2 Tim 2
2
Asïgar kï jeje lo Jeju Krist
1Kïtø 'nten, ngonïm i sah ngang kokïro kï døt kïtakul kamkë'n j'awïn kam ndaro nat kïða kï Krist Jeju. 2Tag'n oo dø romt, nõ ngémanajgt ngãibe ye, i la tag'n non ji degt kïro kad ngomïn go în tø a asïn ndoo tag'n non deg madg. 3I høtøgibá nat sem kamkõt tit asïgar kï jeje lo Krist Jeju be. 4De'n i asïgar, a la køn nyaðat lo de kï kari al, kïta a sah ða nya kï nel bïradøn. 5Ngekãingød ndø ndadurot a ãi ngød kï nõbe al, na dø bangt'n lan kete tã, kamla a ngah nyabaji ye. 6Sumba kad ngendøø'n ndï ør kam kïla ndøøt ye, sa kand nya ndøø lon dasa. 7Maj kad i gah dø nyagt'n m'eli nõ maj. Na Bïraþe a adi goosï kad i gerïn girr nyag tube. 8I ga kami dø Jeju Krist't kï ngoka Dabid. Jeju Krist þai ku ngékoit kïgoo hoitat kïmaj'n m'ndï m'lambera. 9Kïtø Hoita kïmaj 'nten la, m'ndï m'ngahn kõ mbã dømïn kï jinjirg tit ngeðamajal be ye. Na be kaa ne, Ta lo Luwah i kï dø al. 10Kïtø 'nten m'ndï m'høn tøgïmbá dø nyagt tube kïtakad maj urrïn deg'n Luwah mbed'd, kïtakad în tø kï ngahn kaj'n i kam Krist Jejut nat kï køsïgon kï tokïnõt. 11Tag 'nten în tag kï jeje: îla kï j'oi nat kï Krist a ne, j'a kï ndï kï døj dõ nat sia ho. 12Îla ndï kï høtøgjbá a ne, j'a kï j'õþe nat sia tø ho. Îla kï ndï kï májta gera a ne, î tø a májta gerj ho. 13Îla jî deg kïro al a ne, î i ngeðanya kïro, kïta î asï májta ron al.
Ngeðakïla lo Luwah kï asï ta køsïgon
(Oo 1 Tim 1:3 teen 7,18 teen 20; Tit 1:10 teen 16; 2:11 teen 15; 2 Pie 2:1 teen 22)
14Ad kam deg tube ga dø nyagt'n non. Kï nõ Luwaht i ndad mber kad gakïn na dø tagt al. Gakïnag 'nten ndaad goto, na ndï tujïn ngékoodø ta tuj. 15I la roi kï nat kad asï ta køsïgon nõ Luwaht, tit de kï ngeðakïla kïjaraw'n roa søla dø kïlat loa al, în ndï la mber ta kïrota goðobat dene. 16Na i mbet tag kï kel kï ndang kï ndoor kadkam Luwah; kïta ngékelta kï titbe ndï awïn kï ketekete kam nyaðat kïgo lo Luwaht al. 17Nyandoo lod tø a sa tit dobaig; Hymene kï Pilet în ku degt'n non. 18Deg'n non tørrïn jid kø girr kadkamt. Na ndï elïn anan: Luwah ad deg þain lo koit woi, ndï ün ne deg madg mut. 19Titbe kaa ne, mba girr nyandoon Luwah ndah ye, ða loðant. Girr nyandoo'n non i tit mbal be, în Luwah ndang ta 'nten døt: Bïraþe ger deg lon ndang ta 'nten døt tø: Kï de'n ndï kun tø Bïraþe a ne, kï nya ta ðagootal kø. 20Kam kujt kïbo, jo l'ørg kï jo l'arjã tã ndïnt kïðabe al, na jo kagg kï jo hanjg ndïnt nõ tø ho. Jo kïdasag în kïta kïla kï køsïgon, kïmadg în kïta kïla kï kari. 21Îla de mad ar ron dø nyagt kïmajal'n m'elta lod nõ a ne, a i jo kïta kïla kï køsïgon, a i jo kïjaþat, kï asï kad Bïraþe ðan kïla, kara i tit kïta kïla kïmaj kïðen. 22Na i ja roi þat kad nyurkõgt lo basa; i sah go nyaða kïdenesew, kï kadkam, kï tar, kï lapia nat kï deg'n ndï kunïn tø Bïraþe kï ngarkam kïjanjoi. 23Na oroi tag kï ndïje kï lo þoodt lo deg kï gerïn nya mad al. I ger þet nyag'n non ndï teen kï gakïnag. 24Na sumba kad þer lo Bïraþe gakï deg al, na la ron søllom kï deg tube, kï i ngegoosï ndoo deg kï ngendïdøt dø tagahngt tø. 25Sumba kad ndoo deg kï ngémajta kï hal kï sayelïl. Maj a ne, Luwah a ad'd tørrïn ndid kad gerïn ne rota. 26Titbe la kumd a jan kad teen kø kam gumt'n sitan ya hødïn kumkajir kad ðan kïgo ndigt lon.
BIBLE MBAÏ © 1980 Alliance Biblique du Tchad.