo kï kïdug tu. M'elta dø nya madt kïðang al, na m'elta dø nyat'n ngékelta kï ta Luwaht kï Moij anan: A ða nya nõ tã. 23Ad Krist a dai yon kï kõ, a i kï dasabang ku degt'n a þain ku ngékoit, na a la mber kunj kï ro degt kï Israel kï girrdeg kïdangdang tu.
Pol øj Ngar Agripa kad taa ta lo Krist
24Lon Pol ða elta ørrïn ta dønt titbe ye, Pestus ndánga kï tøgïn an: Pol, døi tel wãri, nya'n i ndoo ngãi ða ad døi tel wãri.
25Na Pol tura an: Døm tel wãri al. Pestus ngemaj kï tøitøi ta'n m'ða m'el, i ta kï rota ho, i ta kï kumtøg ho tø. 26Ngar Agripa ger nyag'n non þet, kïta 'nten la m'ða m'el'n ta kï kammt kï kam kï misïmisï. Kïtø m'ger kammt, i ger nyag'n non tube kïta nya mad kï lo yarot goto. 27Ye, î ngar Agripa, i taa ta'n ngékelta kï ta Luwaht elïn yo? M'ger kad adkami. 28Agripa tur Pol an: Hai. I gaa kamit kad ngon ta kï ten el nõ, a i dumïn døm kad m'tel ngetaata lo Krist e?
29Pol el an: M'kø Luwah ke i tajigla ke i kaglot mad, î koon al, na deg tube'n ndï oon dø ta lom þola kï i telïn tit'm be, na kanj kad în kï dø kï jinjir.
30Ngar Agripa kï ngekõþe Pestus, kï Bernis kï deg'n în nat sed þain dõ. 31Lon ørrïn rod kï gog ye, elïn na ta anan: De'n ðan ye, ða nya mad kï asï koi al ho, ke asï ða dangãi al ho.
32Ngar Agripa el ngekõþe Pestus, an: De'n ðan ni ndïje kad Sejar la gangta lon al a ne, maj kad i kï nyàa dõ.
Currently Selected:
Knk 26: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
