Knk 14

Pol kï Barnabas lan mber hoita kïmaj þebot kï Ikonium

1Kam þebot kï Ikonium, Pol kï Barnabas andïn kuj keltat kï Luwah lo Juipg. Lan mber ta lo Luwah. Ad koosï Juipg kï grek telïn ngétaata lo Krist. 2Na Juip madg mbetïn taa ta lo Krist, sïlan girrdeg kïdangdang ad kamd tuj dø ngankõt. 3Kïtø 'nten Pol kï Barnabas ndïn kam þet kï Ikonium kaglo tøi asï tat. Ndï elïn ta deg kï kam kï misïmisï, ndan kamd dø Bïraþet. Elïn deg ta dø tart lo Bïraþe. Na Bïraþe ad'd tøg ða nya køjg, kï nyag kï yaya, øjïn kï tïga kad tag'n elïn deg ye, i ta kï jeje. 4Deg kï kam þet gangïn na dene joo kïmadg în kïta Juipg, kïmadg tø în kïta ngombangkïlag. 5Kamla Juipg kï girrdeg kïdangdang kï kïbog lod unïn ndid kad kï'n ðan nya kï to kï Pol kï Barnabas, kï'n tïland kï mbal tø ho. 6Na Pol kï Barnabas oon hoitaa kete, ad awïn þebot kï Lystïr kï Derb, kï log kï gug død. 7Nõbe la lan mber hoita kïmaj tit ye.

Pol kï Barnabas lan mber Hoita Kïmaj kam þet kï Lystïr

8Kam þebot kï Lystïr, de mad ndït nõ, njaa oi njør, ad ndï ber kï ndøgbe; de'n non i moot kï teen kam kont, ad ndïa nja kïða al. 9Ndø mad, oo dø ta'n Pol ða el deg. Pol kaa ne, nda kumïn kï døat, lon oo kad de'n non aw kï kadkam kï asï kad'n yoota ye, 10elta kï ndin kïbo an: I þai, i ða kï njai dõ.

Taa ne, de'n non þai dõ rat, na þa ning.

11Lon koosïdeg oon nya'n Pol ða ye, elïn kï taþe lo deg kï Lykaonit anan: luwahg unïn ro kï taana kï deg, ðisïn denjt.

12Kunïn Barnabas Jews; na kunïn Pol, Hermes. Kïtø Pol la i ngekelta ye. 13Kuj ndub yo Jews sumba tabit kand kam þet, ngejamosï kadkari lo Jews ðe kï bøw mangg kï jøg hutkámg i dødt tabitgt. De'n non, ðe nat kï koosïdeg, ndig kï'n ja nyamosï kï n'ad ngombangkïlag. 14Lon Pol kï Barnabas oon nya 'nten ye, høn kubg kï rodt tilïn, na awïn kanangbe ngan koosïdeg unïn ndid kï dõ kon ne anan: 15În, kïtøði i ða i ðan ne nya 'nten a? Jî taa, jî deg kï mosïj ãi titsï. Kï ðe kï hoita kïmaj la kad kï lasï mbera, kad i nyan nyag kï pãbe 'nten kø, na i telïn kï ro Luwaht kï Ngekumkajir'n ða dørã kï døning kï bahbokat kï nyag kï kamt. 16Kaglot kï maði Luwah nya girrdeg kïdangdang tube, ad ndulon go ðobg lod. 17Na Luwah ndï manaj dø ðamajt'n ndï ða sesï kïkanj nya ta, ndï adsï man ndiig ko dørãt, lon kaglo asï woi a ne, i jan nyako ngãi. Luwah ndï adsï nyasa kï to mbuj mbuj tø, ad kamsï ðoosï kï ronel kï dumbit.

18Ke neni Pol kï Barnabas elïn tag 'nten kaa ne, lo gang lam kamla øgïn koosïdeg kad jan kadkari adïnd ye. 19Na Juipg þain Antiosït kï døning Pisidit kï Ikonium ðen Lystïrt. Deg'n non dumïn dø koosïdeg ad ndoorïn Pol, na tïlana kï mbal, ørrïna kï gid þet oon a anan oi. 20Na lon ngéndoog lo Jeju ðe lan na gugïn døa, Pol þai dõ, tel aw kam þet gog. Loti got Pol kï Barnabas þain Lystïr awïn þebot kï Derb.

Pol kï Barnabas telïn kï þebot Antiosï kam døning Sirit

21Lon Pol kï Barnabas lan mber hoita kïmaj kam þet kï Derb woi ye, deg ngãibe telïn ngéndoog lo Jeju. Kamla tel awïn gog Lystïrt, kï Ikonium, kï Antiosï kï døning Pisidit. 22Øjïn ngéndoog lo Jeju kad ngarkamd misïmisï ho, kï høn tøgd bá kam taat'n taan ta lo Krist, na elïnd anan: Kari na j'a kï j'and kam kõþet lo Luwah kï kõ kï ngah ngãi. 23Pol kï Barnabas mbedïn kïbog ndand dø ngékawnat kïðen, elïn ta kï Luwah kïtad ho, øgïn rod nyasa ho, na land ji Bïraþet'n adïna kamd.

24Gog got ndan døning Pisidi gangïn ten døning Pampylit. 25Lon aw teen Perjet, lan mber hoita lo Luwah, gog got aw teen Atali. 26Þaïn nõbe alïn kam toot kïbo tel awïn gog kam þebot kï Antiosï. I kam þet'n non la ngékawnag land ji Luwaht kï ngekamkë kad ðan kïla'n tølïn kona tajigla. 27Lon Pol kï Barnabas teen Antiosït kï Sirit ye, kawïn ngékawnag kï nat, kamla ørrïnd hoi nyag tube'n Luwah ða sed nat, kï teen Luwah tee ta ðob ad girrdeg kïdangdang taan ta lo Krist. 28Pol kï Barnabas ndïn Antiosït kaglo asï tat nat kï ngéndoog lo Jeju.

Currently Selected:

Knk 14: MB80

Highlight

Copy

Compare